týsdagur 16. oktober 2018síða 32

SOSIALURIN OKTOBER 2018 8 KVEIK Hallur av Rana Eitt tað fyrsta man leggur merki til, tá man stígur innar í heimið hjá Janus Poulsen og Duritu Hilduberg í Klokkaragøtu í Havn eru teir nógvur litirnir, ið eru í heiminum. Her er eitt heim, ið skilur seg frá tí minimalistiska og hvíta rákinum, ið hevur sett sítt fingramerki í nógv heim kring landið. Á veggjunum hanga fleiri myndir og málningar og ein blanding av gomlum og nýggjum innbúgvi prýða rúmini. Nakað av innbúgvinum er keypt nýtt, men her er eisini ymiskt, ið er keypt sum endurnýtsla. - Vit hava lagt okkum eftir at fylla heimið við eini heitari kenslu. Tað merkir nógvir litir. Vit vildu sleppa burtur frá hesum sterila, svart/hvíta og tómar veggir. Tí hava vit fylt teir við so nógvum sum gjørligt, greiðir Janus Poulsen frá. Veggirnir í lítla heiminum eru eisini fyltir av málningum, myndum og prentum frá ymiskum listafólkum. Talan er um eina verkætlan, ið byrjaði fyri 20 árum síðan, og sum síðan hevur vundið meira upp á seg. - Vit byrjaðu at samla fyri 20 árum síðan og síðan eru bara fleiri og fleiri verk løgd aftrat, tí fólk vita vit eru glað fyri slíkt. Eg eri serliga glaður fyri stóra bláa málningin eftir Anker Mortensen. Hann keypti eg tá eg var í læru. Á sama veggi hongur eisini eitt prent eftir danska listamanninum John Kørner, ið mær dámar væl, sigur Janus Poulsen. hallur@sosialurin.fo - Vit hava lagt okkum eftir at fylla heimið við eini heitari kenslu. Tað merkir nógvir litir. Vit vildu sleppa burtur frá hesum sterila, svart/ hvíta og tómar veggir. Tí hava vit fylt teir við so nógvum sum gjørligt, sigur Janus Poulsen LITRÍKA HEIMIÐ Í KLOKKARAGØTU