hósdagur 11. oktober 2018síða 16

FRÍGGJADAGUR 12. OKTOBER 2018 SOSIALURIN 118 16 TEMA: E-Sportur E-Sportur PÆTUR HJALMAR EVENSSON U m mann ivast í, um e-sportur verður tikin í álvara nakrastaðni í Føroyum, kann mann bara hyggja eftir Skúla­ num við Streymin. Har bjóða tey nevniliga e-sport út sum eina valbreyt til 10. flokk­ar­ nar í eNámi, sum er eitt skúla­ samstarv millum Skúlan við Streym­in, Fuglafjarðar skúla og Stranda skúla. Í Danmark bjóða heili 62 eftirskúlar e-sport út sum lærugrein. Enn er Skúlin við Streymin einasti skúli, ið hevur e-sport á tímatalvuni í Føroyum. - Vit vildu hava nakrar breytir, ið brutu frá teimum vanligu lærugreinunum. Har kundi e-sportur geva næmingunum nakað heilt annað, enn teir eru vanir við at fáa bjóðað, sigur Sonni Óli Djurhuus, skúlastjóri í Skúlanum við Streymin. Tá nýggjar valbreytir skuldu skipast í nýggja eNám skúla­sam­ starvi­num, skjeyt lærarin og KT- vørurin, Høgni Lützen, upp at menna eina breyt í e-sporti. Sonur hansara, Eyðstein Lützen, var júst liðug­ur at lesa Game Design and Pro­duction Management, og tí var tað upplagt at fáa hann inn at leggja undir­vísingina til rættis. Hetta helt skúla­stjórin vera eitt gott hugskot, tí hann visti, hvussu nógv e-sportur fylti úti í heimi. - Hatta er skjótast vaksandi ítrótturin yvirhøvur. Tí hugsaðu vit, at vit akkurát tað sama kundu vera fyrst og vera við í hesari menningini, tí hatta er komið fyri at vera, sigur Sonni Óli Djurhuus. Snýr seg um annað enn bara spæl Eyðstein Lützen stóð fyri at skipa undirvísingina og undirvísti næmingarnar fyrstu tíðina, og fyri hann hevði tað nógv at siga, at hetta ikki bara var ein lærugrein, har mann bara spældi telduspøl. - Endamálið var ikki bara at síggja tað sum ein ítrótt. Tað er ein partur av tí, men tað snýr seg eisini um mentanina aftanfyri og um tað at yvirhøvur spæla spøl. Her verður hugt eftir hvørjar fyrimunir, mann kann fáa av at spæla spøl, og hvussu tað heila hongur saman, sigur Eyðstein Lutzen, sum í dag býr í Aalborg. N æ m i n g a r n i r f á a innlit  í  e-sport heimin, læra ástøði, forritan og læra at íðka gaming á sunnan og hóvsaman hátt. Samskifti og samstarv eru grundleggjandi eginleikar, ið næmingarnir arbeiða við og menna í hesum sambandi. Skúlastjórin í Skúlanum við Streymin vísir eisini á, hvussu E-sportur sum valbreyt í Skúlanum við Streymin: Næmingarnir á E-sport breytini hava góðar umstøður NÆMINGAR LÆRA UM FYRIMUNIRNAR VIÐ AT GEYMA - Tað eru ongar natúrligar forðingar fyri, hví føroyingar ikki skuldu verið kappingarførir í e-sporti á altjóða støði, heldur Eyðstein Lützen, ið legði undirvísingina í e-sport lærugreinini í Skúlanum við Streymin til rættis