hósdagur 4. oktober 2018síða 15

FRÍGGJADAGUR 5. OKTOBER 2018 SOSIALURIN 115 15 øllum heiminum. Fyri fleiri er hetta millum orsøkirnar til, at tey leiga sína íbúð ella sítt kamar út, tí tað gev­ur nakað sosialt. - Eg fari inn til gestirnar hvønn morgun klokkan 07, og so geri eg morg­un­mat og eti morgunmat við teimum. So kunnu vit sita rund­an um borðið og tosa um allan heim­ in, meðan eg kann finna upp­á at for­telja gestunum onkrar røv­ara­ søgur. Tað plagar at vera hugna­ ligt, og sovorðið upplivir mann held­ur ikki á hotelli, sigur Jørgen Christian­sen. Inga Jóhannusdóttir, sum leigar kjallaraíbúðina hjá sær í Sandavági út, vísir eisini á sambandið, sum er millum ferðafólkini og vertin. - Eg haldi, tað er ordiliga stuttligt at leiga út til ferðafólk, tí eg komi í samband við fólkini. Tey, sum eru hjá okkum, plaga at verða rættiliga for­kelað, m.a. bjóði eg teimum onk­ untíð føroyskan mat. Av og á fáa vit eisini onkrar gávur frá summ­ um gestum, greiðir Inga frá. Marna Matras leigar eini heil hús út, og hon kemur ikki so ofta sjálv í beinleiðis samband við gest­ irnar. Hon hevur eina lykla­boks, og uppá hendan mátan kunnu gest­ir­ nir lættliga passa seg sjálvar. Hon held­ur, at fleiri ferðafólk raðfesta at kunna vera fyri seg sjálvan í ein­ um heilum húsum. - Fleiri ferðafólk velja at leiga hús í staðin fyri eitt hotellkamar, tí uppá hendan mátan kemur mann sum gestur inn onkrastaðni, har mann kann vera fyri seg sjálvan, sig­ur hon. Elsa í Hjøllum stendur fyri at leiga eini hús út í Elduvík, og hon møt­ir heldur ikki so ofta gestunum sjálv, men samskiftir við tey gjøgn­ um Airbnb heimasíðuna. Hon leggur merki til, at tað ofta eru am­ erik­anarar, sum leiga, men føroy­ ing­ar leiga eisini til tíðir. - Eg upplivi, at flestu leigararnir eru amerikanarar. Onkuntíð eru tað eisini føroyingar, sum leiga hús­ini eitt vikuskifti, sigur Elsa í Hjøll­um. - Føroyingar brúka nógv Airbnb í Føroyum, og nógvir hava leigað frá mær. Serliga eru tað føroyingar av bygd, sum koma til Havnar í viku­skiftum, og á ólavsøku er stór­ ur eftirspurningur, sigur Marna Matras. Riggar best at leiga út í styttri tíðarskeiðum - Eg veit, at summi spyrja, hví vit ikki leiga út til føroyingar. Høvdu vit havt ein ordiligan køk í íbúð­ini, hevði tað verið nakað annað. Tað hava vit ikki, og tí riggar tað best fyri okkum, at fólk kemur og fer alla­tíðina, sigur Inga Jóhannus­ dótt­ir. Summi leiga út í ávísum tíð­ ar­skeiðum, tí tey sjálvi skulu brúka húsini. Hetta er tilfellið við húsunum í Elduvík, sum Elsa í Hjøllum leigar fyri sysktinabarnið hjá sær, sum býr í Sveis. - Hann brúkar sjálvur húsini um­leið tríggjar ferðir um árið, og tí riggar tað ikki so væl at hava lang­tíðarleigu, sigur hon. Marna Matras meinar ikki, at tað er ábyrgdin hjá privatum fólk­ um at leiga út til føroyingar og vil sleppa at brúka síni hús, sum hon vil, tí henni dámar best at leiga út í styttri tíðarskeiðum. - Fyri tað um eg havi arvað eini hús í býnum, merkir tað ikki, at eg skal taka mær av íbúðarneyðini. Eg eri ikki áhugað í at leiga í longri tíð­ ar­skeiðum. Eg havi roynt at leigað út í 10 mánaðir, men mær dám­ar best at leiga út í styttri tíðar­skeið­ um, sigur Marna Matras. Jørgen Christiansen fyritrekkir eisini at leiga út til ferðafólk, m.a. tí, at tað lønar seg betri peningaliga. Man hann hevur umhugsað at leiga út til føroyingar í vetrarhálvuni. - Eg havi umhugsað at leiga út til føroyingar í vetrarhálvuni, men um summarið leigi eg út til ferða­ fólk. Tað gevur nógv betri at leiga til ferðafólk, sigur hann. Góðar royndir við at leiga út Mann hevur onkuntíð hoyrt skrekk­søgur uttanlands um Air­ bnb, har útleigarin er komin heim til eina oyðilagda íbúð ella funnið útav, at ólógligt virksemi hevur gingið fyri seg í leigumálinum. Men teir fýra Airbnb útleigararnir, Sosial­urin hevur prátað við, hava bara havt góðar royndir av Airbnb. - Tey, sum leiga frá okkum, eru øll fitt, so tað hevur riggað væl hjá okk­um. Eg síggi næstan ikki, at nak­ar hevur verið har, tá tey eru farin. Tey fara óalmindiliga væl um, og eg havi ikki upplivað nakað negat­ivt við at leiga út. Tey rudda væl eftir sær og taka av songini og alt, sigur Inga Jóhannusdóttir. Tað sama sigur Jørgen Christ­ ian­sen, ið leigar fýra ymisk køm­ur út í sínum húsum í Havn. - Eg havi ongan keðiligan gest havt, so eg eri væl nøgdur. Kanska ein keðiligur hevur verið, men anna­rs havi eg bara góðar royndir, sig­ur hann. Elsa í Hjøllum hevur eisini bara góð­ar royndir við Airbnb. - Fólk hava verið øgiliga blíð og fitt. Tey fara væl um, og samskiftið mill­um gestirnar og meg hevur riggað ordiliga gott, fortelur hon. Marna Matras letur eisini væl at, og hon merkir longu nú áhugan fyri at leiga í næsta ár. Nógvu ferða­fólkini, sum koma til Føroya, eru væl fyrireikað og eru longu nú byrjað at bíleggja sær pláss í hús­ un­um hjá Marnu Matras. - Fólk byrja longu nú at bíleggja til næsta summar. So um eg ein dag­in skal gevast við at leiga út til ferðafólk, so má eg helst vera fyrireikað eitt ár áðrenn, tí bók­ ing­arnar koma so tíðliga, sigur hon.