hósdagur 11. oktober 2018síða 9

FRÍGGJADAGUR 12. OKTOBER 2018 SOSIALURIN 118 9 móti heimbygdini. Kanningarnar hjá læknunum aftaná staðfestu tað, ið hann var bangin fyri. Har var talan um brot. Ikki mist mótið Sum 89 ára gamal er Agnar Nielsen ikki heilt ungur longur, men hóast keðiligu hendingina umborð á bátinum, so hevur hann ongar ætlanir um at gevast at rógva út. Tvørturímóti gleðir hann seg til at sleppa av við gipsi, so at hann aftur kann fara til útróðrar. - Eg fekk at vita, at eg skuldi ganga við hesum í seks vikur. Higartil kanningarnar vísa eisini, at tað grøðir væl. So eg vóni, at eg kann fara út aftur, tá tær seks vikurnar eru farnar. Eg var eisini nú ein dagin og royndi, um eg slapp umborð bátin. Tað gekk, eg slapp umborð og hevði bátin í gongd. Tá visti eg, at tað nokk fer at lukkast, at sleppa avstað aftur, tá hesar seks vikurnar eru farnar. So eg havi ikki mist mótið, sigur skjótt 90 ára gamli vestmenningurin. Hóast hendingina hendan dagin, so metir hann, at tað er einki galið hjá monnum at fara einsamallir til útróðrar, tí tøknin nú á døgum er so framkomin, at man altíð kann rópa á hjálp, um tørvur er á tí. - Mangan verður tosað um, um tað er rætt, at menn rógva út einsamallir. Summi meina, at tað skal skuldi ikki veri lógligt, at menn fara avstað einsamallir í báti. Eg havi ongantíð hildið, at tað er nakað órætt í tí, at man rør út einsamallur, tí greiðurnar eru so framkomnar í dag. Man hevur telefon og alt slag av útgerð at hjálpa sær við, um tað er neyðugt, sigur hann. Ein deiligur bátur Flestu føroyingar munnu nokk annars best kenna navnið Agnar Nielsen frá landspolitikki, har hann var virkin í 20 ár. Frá 1970 til 1990 mannaði hann ein av tveimum tingsessum í Norðstreymoyar valdømi og í tveimum skiftum var hann eisini løgtingsformaður. Hetta var í árunum 1978-79 og aftur í 1989-1990. Hann umboðaði Sambandsflokkin øll árini á tingi og er eisini mammubeiggi núverandi sambandsformanninum Bárður Nielsen. Umframt at vera politikari er hann eisini kendur sum byggimeistari í Vestmanna. Men tá hann fyri sekstan árum síðan hevði tørv á einum frítíðarítrivi, aftaná at eitt virkið arbeiðslív var komið at enda, ognaði hann sær bátin úr Norra, ið hann hevur havt stóra gleði av síðan. - At fara til útróðrar var tað, ið eg valdi at brúka tíðina upp á, tá eg ikki skuldi arbeiða longur. Eg fekk mær hendan deiligan bátin, og tað eri eg glaður fyri, tí tað haldi eg, er orsøkin til mína góða heilsu í dag, nú eg fylli 90 ár seinni í ár, sigur Agnar Nielsen. - Mangan verður tosað um, um tað er rætt, at menn rógva út einsamallir. Summi meina, at tað skal skuldi ikki veri lógligt, at menn fara avstað einsamallir í báti. Eg havi ongantíð hildið, at tað er nakað órætt í tí, at man rør út einsamallur, tí greiðurnar eru so framkomnar í dag. PERSÓNSSØGA