mánadagur 15. oktober 2018síða 20

Mánadagur 15. oktober 2018 · Nr. 119 20 Sosialurin Hugskot og viðmerkingar – send sms til 225000 Landsdysturin móti Aserbadjan bleiv ein sonn marra. Hóast fleiri málmøguleikar og góð álop, so stendur føroyska liðið eftir við einum 3-0 tapi, tá dómarin bríkslar fyri seinastu ferð ODMAR DAGSINS SPÆLARI Sambært føroysku áskoðarum, so var Odmar Færø dagins spælari. Áskoðararnir kunnu umvegis Sona- appina velja dagsins spælara. Verjuspælarin hjá B36 fekk næstan ein triðing av atkvøðunum, meðan Gilli Rólantsson fekk um 17 prosent av atkvøðunum. Tróndur Arge – Tórsvøllur Tað er púra kvirt á Tórsvølli, tá Richard Almeida rennur til bóltin. Stutt frammanundan er marran full­komin, tá Viljormur Davidsen royn­ir at stúta bóltin aftur til Gunn­ar Nielsen. Bólturin fær ikki nokk av ferð, meðan málverjin er ov sein­ur út. Spælarin hjá Aserbadjan fer umkoll og tað er brotsspark. Longu í fyrra hálvleiki hevur ber­skølti Richard Almeida lagt Aser­badjan á odda, meðan Dmitri Nazarov skorar upp á annað skotið í dysti­num, sum gestirnir hava á málið. Nú eru fáir minuttir til dystarlok, tá miðvallarin við brasilskum upp­ vøkstri rennur til bóltin og skorar trygt. Hetta er fjórða skotið hjá Aserbadjan, sum rakar málið, meðan okkara 20 ferðir hava roynt eftir máli­num hjá teimum. Tríggjar ferðir raka vit málið, men ongantíð verður um­sett til mál Aserbadjan ger alt, sum vit skuldu havt gjørt. Ongar umberingar Venjarin hjá Aserbadjan er Gurban Gurbanov. Hann hevur drúgvar royndir sum spælari, og skoraði millum annað móti Føroyum í venj­ingardysti í 1996. Hann er lág­ vaksin, tættur og sigur ikki so nógv á tíðindafundinum, sum er und­an dystinum. Ferðalagið hjá teim­ um hevur ferðast í 14 tímar, fyri at koma frá Baku í Aserbadjan til Vágar. Hóast longu ferðina, køldu um­støðurnar í Føroyum og gras­ líkis­vøllin, so vil venjarin ikki hoyra talan um umberingar. - Eg havi sæð vøllin. Hann er nakað lítil, men tað er líka fyri báðar partar. Tað er rætt, at vit hava ferðast í 14 tímar, men tað er heldur ongin um­bering. Vit vilja spæla ein góðan dyst, eru til reiðar og vilja eisini vinna, sigur Gurban Gurbanov, venjari hjá Aserbadjan á tíðindafundinum. Fleiri broytingar á føroyska liðnum Lars Olsen, landsliðsvenjari, valdi at gera nakrar broytingar á liðnum. Gilli Rólantsson bleiv fluttur á høgra bakkin, meðan Jóan Símun Ed­munds­son byrjaði á høgra vongi og Finnur Justinussen fekk møgu­ leikan í álopinum. Hartil kom Odmar Færø inn í miðvejruni fyri leikbannaða Sonna Ragnar Natte­ stad. Revsaðir á váta vøllinum Tað sæst beinanvegin, at vøllurin er vátur og skjótur at spæla á. Spælarar á báðum liðnum hava trupult við at spæla, tá tað gongur skjótt fyri seg. Bæði liðini missa bólt­ar á miðjuni, sum tey helst ikki høvdu gjørt, um umstøðurnar vóru eitt sindur øðrvísi. Føroyska liðið er nær við í tveim­ um førum, men tað eru gestirnir, sum revsa okkum. Jóan Símun Ed­munds­ son missur bóltin í uppspælinum og so gongur skjótt. Teir senda bóltin inn­fyri úr vinstru og Gunnar Nielsen klára ikki at halda bóltinum. -Eg royndi bara at stegða bóltinum frá at fara í málið, men sjálvandi endar hann hjá einum av teirra, sigur Vilj­ormur Davidsen, sum fær fótin á bóltin á sjálvari málstrikuni. Aserbadjan er á odda 1-0, men tað er ikki tí teir hava verið so vanda­ miklir, men helst gera teir færri villur enn okkara – og eru avgjørdi í brotsteiginum. Vit leypa á Tað er eitt føroyskt lið, sum ætlar at leypa á, sum kemur út til seinna hálvleik. Tað er ferðmikið og hend­ inga­ríkt, men tíverri eisini eitt sind­ur tilvildarligt. Fleiri ferðir eru misskiljingar í uppspælinum, meðan tað í øðrum førum ikki er saman­hangur í trýstinum. Vit koma tó til málmøguleikar, men tað er synd at siga, at føroysku spælar­arnir eru avgjørdir í brots­teig­ num hjá teimum. Hinvegin, so eru gestirnir púra kaldir, tá teir fáa møguleikan. Eftir 67 minuttir fær Dmitri Nazarov bólt­ in upp á tvørs í brotsteiginum og set­ur fótin á bóltin. 2-0 og Nations League dreym­urin kámast burtur í mjørka­num á Tórsvølli. Og vit leypa á Føroyska liðið roynir nú enn meiri at leypa á. Vit koma eisini til stórar møgu­leikar, men eitt nú skotið hjá Brandi Hendriksson fer við síðuna av, tá hann verður spældur leysur í brots­teiginum. -Vit raktu ikki málið í dag, og tað er eisini galdandi fyri meg. Handan bóltin skal eg bara skora upp á, sigur Brandur Hendriksson. Mótinum endanum rudda gestir­ nir stútaran hjá Klæminti A. Olsen á málstrikuni, meðan hælarin hjá Atla Gregersen brestur í yvirleggjaran. -Tá so hasin heldur ikki fór inn, so hugsaði eg bara at tað skuldi nokk ikki verða í dag, sigur Atli Gregersen, lið­skiparin á føroyska landsliðnum. Løtu seinni er brotsspark og dreym­urin um Nations League er so gott sum burtur. Aserbadjan vinnur 3-0, tá teir vóru neyvari frammanfyri máli­num. trondur@sosialurin.fo Fótbóltur Dysturin hesa vikuna... Nations League: FÓTBÓLTUR MARRAN Á TÓRSVØLLI