hósdagur 18. oktober 2018síða 12

FRÍGGJADAGUR 19. OKTOBER 2018 SOSIALURIN 121 12 PÆTUR HJALMAR EVENSSON S íðan 1977 hevur plátufelagið Tutl givið føroyskan tónleik út í Føroyum, og felagið hevur áhaldandi arbeitt fyri at menna føroyskan tónleik bæði í Føroyum og úti í heimi. Stovnari og eigari av Tutl er tónasmiðurin Kristian Blak, og hann hevur lagt merki til stóru talgildu menningina í tónleikavinnuni seinastu árini. Tá Tutl byrjaði, seldu tey bara LP-plátur, og tá CD-fløgurnar komu nøkur ár seinni, var inntøkugrundarlagið eisini frá hesum. Men í dag er støðan ein heilt onnur, og tað sær bara út til at ganga ein veg. Í 2007 var árliga talið av fløgum og plátum, sum Tutl gav út heilt uppi á 70.000 eintøkum, og síðan tá hevur sølan og framleiðslan av fysiskum útgávum bara verið dalandi. Í 2012 var talið 65.000, og í 2014-15 var tað 46.000. Árið eftir framleiddu tey 42.000, og í fjør framleiddi Tutl um 38.000 eintøk. Inntil víðari í ár liggur talið á 17.000, so í ár er tað veruliga komin vend í søluna av fløgum og plátum í mun til undanfarnu árini. Meginparturin av inntøkuni frá sølu hjá Tutl kemur í dag frá talgilda tónleikamarknaðinum. Hetta veri seg stroymingstænastur og keypsstøðir á netinum. Serliga er tað ein stroymingstænasta, ið hevur munin, og tað er svenska Spotify, har umleið helvtin av inntøkuni hjá Tutl kemur frá. Á einum góðum degi eru tað næstan 50.000 stroymingar um dagin av tónleikinum hjá Tutl. Seinasta hálva árið hevur Tutl havt meira enn eina millión stroymingar um mánaðin. Metið er 1,3 milliónir uppá ein mánaða. Stroymingar um allan heimin - Í hvørjum landi heldur tú, størsta inntøkan kemur frá? spyr Kristian Blak og heldur fyri topplistan á telduni hjá sær. Mann skuldi trúð, at tað var í Føroyum ella í Danmark, men tá hann spyr ein so leiðandi spurning, er meira eysæð at gita Týskland ella Ísland. Men tað er ikki rætt. - Tað er í USA, avdúkar Kristian Blak og vísir á stóra talið av mánaðarligum stroymingum. Heili 200.005 stroymingar komu frá USA seinastu 30 dagarnar, har sølan var aljóðandi 291 løg og 120 fløgur. Hetta var tilsamans 29,42% av søluni hjá Tutl. Hann fortelur, at tað er orsakað av Eivør, sum hevur nógvar lurtarar í USA, og tað talið er bara vaksandi. Av hesari orsøkini hevur USA eisini verið ovarlaga á listanum í eitt longri tíðarskeið. Á øðrum plássi eru Danmark og Føroyar, sum verða tald saman á hagtalsskipanini. Ísland stroyma eisini nógv, men tey hava eina Stroyming TEMA: Stroyming Fløgusølan er minkandi: STROYMING ER NEYÐUG FYRI AT LIVA AV TÓNLEIKI - Mann má vera til taks á stroymingstænastum. Um mann ikki hevur Spotify, hevur mann ikki møguleika at samskifta við umheimin, sigur Kristian Blak um nýtmótans mátan at marknaðarføra seg sum tónleikara uppá Listi yvir økini, har Tutl fær størstu inntøkuna frá. USA er nummar 1, hóast Danmark/ Føroyar stroyma meira. Hetta er tí, USA keypir nógv meira tónleik