mánadagur 22. oktober 2018síða 17

17 Mánadagur 6. januar 2014 · Nr. 2 Sosialurin Mánadagur 22. oktober 2018 · Nr. 122 Hugskot og viðmerkingar – send sms til 225000 Lagnan hjá B68 er knýtt at avrikunum í síðsta umfari hjá niðurflutta Giza Hoyvík og næstbesta HB liðnum 1. DEILD: FÓTBÓLTUR Jóannes Hansen Fara tvey lið at flyta upp, ella verður tað bara ÍF, sum verður nýtt lið í bestu deildini. Tað er spurningur, sum hevur stóran áhuga á Toftum, tí B68 er einasta liðið, ið hevur møguleika at vera í ferðalagi við fuglfirðingum upp í bestu deildina. Spurningurin ella rættari svarið á spurningin hevur eisini stóran áhuga í AB, 07 Vestur og EB/ Streymi. Eitt av hesum feløgunum fer næstu dagarnar at missa rættin at spæla í bestu deildini. Tað er eisini møguleiki fyri, at tvey av hes­um feløgunum fara at missa pláss­ið í fremstu røð. Tað valdast, hvussu tað fer at ganga í næstbestu deildini. -Vit hugsa um okkara av­bjóð­ ingar. Um vit skulu flyta upp, so er fyrsta treytin, at vit vinna teir báðar dystirnar, sum bíða, verður sagt í B68. Leygardagin var eingin dystur á Svangaskarði. Útsynningurin var so harðligur, at tað bar ikki til at spæla. Sandoyingar fóru suð­ur aftur uttan at hava verið á vølli­num. Útsetti dysturin verður týs­kvøldið klokkan 19. Ljós­ viður­skiftini eru so mikið góð á Svangaskarði, at tað ber til at spæla so seint á degnum, hóast dagurin er so stuttur, sum hann nú er vorðin. B68 møguleikin 27. og seinasta umfar í 1. deild verður fríggjadagin. Tá skal B68 spæla á útivølli ímóti teimum næstbestu hjá Vík­ ingi. 18. mars hevði Víkingur vitjan av B68, sum legði rygg til 5-1 tap. Í mai mánað fóru víkingar av Svangaskarði við 5-0 tapi. Takið hjá toftamonnum er at vinna ímóti B71 og fríggjakvøldið at vinna ímóti Víkingi. Um rokni­ stykkið viðvíkjandi B68 uppflyting skal ganga upp, so skulu teir næst­bestu hjá KÍ og/ella NSÍ ikki vinna teirra dystir. Tey skulu fríggjakvøldið bæði spæla í høvuðsstaðnum. KÍ skal spæla í Gundadali ímóti HB. Liðini hava dystast tvær ferðir higartil í ár. Talan var um javnar upp­gerðir, sum KÍ vann 2-1 bæði í Gunda­dali og í Klaksvík. NSÍ skal spæla á útivølli ímóti Giza Hoyvík. Tíðliga í vár vann NSÍ 4-2 á útivølli ímóti Giza Hoyvík og í mai mánað fór Giza Hoyvík úr Runa­vík við 5-1 tapi. NSÍ var í hopla Tá ið dysturin á Toftum millum B68 og B71 var avlýstur fylgdu tey í B68 leguni væl við í, hvussu tað gekk í Runavík. Spurningurin var, um teir næstbestu hjá HB fóru at megna at gera nakað við NSÍ og harvið at syrgja fyri, at toftamenn sjálvir kundu avgera uppflytingina. Tá ið eitt lítið korter var farið við Løkin, var HB frammanfyri 2-1, og tað passaði fínt í líkningina hjá toftamonnum. Men so svaraði heimaliðið so dyggiliga aftur og vann 6-2. Veteranurin Jann Martin Mortensen skoraði tvey mál, og evnaríku ungu menninir Pætur Turiðarson Skipanes, Steffan Løkin og Mórits Heini Mortensen, sum ivaleyst skjótt fara at síggjast á besta liðnum, skoraðu hvør sítt, og Jann Benjaminsen, sum í ár ofta hevur verið á besta liðnum, skoraði eitt mál. HB málini skoraðu Rói av Fløtum og Heri H. Mohr, sum við­ hvørt hevur verið í besta hópinum. Systkinabørnini gjørdu um seg Síðstu tíðina hevur tað ikki gingið væl hjá næstbesta KÍ liðnum. Eftir fýra tap á rað bragdaði tað aftur leygardagin, tá ið Suðringar fóru úr Klaksvík við 8-2 tapi. Harvið heldur KÍ tørn