hósdagur 25. oktober 2018síða 6

FRÍGGJADAGUR 26. OKTOBER 2018 SOSIALURIN 124 6 HALLUR AV RANA M iðskeiðis í Istedgade í Keyp­manna­havn ligg­ur her­bergið Mænd­enes Hjem. Síðan 1960 hevur húsið verið staðið, har heim­leys í Keypmannahavn kun­nu venda sær og fáa hjálp fyri ymisk­ar sosialar og menniskjaligar trupul­leikar. Og tað er her, at eg møti 42 ára gamla Tummas Olsen, ið seinastu níggju árini hevur arbeitt í hjartanum í Vesturbrúgv millum tey menniskju, ið mong okkara látast ikki at síggja ella hoyra, tá vit ganga framvið teimum á gøtuni, í metroini og aðrastaðni í danska høvuðs­staðnum. Hvønn dag koma umleið 500 fólk inn í hølini hjá Mændenes Hjem har tey fáa hjálp av ymiskum slag. Talan er um eitt hart arbeiði, ið krevur nógv av teimum, ið starvast har. - Hetta er eitt umhvørvi merkt við nógvum harðskapi og hótta­ num á lívið. Tónin er øgi­liga harð­ ur, tí tað er gøtan, ið flytur inn til okkara. Men tá tað er sagt, so er tað ein virðing yvirfyri staðnum og starvsfólkunum, so tað er sjáldan, at vit uppliva tann harðskapin, ið man kundi ímynda sær í Mænd­ enes Hjem, sigur hann. Góð barlast Tummas Olsen er uppvaksin í Strondum í eini kristnari familju og vísir hann á tað sum nakað, ið hevur stóra ávirkan á hansara dag­liga yrki millum heimleys og rús­evnismisnýtarar í gøtunum í Keyp­mannahavn. - Eg havi fingið nøkur góð virðir løgd í meg. Virðir sum at hjálpa og virða øðrum menniskjum. Eg saknaði bara at sleppa at vísa tað í verki, men tað geri eg her. Eg havi altíð brent fyri at hjálpa teim­um veiku. Og tað var her á Vestur­ brúgv, at eg fann mína hill, sigur hann. Upprunaliga var Mændenes Hjem eitt kristið arbeiði, men tá herbergið kom á donsku fíggjar­ lóg­ina í 60´unum bleiv tann part­ ur­in av arbeiðinum niður­spældur. Men tá heimasíðan hjá stovninum skal lýsa kjarnuna av virkseminum verður víst til eitt av kendastu líknilsi­num hjá Jesusi í Nýggja Testa­menti. - Søguliga útgangsstøðið fyri arbeiði­num í Mændenes Hjem er søgan um Tann miskunnsama sam­verjan, stendur at lesa á heima­ síðuni. Reint ítøkiliga merkir tað, at starvs­fólkini royna at ganga í fóta­sporunum hjá samverjanum við altíð at veita hjálp til øll fólk. - Tað vil siga, at vit hjálpa, um vit síggja onkran, ið ikki hevur tað gott. Tað er líkamikið hvør tú ert ella hvør tín bakgrund er. Vit eru har fyri teg. Ikki bara fyrstu ella aðru ferð, men vit eru har altíð, sig­ur Tummas Olsen. Meðan tað er lætt at brúka mis­ kunn­sama samverjan sum dømi og fyri­mynd, so eru tey nógv, ið hava sann­að, at fyridømið ikki altíð er eins lætt at fylgja. Tað ásannar Tummas eisini, men er skjótur at vísa á, at eingin nakrantíð hevur sagt, at tað skal vera lætt. - Hansara fyridømi er ringt at fylgja. Tað er heldur eingin, sum sigur tað skal vera lætt, men tað er málið. Tí um tú ikki setur tær høg mál í arbeiðinum at hjálpa heim­ leys­um, so brennur tú út í hesum arbeiði­num. Tey fimm prosentini Fólkini sum koma í samband við starvs­fólkini í Mændenes Hjem eru van­liga fólk, ið øll onnur hava givið upp uppá. Samfelagið hevur vent teim­um bakið og familjan hevur kvett øll bond. Vanliga eru tey eisini bundin av hørðum rúsevnum ella rúsdrekka og hava trupult við at fáa ein gerandisdag at hanga saman. - Felags fyri tey flestu er, at tey hava havt ein øgiliga harðan barn­ dóm. Tað kann hava verið rús­ drekka- ella rúsevnismisnýtsla ella okkurt annað. Tey hava ikki fingið tann uppvøkstur, ið øll ynskja. Harumframt eru eisini fólk, ið hava klárað seg sera væl vinnuliga, men hava mist alt. Onkursvegna eru tey vorðin bundin av rúsevnum og eru endaði á gøtuni. Tey fólkini eru lættari at arbeiða við og fáa av gøtu­ni aftur enn fyrri bólkurin, sig­ ur Tummas Olsen. Av teimum umleið 500 fólk­un­ PERSÓNSSØGA: Tummas Olsen Tummas Olsen Í FÓTA­SPORUNUM HJÁ MISKUNNSAMA SAMVERJANUM Vit hjálpa, um vit síggja onkran, ið ikki hevur tað gott. Tað er líkamikið hvør tú ert ella hvør tín bakgrund er. Vit eru har fyri teg, sigur Teitur Olsen. MYND: PRIVAT Man kann ikki siga um hesar føroyingar, at teir hava valt at vera heimleysir, tí tað er eingin, ið sigur sum barn, at tey vilja vera heimleys, tá tey verða vaksin. Tey hava øll eina syrgiliga lagnu - Hansara fyridømi er ringt at fylgja. Tað er heldur eingin, sum sigur tað skal vera lætt, men tað er málið. Tí um tú ikki setur tær høg mál í arbeiðinum at hjálpa heimleysum, so brennur tú út í hesum arbeiði­ num. Tað sigur Tummas Olsen, ið seinastu níggju árini hevur arbeitt við menniskjum, ið liva í skuggasíðuni í danska høvuðsstaðnum