hósdagur 11. oktober 2018síða 13

FRÍGGJADAGUR 12. OKTOBER 2018 SOSIALURIN 118 13 Astra­l­is fjepp­ar­ar vóru til stað­ar og gjørdu nógv um seg. - Har var lív í teimum, og teir heppaðu allan vegin ígjøgnum. Tað gjørdi bara upp­livilsið enn feitari, sigur heimsmeitarin. Umgirdur av føroyskari mentan Hálvføroyska heims­ stjørnan hevur ongan­ tíð búð í Føroyum, men hann hevur kortini eitt gott samband við heim­landið hjá mam­ mu sínari, og hann er uppvaksin við før­ oysku mentan­ini. - Eg havi eitt øgiliga gott forhold til Føroyar. Í mínum upp­ vøkstri havi eg altíð havt føroyingar, før­ oy­skan mat, føroyskar sangir og tað føroyska málið rundan um meg, fortelur Lukas Egholm. Sum yrkisgeymari hevur mann ikki nógva tíð til góðar, og tá kann vera ringt at finna tíð til at ferðast. Tað er nakað síðani nú, at Lukas Eg­ holm hevur verið í Føroyum, men hann vónar at sleppa til Føroya aftur skjótt. - Føroyar eru eitt ótrúliga vakurt land, og tað er eingin ivi um, at eg skal til Føroyar at vitja aftur í nærmastu framtíð, um kalendarin hjá mær loyvir tí væl at merkja, sigur hann. Føroyski mentaliteturin eigur sín part av æruni 26. august vann føroyski Jóhan Sundstein 72 milliónir og heims­ meistara­heitið í Dota 2 saman við liði sínum. Hann hevur leingi verið eyð­sýndur í e-sportsheiminum sum ein av størstu fyrimyndunum og slóð­brótarunum í e-sporti. Longu nú hevur ein annar við føroyskum blóði gjørt um seg í e-sporti sum nýklæktur heims­ meistari, og hetta er enntá ikki fyrstu ferð hjá Lukas Egholm. Tað er undranarvert og forvitnisligt, at tveir av høvuðspersónunum í e-sportsheiminum eru av før­oy­ skari ætt. Lukas Egholm heldur tað vera stuttligt, at teir báðir hava klárað seg so væl, nú teir báðir hava tilknýti til Føroya. - Eg eri stoltur av Jóhan Sund­ stein og veruliga glaður hansara vegna. Hann ynskti mær eisini til­ lukku nú, tá vit vunnu FaceIt Major kapp­ingina. Tað hevði nógv at siga fyri meg, sigur Lukas Egholm. Counter-Strike stjørnan meinar, at hann og Jóhan Sundstein hava sama føroyska sinnalag, sum iva­ leyst hevur havt sítt at siga fyri teirra yrkisleið. - Eg haldi, at tað føroyska sinna­ lagið gevur einum pláss at út­folda seg í tí, sum mann gongur uppí. Føroyingar eru øgiliga fyri­kom­ andi og blíðir og hava nógvar góð­ ar sosialar førleikar, og hesi ting­ ini skal mann ikki undirmeta, um mann vil blíva ein góður e-sports­ íð­kari, sigur Lukas Egholm. Strategisku evnini eru í genunum Hann metir eisini, at hann hevur arvað strategisku evnini, sum eru øgi­liga umráðandi í e-sporti, frá for­eldrunum. Pápi hansara, sum doyði av ringari sjúku, tá hann var 17 ár, var yrkisfótbóltsleikari og seinni fótbóltsvenjari. Mamma hansara Elin Egholm, arbeiðir í sálar­sjúkufrøðini og kennir til tað at hava strategiir í kvittanum og skipa sítt arbeiði. Harumframt er hon eisini dugnaligur bridge­ spæl­ari, eins og foreldur hennara í Føroyum eru. - Abbi hevur í nógv ár undirvíst á Bridgeskúlanum í Havn, og hann og omma plaga at spæla bridge saman. So hetta við at hugsa strateg­iskt liggur nokk í genunum. Har er sanniliga ein góð blanding av føroyskum og donskum genum í mær, staðfestir Lukas Egholm. E-sportur fær nógva miðlaumrøðu Lukas Egholm ivast ikki eina løtu í, at e-sportur er ein ítróttagrein, sum bara er vaksandi. Hann vísir á, hvussu nógva miðlaumrøðu tað byrjar at fáa nú, sum er eitt tekin um, at e-sportur er framtíðin, tí fyri fáum árum síðani, legði eing­in sjón­varps­kanal í at dekka e-sports­ kapp­ingar. - E-sportur er hundrað prosent fram­tíðin. BLAST Pro Series í Istan­bul bleiv víst í sjónvarpinum í 129 londum, og tað varð dekkað á 20 yms­um málum online, sigur yrkis­ geym­arin, sum sjálvur hevur verið rætti­liga nógv í bæði donskum og al­tjóða miðlum í seinastuni. 3. november verður BLAST Pro Series kappingin í Royal Arena í Keyp­mannahavn, og hetta savna Lukas Egholm og Astralis seg um fyri tíðina. Teir hava stórar ætlan­ir og ætla sær undir ongum um­støð­ um at fara tómhendir heim. - Eg gleði meg til at spæla á heimabana í einari útseldari Arena, har 12.500 danir sita og heppa. Vit vunnu í Istanbul og vilja gera alt, vit kunnu, fyri eisini at vinna í Royal Arena, sigur hálvføroyski heims­meistar­in at enda. PATURE@SOSIALURIN.FO Astralis vinnarar MYND: ESPAT MEDIA