hósdagur 11. oktober 2018síða 14

FRÍGGJADAGUR 12. OKTOBER 2018 SOSIALURIN 118 14 HALLUR AV RANA F yri fimm árum síðan stóð tann tá 22 ára gamli Arnar Lognberg í einari støðu, ið nógv ung ítróttarfólk kenna aftur, tá tey skulu velja næsta stig í yrkisleiðini sum ítróttar­fólk. Hann mátti taka eitt val. Síðan hann var eitt barn hevði hann lagt ómetaliga nógva orku, tíð og peng­ar í at mennast so nógv sum gjør­ligt innan sína ítróttagrein. Og øll venjingin hevði givið úrslit, tí nú hevði hann møguleikan at skifta gerandis­dagin í Føroyum um við eina tilveru í Týsklandi sum pro­ fessionel­lur íðkari. Tað óvanliga við støðuni hjá Arnari Lognberg var, at ítróttar­ grein­in, ið honum nú stóð í boði at royna seg innan, ikki er millum teirra, ið føroyingar vanliga gera seg galdandi í. Faktiskt eru tað mong, ið als ikki viðurkenna tað sum eina ítróttargrein. Arnar Lognberg dugdi nevniliga væl at spæla telduspøl, og møgu­ leikin var ein sáttmáli við eitt týskt lið, ið bjóðaði honum at flyta til Týsk­lands og liva av at spæla teldu. Tá avtornaði tók hann ikki av til­ boðnum. - Eg angri tað eitt sindur, men tað hevði sínar orsøkir. Vanliga topp­ar man millum 18 og 25 ár, so eg sá onga framtíð í tí, tí eg var longu 22 ár. Eg var eisini vorðin pápi tá, og kundi ikki bara flyta av landi­num undan familjuni, sigur Arnar Lognberg. Øgilig menning Nógv er hent innan e-sport síðan hann fyri seks árum síðan takkaði nei til tilboðið úr Týsklandi. Mett verður, at 226 milliónir menniskjur hugdu eftir einari e-sport kapping í 2015 og kappast bestu íðkararnir í dag um milliónaupphæddir í vinn­ ing­um. Í dag kappast Arnar Lognberg ikki nakað serligt longur, men hevur í staðin átikið sær upp­gávu­ na sum fyriskipari av kapp­ing­um í Føroyum. Og eisini her á landi er talan um eina øgiliga menning sein­nu árini. - E-sportur hevur veruliga fing­ ið fótafesti eftir 2010. Áðrenn tað vóru nakrar smærri kappingar mill­um nøkur lið, men tá kappaðist man meira fyri heiður og æru enn nakað annað, sigur fyriskiparin. Sjálvur metir hann, at ítrótta­ grein­in bleiv lyft upp á eitt nýtt støði fyri trimum árum síðan, tá eitt nýtt felag bleiv stovnað. - Tá kom E-sport.fo upp í leikin. Teir hava ment Counter-Strike um­hvørvið í Føroyum. Fleiri lýsar­ ar eru fingnir til vega og verður nú skipað fyri CS-deildum í Føroyum. Í teimum deildunum kunnu spælar­ar vinna upp til 60.000 krón­ ur í vinningum. Tað leggjast nýggir lýsarar aftrat í heilum og fleiri av lið­unum hava eisini sínar egnu sponsorar, vísir hann á. Kapping fyrigongur á tann hátt, at tað eru umleið 10 lið í hvørjari deild. Topp fýra koma víðari til eitt endaspæl, har tey møtast til eina LAN-kapping. Tað vil siga, at man er fysiskt á sama staði. Seinnu árini er endaspælið voksið alsamt í vavi og vóru 100 áhoyrarar til staðar til sein­asta endaspæl, meðan yvir 400 fólk fylgdu við á netinum. Ikki góðtikið Hóast her er talan um eina altjóða ítróttargrein, ið veksur alsamt í vavi, so stríðast føroyskir íðkarar enn móti fordómum, vísir Arnar Logn­berg á. - Tað manglar at blíva meira góð­ tikið í samfelagnum. Man reypar ikki um, at man spælir telduspøl og fær pengar fyri tað. Tað er ikki so væl dámt í Føroyum, men tað er eisini í ferð við at broytast, sigur hann. Hann vísir á, at tað at bæði Johan Sundstein og Lukas Egholm sein­astu vikurnar hava vunnið fleir­tals milliónir krónur í DOTA og CS ger eisini sítt til, at føroyingar byrja at góðtaka, at talan er um eina ítróttargrein. - Um man skal vera pro­ fessionel­lur, so skal man brúka nógva tíð upp á tað. Man vaknar um morgunin og venur til man fer í song. Um man skal vera millum teir bestu í heiminum, so kanst tú ikki hava eitt lív við síðuna av, sigur Arnar Lognberg. Trupult í Føroyum Í løtuni eru tveir føroyingar millum 200 teir fremstu í Evropa innan LOL, meðan ein føroyingur er mill­um 100 teir fremstu í DOTA. Arnar Lognberg metir tó, at tað kundu verið fleiri, tí føroyingar hava nakrar tekniskar forðingar, ið eru ein vansi í altjóða kappingini. - Latency er størsta forðanin. Tað er skrásetta tíðin frá tí, at tú trýst­ir á músina, til spælið ger tað, tú ætlaði. Hvussu høgt tað er verður ávirkað av fjarstøðuni til am­bætaran. Flestu ambætarar liggja í Týsklandi. Tí er tað ringt, um ikki ómøguligt, at spæla pro­ fessio­nelt í Føroyum. Tað eru nøk­ur talent í Føroyum, ið kunnu koma langt, men so mugu teir flyta av landinum at spæla, sigur hann. Arbeitt verður í løtuni við at um­leggja netið í Føroyum, so at tað koyrir gjøgnum fipurkaðlar. Tað fer at betra um kappingarførið hjá føroyskum spælarum. - Latency kann betrast. Fyri fimt­an árum síðan var tað uppi á 120 m/s. Nú er tað á 50/60 m/s, meðan tað í Danmark er 15/20 m/s. Við fipur væntar man, at latency lækk­ar við umleið 20 prosentum aftr­at. Tá eru vit kanska á ein­um støði, ið ger, at teir bestu í Før­ oyum, kunnu gera seg galdandi í kapp­ingum á netinum, sigur Arnar Logn­berg. HALLUR@SOSIALURIN.FO - Tað manglar at blíva meira góðtikið í samfelagnum. Man reypar ikki um, at man spælir telduspøl og fær pengar fyri tað. Tað er ikki so væl dámt í Føroyum, men tað er eisini í ferð við at broytast, sigur Arnar Lognberg, ið seinastu árini hevur verið ein av fyriskiparunum innan E-sport í Føroyum E-Sportur TEMA: E-Sportur IKKI GÓÐTIKIÐ Í SAMFELAGNUM