um bronsuplássið. Átjan ára gamli Tórur Jacobsen skoraði trý mál, og Eivind Sørensen skoraði tvey mál. Teir báðir eru systkinabørn og abbasynir Jógvan Jacobsen, sum fyri stuttum rundaði tey áttati. Jógvan Jacobsen var partur av tiltikna 66 liðnum hjá KÍ, sum hann er heiðurslimur í. Hini KÍ málini skoraðu Teitur Fles, Fróði Mørkøre og Helgi Simon­sen. Í seinna hálvleiki minkaði 16 ára gamli Pætur Augustinussen um munin til 4-1, og John Marni Linden­skov skoraði seinna málið hjá Suðringum. Hetta var fyrsti dystur hjá Pæturi á næstbesta liðnum hjá Suðr­ingum. Augustinussen er fót­ bólts­familja í Vági. Pætur er sonur Palla og abbasonur Páll, sum báðir vóru millum berandi spælararnar í VB. Flyta hvønn sín veg Í trý ár hevur Giza Hoyvík verið í næstbestu deildini. Leygardagin varð tað í Fuglafirði staðfest, at Giza Hoyvík næsta kappingar aftur verður í 2. deild. ÍF vann síðsta heimadystin í næstbestu deildini á hesum sinni 3-2. Meðan Giza Hoyvík nú flytur niður, so flytur ÍF upp. Tað eru fleiri mánaðir síðani, at tað varð greitt, at Suðringar flyta niður. Nú er tað greitt, at EB/Streym­ ur og B36 fara at flyta upp. Upp­ flytingin hjá EB/Streymi verður av ongum, um besta EB/Streyma liðið flytur niður úr bestu deildini. Ari Ó. Ellingsgaard legði í fyrra hálv­leiki ÍF framum bæði 1-0 og 2-0. Tá ið Tóri Nolsøe Olsen, sum miku­dagin verður 17 ár, tíðliga í seinna hálvleiki økti til 3-0, var møgu­leiki fyri skrædli, tí ÍF rakti bæði stólpa og tvørtræ. Men Giza Hoy­vík menti seg og skoraði síðstu minuttirnar tvær ferðir. Mál­ skjúttar vóru Hugin á Borg Feber og Niklas Friði Jacobsen. Fríggjakvøldið fær ÍF gull­ krón­ur­nar eftir dystarlok á Sandi, meðan Giza Hoyvík á heimavølli ímóti NSÍ fer at siga farvæl við næst­bestu deildina – fyri hesa ferð. TOFTAMENN LIVA Í VÓNINI Betri-deildin støðan NR. LIÐ DYSTIR VUNNI JAVNT TAPT + MÁL - MÁL +/- STIG 1 ÍF 26 20 3 3 88 37 +51 63 2 NSÍ II 26 16 4 6 82 36 +46 52 3 KÍ II 26 16 4 6 67 32 +35 52 4 B68 25 15 3 7 57 34 +23 48 5 Víkingur II 26 11 4 11 43 45 -2 37 6 HB II 26 8 5 13 46 45 +1 29 7 Skála II 26 8 5 13 42 57 -15 29 8 B71 25 9 1 15 43 61 -18 28 9 Giza Hoyvík 26 6 5 15 34 48 -14 23 10 TB/FCS/Royn II 26 1 4 21 18 125 -107 7 Jan Ó. Ellingsgaard ÍF 21 Steffan Løkin NSÍ 17 Tijani Mohammed B71 13 Fríggjadagin 26. oktober Víkingur – B68 Giza Hoyvík - NSÍ HB – KÍ B71 – ÍF Suðringar - Skála Máltindurin: 27. umfar: KÍ – Suðringar 8-2 (4-0) 1-0: Eivind Sørensen 20. 2-0: Tórur Eyðbjørnsson Jacobsen 23. 3-0: Tórur Eyðbjørnsson Jacobsen 31. 4-0: Eivind Sørensen 40. 4-1: Pætur Augustinussen 57. 5-1: Teitur Fles 64. 6-1: Fróði Mørkøre 76. 7-1: Helgi Simonsen 79. 7-2: Jonn Marni Lindenskov 89. 8-2: Tórur Eyðbjørnsson Jacobsen 90. ÍF – Giza Hoyvík 3-2 (2-0) 1-0: Ari Ó. Ellingsgaard 20. 2-0: Ari Ó. Ellingsgaard 39. 3-0: Tóri Nolsøe Olsen 51. 3-1: Hugin á Borg Feber 84. 3-2: Niklas Fríði Jacobsen 89. NSÍ – HB 6-2 (5-2) 1-0: Jann Martin Mortensen 1. 1-1: Rói av Fløtum 12. 1-2: Heri H. Mohr 13. 2-2: Pætur Turiðarson Skipanes 18. 3-2: Mórits Heini Mortensen 21. 4-2: Steffan Løkin 34. 5-2: Jann Martin Mortensen 36. 6-2: Jann Benjaminsen 64. B68 – B71 útsettur Verður spældur týsdagin 23. oktober kl. 19.00 Skála – Víkingur 2-2 ( 0-0) 0-1: Óla Kristian Skála Jacobsen 50. 1-1: Andreas Egeberg Jacobsen br 54. 2-1: Kristian Martin Jakobsen 68. 2-2: Arnbjørn Svensson 75.