mánadagur 22. oktober 2018síða 20

Mánadagur 22. oktober 2018 · Nr. 122 20 Sosialurin Hugskot og viðmerkingar – send sms til 225000 Við 3-1 sigri í Gundadali í gjár, setti HB nýtt met í føroyskum fótbólti. HB hevur í ár fingið 70 stig, sum tað mesta nakrantíð. Gamla metið átti mótstøðuliðið B36 frá 2011. – Nú ætla vit at seta eitt met, sum verður torført at taka, sigur Símun Samuelsen EG HATI AT TAPA MÓTI HB Orðini eigur Benjamin Heinesen, sum var argur eftir dystin í Gundadali. Hann segði, at uttanfyri vøllin eru spælararnir vinir, men ikki á vøllinum. Símun Samuelsen hjá HB segði eisini, at tað smakkaði væl at vinna á grannunum, men at eftir dystin er alt gloymt. Soleiðis tað tað eisini verða. Tróndur Arge – Gundadalur Tað er ímyndin av øllum kapp­ingar­ árinum hjá HB, tá teir staðfesta sigurin við málinum til 3-1 móti dystar­enda. Teir verja væl og fara í mótálop. Bólturin endar hjá Adrian Justinussen í høgru. Hann leggur bóltin upp á tvørs til Símun Samuelsen, sum skorar. Ein góð mynd upp á kapp­ingar­ árið hjá HB, har alt er koppað rættan veg fyri teir reyðu og svørtu. Nógvar broytingar Grannauppgerðir hava altíð nógv at siga, og sagt verður, at tað er bara í eini grannauppgerð, at stigatalvan verður tveitt út gjøgnum vind­eyg­ að. Heilt týdn­ingar­leys er hendan granna­upp­gerð­in ikki, tí B36 spælir fyri silvur­heiðurs­merkinum, meðan HB spælir fyri metinum. Tað sæst tó á liðuppstillingini hjá serliga B36, at teir hugsa meiri um komandi ár, enn um júst hetta kapp­ingarárið. Fleiri ungir spælarar fáa møguleikan, meðan eitt nú Kaimar Saag situr á bonkinum. HB er uttan Bartal Wardum, Magnus Egilsson og Trónd Jensen, sum allir eru skaddir. Tað kemur tí illa við, tá Brynjar Hlöðversson eisini má skaddur av vøllinum eftir bara heilt fáar minuttir. Hóast HB hevur ungar spælarar á bonkinum, so verður John Frederiksen settur á vøllin sum áleypari, meðan Grétar Snær Gunnars­son, sum er miðvallari, verður settur í miðverjuna. Hartil spælir Ari Mohr Olsen, sum er áleypari, mitt á miðjuni. -Eina løtu eru vit sjey álops­ kendir spælarar á vøllinum, men tá tú venur so nógv taktiskt sum vit gera, so ger tað ikki mun. Allir kenna uppgávurnar hjá hvørjum øðrum, sigur Símun Samuelsen. HB byrjar væl Tað er HB, sum leggur seg á odda. Daniel Johansen spælir á vinstra bakki fyri Magnus Egilsson. Hann legg­ur bóltin væl innfyri, har Ari Mohr Olsen við einum lekkrum rist­sparki, har bróltuirn brestur í net­takið úr tíggju metrum. Hetta er fyrsti møguleikin hjá HB í dysti­ num. -Hatta er týpiskt fyri B36 í ár, og hatta er týpiskt fyri HB í ár, sigur Benja­min Heinesen, sum spældi allan dystin fyri B36. Restina av hálvleikinum er B36 eitt vet grammari, meðan HB verjir væl, hóast teir hava sjey fram­ rættaðar spælarar á vølli­num. Onkra ferðina er Teitur M. Gests­son um at verða fangaður í vindi­num, men verður bjargaður av vant­andi neyvleikanum og verjuni hjá sær. B36 svarar aftur Í seinna hálvleiki er tað B36, sum leggur meira fyri. Teir hava vind­in undan. Seinni hávleikur er eisini bara fýra minutt­ir gamal, tá Mein­hard E. Olsen javn­ar. Benja­min Heinesen hevur bóltin í høgru og legg­ur innfyri, har Mein­hard E. Olsen kemur renn­andi inn í brots­tei­g­in og fær fótin á. Verjan hjá HB vil hava, at talan er um rang­støðu, men sjón­banda­ myndir­nar vísa at so er ikki. B36 trýstur – HB vinnur Sum seinni hálvleikur gongur, so er tað B36 sum er leikliga omaná, men tað er HB, sum kemur til størstu møguleikarnar. John Frederiksen og Símun Samuelsen er nær við eftir tvífaldaðan málmøguleika. Løtu seinni kemur so málið. Símun Samuelsen eigur inn­ leggið, sum Adrian Justinussen stútar upp á tvørs til Jógvan Skeel Nolsøe. Inni á málstrikuni kann hann lætt prika bóltin í málið til 2-1. Løtu seinni er Adrian Justinus­sen aftur í leiklutinum sum upp­leggjari, tá hann við góðari send­ing upp á tvørs spælir Símun Samuelsen púra leysan. 3-1 og HB hevur enn eina ferð staðfest, at hetta er kappingarárið hjá teimum. -Eg hati at tapa móti HB. Vit eru kennast væl uttanfyri vøll­in, men á vøllinum eru vit ikki vin­ir, sigur Benjamin Heinesen, argur á málinum eftir dystin. Símun Samuelsen heldur eisini fyri, at tað er stuttligt at vinna á grannunum. -Eg skal ikki sig at allir eru besti vinir, men vit venja í sama stað og síggja hvønn annan hvønn dag. Sjálvandi er alt gloymt aftaná dystirnar, men á vøllinum vilt tú vinna. Akkurát sum í skúlagarðinum, sigur Símun Samuelsen. Nýtt met Við sigrinum hevur HB nú 70 stig. Ta ð er nýtt met. Tað er ótrúligt at hugsa sær, at HB hevur vunnið 23 av 26 dystum. Teir hava Víking í seinasta umfari, har málið er at fáa lagt tey seinastu trý stigini afturat. -Nú ætla vit at seta eitt met, sum verður ringt hjá nøkur at taka aftur nakrantíð, sigur Símun Samuelsen. At HB so tekur metið í Gundadali móti B36, sum átti metið frammanundan, ger helst bara ársveitsluna hjá HB tað stuttligari. trondur@sosialurin.fo Fótbóltur Dysturin hesa vikuna... 70 stig: FÓTBÓLTUR NÚ EIGUR HB METIÐ