mánadagur 8. oktober 2018síða 20

Mánadagur 8. oktober 2018 · Nr. 116 20 Sosialurin Hugskot og viðmerkingar – send sms til 225000 Og útlit eru fyri, at HB kann seta stigamet ímóti júst B36 um tvær vikur, tá næstseinasta umfar í Betri-deildini hetta kappingarárið verður spælt. Leygardagin vann HB 0-1 á heimavølli móti Skála BÁÐIR MÁLVERJARNIR FINGU DEBUT Til dystin millum Skála og HB leygardagin, var tað sermerkt, at báðir málverjarnir í dystinum, Sonni Højgaard hjá Skála og Bjarti V. Mørk hjá HB, fingu sínar fyrstu minuttir í bestu føroysku fótbóltsdeildini nakrantíð. André Olsen Fyri Føroyameistararnar úr HB hevur kappingarárið 2018 verið talan um eitt heilt serligt kapp­ ingarár. Fyri tað fyrsta vóru tað fá – um ikki eingin – ið væntaðu, at HB kundi vinna FM-heitið í ár, eftir tvey misjøvn kappingarár á rað, har felagið var endað sum numm­ar fimm í deildin bæði árini. Men við einari øðrvísi tilgongd frá leiðsluni og nýggjum íslendskum venjara, hevur HB í ár so dyggiliga mótprógvað, at tað skuldi brúkast nógv tíð til at fáa HB í toppin av før­oyskum fótbólti aftur. Í veruleikanum er talan um eitt so mikið serligt kappingarár fyri HB, at felagið ongantíð áður í søgu felagsins hevur klárað seg so væl sum hetta kappingarárið. Áðrenn hetta kappingarárið var tað ongantíð komið fyri síðani kappingin fór til 27 umfør, at HB hevði fingið fleiri enn 55 stig, sum felagið fekk í 2006 og 2009. Men við 67 stigum eftir 25 umførum – við útlitum fyri fleiri, eru øll innanhýsis met í HB í ár brotin. Og í komandi umfari ber til hjá HB, at seta met fyri stig í føroyskum fótbólti nakrantíð og taka metið frá B36, tá grannauppgerðin millum HB og B36 verður spæld. HB vann uppiborið 0-1 sigurin hjá HB á Skála leygar­ dagin bar við sær, at HB útjavnaði gamla stigametið hjá B36 frá 2011, tá B36 fekk 67 stig fyri 27 umfør. Sjálvur dysturin millum Skála og HB var annars ikki tann størsta fótbóltsupplivingin. Felags fyri bæði liðini undan dysti­num var, at kappingarárið var avgjørt. Tí vóru onkrar broyt­ingar á báðum liðunum til dystin leygardagin. Millum annað valdu bæði liðini at spara fyrstu málverjarnar í felagnum, Karst­in Hansen og Teit M. Gestsson, fyri at geva eykamálmonnunum møgu­ leika, sum báðir fingu sínar fyrstu minuttir í fremstu føroysku fót­ bólts­deildini nakrantíð. Einsamalla málið í dystinum kom tíðliga í fyrra hálvleiki. Við góðari avlevering frá Grétar S. Gunnarsson, endaðu bæði Dan í Soylu og Adrian Justinussen fríir, sum endaði við at Dan í Soylu smekkaði bóltin ímillum beinini á nýggja Skála málverjanum, Sonna Høj­gaard. At HB vann dystin, var í tráð í leik­gongdina. Hóast fyrri hálvleikur bylgjaði aftur og fram og sum heild var javnur, setti HB seg tyngri og tyngri á dystin í seinna hálvleiki, og hevði betru støðurnar til at økja um leiðsluna. Í seinna hálvleiki var Skála verjuleikarin, Ahmed Muj­ dragic, rikin beinleiðis av vølli eftir hevnisøku, og so skuldi ein trúð, at dysturin var fullkomiliga av­gjørdur. Men við einum manni í undirtali móti endanum, trýsti Skála av álvara HB. Fyrst tá Brian Jacob­sen skeyt úr góðari støðu, og síðani tá Bjarti V. Mørk bjargaði fríleypara frá innskifta Jannik M. Olsen. Heimir rósti nýggja málverjanum HB venjarin, Heimir Guð­jóns­son, hevði rósandi orð at bera unga HB málverjanum, Bjarta Vitalis Mørk, sum leygardagin á fyrsta sin­ni stóð fyri HB. Bjarti hevur vant við alt kapp­ ingar­árið og er ein ógvuliga lovandi ungur málverji. Magnus Poulsen (mál­mansvenjarin), hevur gjørt eitt gott arbeiði við Bjarta Mørk og Teiti Gestsson hetta kappingarárið, og útfrá dystinum í dag má eg siga, at Bjarti Mørk, sær út til at vera klárur til deildina, segði Heimir Guð­jónsson eftir dystin, og helt somu­leiðis fyri, at Skálamenn gjørdu dystin truplan fyri HB á Skála leygardagin. Eyðun iðraði seg um tapið Venjarin hjá Skála, Eyðun Klak­ stein, iðraði seg eftir dystin um, at Skála ikki fekk javn­leik burturúr dystinum móti HB. Men Eyðun Klakstein helt fyri, at tað neyvan er av tilvild, at HB alla tíðina klárar at koppa teimum tøttu dystunum til egnan fyrimun. Hetta var ein javnur dystur, sum kundi verið endaður við javnleiki – bæði tá vit tosa um spælbýti og mál­møguleikar. Vit spældu ein góðan fyrra hálvleik, men HB fekk málið. Í seinna hálvleiki var gongd­ in meira skiftandi, men tað var allíkavæl líka við, at vit fingu javn­ að. Tað kunnu vit iðra okkum um nú eftir dystin, men tað er neyvan av tilvild, at HB vinnur flestu av teimum tøttu dystunum teir spæla, segði Eyðun Klakstein eftir dystin. Samráðast um nýggjan sáttmála Seinastu tíðina hevur eitt sindur av spenningin verið rundanum fram­ tíðina hjá Eyðun Klakstein sum venjara. Sáttmálin við Skála gongur út eftir hetta kappingarárið, og sambært leysasøgunum seinastu tíðina, hevur tað ljóða, at Eyðun Klakstein skal vera uppá tal sum nýggjur venjari hjá Víkingi. Eyðun Klakstein sigur, at eingin avgerð er tikin enn um sína framtíð, men at hann í løtuni tosar við Skála. Mín sáttmáli við Skála gongur út eftir hetta kappingarárið, og í løtuni tosa vit saman um næsta ár. Nú fáa vit høvi at brúka landsliðssteðgin til at finna fram, um samstarvið skal halda fram ella ikki, sigur Eyðun Klakstein. Fótbóltur Dysturin hesa vikuna... FÓTBÓLTUR NÚ HEVUR HB ÚTJAVNAÐ METIÐ HJÁ GRANNUNUM