hósdagur 4. oktober 2018síða 24

FRÍGGJADAGUR 5. OKTOBER 2018 SOSIALURIN 115 24 Óli Jacobsen Siðsøga Óli Jacobsen 7. partur G lyvrasnikkarin, Peter Jacob Hansen, átti sjey systkin. Yngri enn hann vóru Bergithe, gift við Jacob Jacobsen á Langanesi á Glyvrum, Kristiane Sophie, gift við Ole Jacob Nielsen, Saltangará, Johanne, gift við Poul Poulsen, á Líknagøtu í Saltangará, og so Inger og Hans, sum vóru ógift. Eldri vóru Elsebeth Kristine, gift við Johan Simonsen, umrødd í 5. parti, og Niels Pauli giftur við Juliu Weihe úr Lamba. Niels Pauli Hansen var bóndi í Heimistovu á Glyvrum. Ein son­ ur hansara var Hans Djurholm. Hann átti og førdi sluppina Pilot fyrst í farnu øld. Harumframt hevði hann navigatiónsskúla á Glyvr­um, har yvir 130 ungir mans tóku skiparaprógv. Eisini var hann skipasýnismaður, til hann gavst vegna aldur. Abbasonur Niels Paula var merkismaður Ein sonur Hans var Niels Pauli Djur­holm. Tað sæst í skjølunum úr New Zealandi, at hann hevur havt nógv samband við ættina har. Her eru brøv við nógvum tíðindum úr Føroyum. Men afturat hesum hevur hann sent nógv tilfar um ættina. Eisini sendi hann nógv tilfar úr og um gamla kirkjugarð í Havn, sum hevði samband við ætt­ina, og sum vísti, hvar Peter Jacob varð jarðaður undir liðini á abba­systrini. Niels Pauli var ein áhugaverdur persónur. Keldan til hesa lýsing av honum er minningargrein, sum Bjarni Djurholm skrivað um páp­ an, tá ið hann andaðist í 2009, 95 ára gamal. Niels Pauli Djurholm var fødd­ ur í 1913 á Glyvrum. Hann fór á lær­ara­skúla og tók læraraprógv í 1935. Hann var lærari á Toftum og Gøtu 1935 og -36. Frá 1937 til 1981 var Niels Pauli lærari í Kollafirði. Frá 1949 var hann fyrstilærari. Lærarayrkið var fyri hann sum eitt kall, har undirvísing, stundvísi og rættskafni vóru kjølfesti undir gerandisvirkinum. Niels Pauli legði stóran dent á, at allir næmingar fingu so holla frá­læru sum møguligt. Tað gleddi hann eisini almikið, tá næmingar seinni javnan takkaðu honum fyri dyggan og góðan skúlagang í barna­skúlanum. Niels Pauli virkaði eisini áhald­ andi fyri, at nýggjur skúli varð bygd­ur í Kollafirði, og var tað sann­ur hátíðardagur fyri hann, tá nýggi skúlin varð tikin í nýtslu í 1970. Var lærari og nógv annað Í sínum gerandisvirki luttók Niels Pauli í so mongum øðr­um virk­ semi. Hann var komm­unu­skrivari í Kollafirði í 28 ár. Hann var org­ an­istur í kirkjuni í 30 ár, og hann var limur í meinigheitsráðnum og sókn­arstýrinum. Hann var ein av stovnarunum av Kollafjarðar Ítróttarfelag og var heiðurslimur í felagnum. Bygdafólk komu á gátt frá morgni til songartíð, ger­andis- sum halgidagar. Allar komm­un­ al­ar gerandisavgreiðslur vóru av­ greidd­ar í heiminum. Harafturat tók Niels Pauli sær stundir til at læra børn í bygdini at spæla orgul og munnu tað vera fleiri, sum minnast tær løturnar við gleði. Hóast heimið soleiðis nærum var almennur meginstaður, so var ger­andisdagurin ikki merktur av strongd. Tvørturímóti, so var frið­ sælt heima við hús. Niels Pauli var sera hyggin mað­ ur. Setti stóra æru í, at alt virksemi rund­an um hann og hansara var hald­gott. Hann var álitismaður og hevði ongar óvinir, men ótaldar vinir. Legði stóran dent á ikki at tosa ilt um onnur fólk, sum eisini var meginreglan við hús. Hann var eisini náttúru­menn­ iskja. Urtagarðurin var prógv um hansara alsk til náttúru og vak­ ur­leika. Eisini hansara hugur at ganga var sjáldsamur. Hann skriv­ aði niður, hvussu oftani hann var uppi á Árnadalstindi, og var talið om­anfyri hundrað ferðir, umframt ótaldu túrarnar framm á Skarð og runt Dylluna. Eisini var Niels Pauli av frægu telvarunum í bygdini. Bjarni minn­ ist sum smádrongur, at menn í granna­lagnum eisini plagdu at telva fýrtalv inni hjá teimum. Virðismetti høvuðsvinnuna Hansara virðing fyri sjólívinum var stór. Hann virðismetti til fulnar týdn­ingin av høvuðsvinnuni, og fylgdi hann menningini í flotanum við stórum áhuga. Hetta saman við hansara upp­ runa var kanska eisini ein orsøkin til, at hann frá sjeytiárunum,sum frítíðarítriv reisti runt landið og savnaði upp í ótald ringbind av tilfari til Siglingarsøgurnar, sum so við og við vóru prentaðar. Tá ið Niels Pauli bleiv pensioneraður, var arbeiðið við Siglingarsøguni mestsum fulltíðarstarv í mong ár. Samstarvið við Páll Nolsøe helt fram til Páll andaðist. Hans Djurholm álitismaður Í Dimmalætting 28.9. 1892 var ein stór grein um Hans Djurholm, hjá Páll J. Nolsøe. Men tað er lítil ivi um, at stórur partur av tilfarinum er komið frá Niels Paula. Her er ein drúgv lýsing av hansara virksemi á sjónum, men her skal endurgevast tað, sum kanska ikki er so kent um hann. Hans Djurholm var limur í Nes sóknar sóknarstýri í 8 ár, herav 4 ár sum formaður. Hann var eisini álitismaður í sjúkrakassanum. Hann var deknur í Glyvra kirkju, sum hann hevði verið við til at fáa bygt. Áðrenn lækni kom í Nes sókn var mangan heitt á Djurholm, tá ið óhapp hendu. Eina ferð bjarg­ aði hann einum smádreingi frá at drukna við at geva honum anda­ hjálp, til lækni kom úr Havn. Hans andaðist í 1951. Niels Pauli Djurholm hevði nógv samband við sína ætt í New Zealandi. Hann útvegaði henni eisini tilfar um ættina í Føroyum NÓGVIR GLYVRASNIKKARAR Í NEW ZEALANDI Í 2012 vóru Tressa og Peter Hansen á vitjan í Føroyum. Tá vitjaðu tey undir Svínaryggi grøvina hjá abba hansara, Peter Jacob hjá Glyvrasnikkaranum. Á myndini eru v.f. Tressa Hansen, Johan Simonsen, Bjarni Djurholm, Símun Mittún, Peter Hansen og Hálvdan Simonsen. Sigast kann, at øll er søgan er eisini søga hjá kirkjugarðinum. Niels Pauli Djurholm hevði nógv samband við ættina í New Zealandi. Peter og Tressa saman við sínum. Síðan henda mynd er tikin er eitt abbabarn komið afturat.