hósdagur 11. oktober 2018síða 15

FRÍGGJADAGUR 12. OKTOBER 2018 SOSIALURIN 118 15 - Í løtuni raðfesti eg skúlan fyrst og ætli tí ikki at blíva professionellur, men tað er ein møguleiki, tá eg eri liðugur í student. Men um eg aftur ætli at spæla Counter-Strike seriøst, so má eg flyta til Danmarkar, sigur 17 ára gamli Heðin Mortensen, ið verður mettur at vera ein av bestu Counter-Strike spælarum í Føroyum EIN MØGULIG FRAMTÍÐ Í E-SPORT HALLUR AV RANA E in av teimum føroysku e-sport íðkarunum, ið mett verður hevur størsta møgu­leikan at fáa eitt gjøgnum­brot í altjóða e-sporti er 17 ára gamli havnar­ maður­in Heðin Mortensen. Longu sum 15 ára gamal staðfesti hann, at hann var verdur at halda eyga við, tá hann vann virðis­lønina sum besti leikari í FM finaluni í Counter-Strike Global Offensive, har hann luttók við liðnum Stole Your Glory. Um leik­lutin hjá unga íðkarunum skrivaði Vodafone tá fylgjandi. - Í flestu lyklatølum var hann langt fremstur. Hann drap 147, ið vóru 18 fleiri enn nakar annar í kapp­ingini. Hann skaddi aðrar leikar­ar 15.209 stig, tað er 2.194 fleiri enn nakar annar megnaði og ikki færri enn 501 ferðir rakti hann ein annan leikara, tað vóru 61 ferðir fleiri enn nakar annar. 63 ferðir megnaði hann sokallaði head­shots, tað vóru 9 fleiri enn nakar annar, skrivaði Vodafone um unga leikaran, aftaná at virðis­lønin bleiv handað. Skúli fyrsta val Hóast hann verður mettur at vera millum størstu stjørnuskot innan føroyskan e-sport, so hevur nú 17 ára gamli Heðin Mortensen valt at minkað um tíðina, ið hann brúkar framman­fyri telduni. Orsøkin er, at hann í summar byrjaði í student á Glasi og hevur hann valt at hugsavna seg um skúlan í fyrstu atløgu. - Í løtuni spæli eg ikki so nógv, tí eg eri farin á student og havi ikki eins góðar stundir til tað longur. Men eg havi spælt Counter-Strike í fýra ár, harav eg var rættiliga seriøsur í tvey av teim­um, sigur hann. Tað eru ikki meira enn fýra ár síðan, at ungi leikarin byrjaði at spæla Counter-Strike, men skjótt varn­aðist hann og onnur, at hann hevði serligar gávur innan spælið. - Tað var til fyrstu Counter- Strike kappingina, sum var í Før­ oy­um. Eg meldaði meg til, og fann tá út av, at eg var rættiliga dugna­ ligur til hetta spælið, sigur hann. Tað gekk eisini væl frá byrjan av. Til fyrstu kappingina gjørdist liðið hjá honum nummar fýra, men longu til næstu kappingina høvdu teir ment seg so nógv, at teir gjørdist bestir í Føroyum. Síðan tá hevur hann vunnið fleiri kapp­ingar, og hevur liðið vunnið 50.000 krónur tilsamans. 30 tímar um vikuna Man verður tó ikki nummar eitt í Føroyum uttan at venja, og tá Heðin Mortensen og hinir á lið­ num vandu upp á tað harðasta, spældu teir Counter-Strike í um­ leið 30 tímar um vikuna. - Tað er eins og venjingartíðir í fótbólti. Vit møttust á einum am­ bætara klokkan 17 og spældu so í einar fimm tímar móti øðrum lið­um, greiðir hann frá. Tað kann tykjast at vera nógv tíð at brúka frammanfyri einari teldu, og tá var tað heldur ikki altíð so lætt at greiða øðrum frá, hvat hann gjørdi í frítíðini, men eisi­ni tað er broytt nú. - Í byrjanini var tað torført, tí fólk hildu tað vera løgið, at man spældi teldu í fleiri tímar um dagin, men nú er tað vorðið moder­nað og nógv fleiri eru farin at spæla e-sport. Familjan hevur tó altíð stuðlað mær, tí samstundis havi eg altíð fingið góð próvtøl og klára meg væl í skúlanum, sigur Heðin Mortensen. Ein møgulig framtíð Heðin Mortensen hevur ikki heilt slept Counter-Strike, hóast skúlin nú kemur í fyrstu røð. Hann luttekur í teimum kappingum, ið E-sport.fo skipar fyri og dreym­ urin um at liva av at spæla Count­ er-Strike livir enn. - Í løtuni raðfesti eg skúlin fyrst og ætli tí ikki at blíva pro­ fessionellur, men tað er ein møgu­ leiki, tá eg eri liðugur í student. Men um eg aftur ætli at spæla Counter-Strike seriøst, so má eg flyta til Danmarkar, sigur hann. Seinastu árini er e-sport ment nógv sum ítróttur í Føroyum, men er langt aftanfyri tað, ið Dan­ mark hevur at bjóða teimum, ið ynskja at liva av ítróttinum. Tað er orsøkin til, at ungi leikarin væntar, at hann má flyta niður, um hann ynskir at spæla pro­ fessionelt. - Tað eru ikki líka nógvir møgu­ leikar í Føroyum innan e-sport sum aðrastaðni. Aðrastaðni hava tey góðu liðini eitt hús har tey venja saman, fastar venjingartíðir, venjar­ar og annað. Harumframt eru fleiri kappingar í Danmark, har man má vera til staðar, greiðir Heð­in Mortensen frá.