mánadagur 15. oktober 2018síða 10

Mánadagur 15. oktober 2018 · Nr. 119 10 Sosialurin Hugskot og viðmerkingar – send sms til 225000 TÍÐINDI Fleiri rognkelsi og størri smolt Bakkafrost er felagið, sum oftast er omanfyri markvirði fyri lús. Regin Jacobsen veit tó, hvat fyritøkan má gera, sigur hann. Danjal av Rana Síðani lúsatølini blivu almenn í oktobur í fjør, hevur Bakkafrost 28 ferðir verið omanfyri markvirði. Regin Jacobsen ásannar, at tað er óheppið og ov ofta, men sigur sam­stundis, at felagið hevur loysn­ ina klára, tó at hon fer at taka tíð at seta í verk. Hann vísir tó á, at sam­stundis sum Bakkafrost oftari enn hini er oman fyri markvirði, so hev­ur Bakkafrost eisini nógv fleiri ali­øki enn hinar føroysku alifyri­ tøk­urnar. Hann sigur, at tað er eingin ivi um, at tað sum ger størstan mun í Føroyum eru rognkelsi. - Orsøkin til, at Luna klárar seg so væl og heldur lúsatølum sínum niðri, er at Atli Gregersen hevur tryggjað sær, at hann hevur nokk av rogn­kelsi. Tað hava vit ikki megnað enn, sigur Regin Jacobsen. Rognkelsi eta lýsnar av laks­un­ um og á hendan hátt megna tey í stóran mun at halda lúsastovninum niðri. Tá so lúsateljingarnar vísa, at lúsatølini veksa, kunnu onnur reinsitiltøk setast í verk. Regin Jacobsen heldur tí, at tað er neyðugt at hava rogn­kelsi í ring­ unum sum part av fyri­byrgj­andi ar­ beið­inum. Hann vísir á, at fyri seks ár­um síðani byrjaðu Bakka­frost, Marine Harvest, Luna og Fiska­al­ ing at kanna møguleikan at brúka rogn­kelsi í Føroyum. Skulu ala rognkelsi í Føroyum Føroyska alivinnan hevur eisini leingi havt ætlanir um at ala síni egnu rognkelsi. - Tað eru fýra ár síðani at ein umsókn bleiv latin inn um at sleppa at ala rognkelsi í Føroyum, men vit hava ongantíð fingið nakað svar. Nú er alilógin so broytt og eitt loyvi er latið í Føroyum, so nú hendir okk­urt á økinum, sigur hann. Regin Jacob­sen sigur, at væntandi verða føroysk rognkelsi klár næsta ár. Meðan tær hava bíðað, hava føroysku alifyritøkurnar bygt eina fram­leiðslu upp í Íslandi og hava so­leiðis fingið fatur á rognkelsi til sín sjálvs. - Atli Gregersen var fyrstur at tryggjað sær rognkelsi og Luna hevur tí fingið nokk til øll síni aliøki. Tað hevur tíverri ikki eydn­ ast okkum enn. Vit síggja greitt, at tað er stórur munur á lúsalívinum í teimum ringunum, har rognkelsi eru, og teimum, har eingi eru. Vit ar­beiða tí við at fáa til vega nokk av rognkelsi til allar okkara ringar, sigur Regin Jacobsen. Gera smoltstøðir fyri eina milliard krónur Hitt beinið, sum lúsaloysnin skal standa á, eru stóru smolt­fabrikk­ ir­nar, sum Bakkafrost nú letur byggja. - Vit síggja týðiliga, at jú longri laksurin er í sjónum, jú størri eru lúsatrupulleikin. Hetta førir onk­ un­tíð til, at vit mugu taka laksin, áðrenn hann er fullgrógvin, tí hann hev­ur ov nógva lús. Vit eru tí í ferð við at byggja nýggja smoltstøð á Strond í Klaksvík umframt at vit fara at byggja eina nýggja í Suð­ur­ oy og útbyggja nakrar av støðunum norð­anfyri, sigur hann. Endamálið við hesum er at lata smoltið veksa seg størri á landi, upp til 500 gram, áðrenn tað verður sett á sjógv. Stjórin í Bakkafrost sigur, at tá smoltstøðin er komin upp í fulla ferð, fer laksurin at vera undir eitt ár í sjónum. - Á hendan hátt avmarka vit eisini tíðina, lúsin fær gjørt um seg, sigur hann. Fyrstu smoltini eru longu koyrd inn í støðina á Strond, men enn er hon ikki tikin fult í nýtslu. - Tilsamans er talan um útbygg­ ingar fyri yvir eina milliard krónur. Tað arbeiða 180 mans við at gera smoltstøðina á Strond, sum verður liðug um eitt ár. So tað sigur seg sjálvt, at hetta er ikki nakað, sum verð­ur gjørt eftir einum degi, sigur Reg­in Jacobsen. Tænastuskipini gera sítt Tá farið verður upp um markvirði mugu reinsitiltøk setast í verk og stjórin hevur ósvikaligt álit á teim­ um skipanunum, sum Bakka­frost hev­ur. - Eingin í heiminum hevur eina meiri framkomna avlúsingarskipan enn Bakkafrost hevur við tænastu­ skip­um okkara, sigur Regin Jacob­ sen, sum eisini sigur, at vit í Før­oy­um eru langt frammanfyri út­ lendsku kappingarneytarnar. Hann hev­ur júst havt vitjan av út­lendsk­ um alarum, sum eru bergtiknir av før­oysku skipan­unum. - Í Kili hava tey í løtuni sjey lús á hvørjum fiski. Í fjør var talið tríggj­ ar lús. Laksalúsin er tí ein trupul­ leiki um allan heimin, sigur hann. Tey trý tænastuskipini hjá Bakka­frost, Hans á Bakka, Martin og Róland, kunnu reinsa laksin bæði við feskvatni og við heitum sjógvi. Regin Jacobsen sigur, at Bakka­frost vóru teir fyrstu, sum fóru at nýta feskvatnsreinsing í vinnu­ligum høpi. - Man visti, at laksalúsin yvir­liv­ ir ikki í feskvatni. Tað sá man á ali­ laksi, sum viltist upp í áir og vøtn. Skip­ini hjá okkum kunnu eisini reinsa við heitum sjógvi, umframt at vit herfyri keyptu eina føroyska fyri­tøku, sum hevur ment eina nýggja reinsiskipan, sum reinsar fiskin varligari enn áður, sum sjálv­ andi er betri fyri laksin, sigur hann.