týsdagur 9. oktober 2018síða 16

Mikudagur 10. oktober 2018 · Nr. 117 16 Sosialurin Hugskot og viðmerkingar – send sms til 225000 TÍÐINDI FEKK HÆGSTA SIVILA TÝSKA HEIÐURSORDANIN Annfin Vitalis Hansen, týskur aðalkonsul í føroyum, hevur fingið hægsta týska, sivila heiðursordanin Árni Gregersen Í 10 ár hevur Annfinn Vitalis Han­ sen, advokatur, verið týskur konsul í Føroyum. Tað hevur týski forsetin valt at lata honum ordanin “Order of Merit of the Federal Republic of Ger­many”. Tað var týski sendiharrin í Keypmannahavn, Andreas Metzn­ er, sum á Panorama á Hotel Hafnia handaði heiðurin og festi hann á bringuna á Annfinni V. Hansen. Hetta hendi á einari móttøku, sum týski staturin helt í Føroyum. Sendiharrin Andreas Metzner takkaði Annfinni V. Hansen fyri trúgva tænastu seinastu 10 árini. Hann undirstrikaði, at hetta er ein tænasta, sum týski staturin set­ir stóran prís uppá. Hann segði seg eisini vita, at arbeiðsbyrðan hev­ur verið vaksandi seinastu ár­ ini, serliga tí fleiri og fleiri týsk ferða­fólk nú sóu Føroyar, sum eitt spenn­andi ferðamál. Týski sendiharrin segði, at hes­ ar dagarnar hann hevur verið í Før­ oyum, hevur hann fingið eitt gott innlit í føroyska samfelagið og at hann hevur havt fund við før­oysk­ ar myndugleikar og før­oysk­ar pol­ it­ikarar, sum hava sett hann inn í støð­una hjá Før­oy­um. Á hátíðarløtuni á Hotel Hafnia seinnapartin mánadagin vóru so at siga allir teir útlendsku kons­ul­ arnir í Føroyum til staðar, um­framt at landsstýrismaðurin við utt­an­ ríkis­málum, Poul Michelsen, eisini var til staðar. Annfinn Vitalis Hansen tók við sum týskur konsul eftir Ásu á Dul Jacobsen, sum var týskur konsul í mong ár og sum eisini hevur týska heiðurskrossin fyri sítt arbeiðið. Tá ið hon skuldi gevast sum konszxul, bóðu týskarar hana vísa á møgulig evnir, sum kundu taka við eftir hana. -Eg mælti teimum til at lata Ann­finn Hansen, men teir søgdu, at teir helst vildu hava fleiri at velja ímillum. Eg segði bara kortanei og so tilnevndu teir Annfin, sigur fyrr­ verandi konsulin við einum smíli. Undir hátíðarløtuni sang Driva Hansen, operasangari og bróðurin Gunnar Hansen spældi undir. Týski sendiharrin festir týska ordanin á bringuna hjá Annfinn V. Hansen Driva Hansen, operasangari og bróðurin Gunnar Hansen undirhildu. Tey eru børn Ásdis og Annfinni Hansen. Landsstýrismaðurin við uttanlandsmálum, Poul Michelsen, hittir týska sendiharran og konsulin. Týski sendiharrin, Ása á Dul Jacobsen, fyrrverandi konsul, og Annfinn Vitdalis Hansen. Væl av fólki var til móttøkuna, tá í týski konsulin í Føroyum, varð heiðraður