mánadagur 29. oktober 2018síða 18

Mánadagur 29. oktober 2018 · Nr. 125 18 Sosialurin Hugskot og viðmerkingar – send sms til 225000 Sjúrður Hildarson Hoydal Eftir stóra bragdið, ið var javn­ leikurin í Montenegro, skuldi før­ oyska manslandsliðið spæla helst torførasta dystin í søguni. Danmark er vertur fyri HM, ið verður leikt í januar 2019, og danir ætla sær at berjast við um heimsmeistaraheitið um tríggjar mánaðar. Tí eru allir dystir umráðandi í fyri­reikingini hjá dønum, og tað fingu Føroyar at føla leygardagin í Skjern. Tí danir møttu upp við einum ótrú­liga málrættaðum hugburði, ið ikki bar nakað boð um at teir høvdu hug at taka sær av løttum. Løgdu væl fyri Besta løtan hjá Føroyum var fyrstu korteri ella so, tá ið støðan var 4-7 til Danmark. Við stórum stuðli frá kanska størstu føroyska fjeppara­ skaranum nakrantíð, lupu Før­oyar hvøkk á Danmark við sera ágang­ andi spæli. Danski venjarin tók tá eisini time-out. Hann vildi hava størri mun á alt fyri eitt. Tað tóktist sum danir skuldu venja seg við trýstið, ið var lagt á teir frá føroysku áskoðararnar. Men danska liðið er mannað við leikarum, ið hava spælt í eitt nú Týsklandi, Ungarn ella Make­ donia, har áskoðararnir eru kendir fyri at leggja øgiligt trýst á út­i­liðini. Føroyingarnir vunnu bólt­in í teimum fyrstu trimum verju­støðunum. Tíverri vóru teir óhepn­ir at ikki leggja seg á odda, men eftir tríggjar minuttir fekk Nicklas Selvig fyrsta føroyska mál­ið tá ið hann gjørdi støðuna til 1-1, og eitt føroyskt brøl ljóðaði av áskoðara­plássunum. Størsta stjørnan setti okkum upp á pláss Fyrstu løtuna hepnaðist serliga væl við at steðga himmalhøga vinstra bakkin, Nikolaj Markussen. Hann varð trýstur til at gera fleiri villur, men so varð hann takklaður í so hart av Kjartani Johansen, so at Markussen mátti fara av vøllinum. Hann varð avloystur av einum manni, ið kallast Mikkel Hansen. Tað er einki at ivast í, at Mikkel Han­sen er størsta stjørnan á danska liðnum, men seinastu árini hava serfrøðingar víst á at hann ikki altíð hevur rætta hugburðin og kanska ikki altíð hevur hug at leggja so nógv fyri í hvørjum dysti. Hansen fekk eisini at føla eina tendraða føroyska verju. Stutt eftir at hann var komin inn, varð hann takklaður væl av Nicklas Selvig. Takklingin førdi við sær at eyðkenda hárbandi hjá dana­num datt av, og hetta frøddust áskoð­ar­ ar­nir um. Mikkel Hansen fór róliga eftir hár­bandinum, og hann tóktist í hesi løtu at gera av, at hann skuldi vísa hesum áskoðarum hvussu hond­bóltur kann spælast, tá ið tú ert ein av heimsins bestu leikarum. Tí eftir at hendan útskiftingin var framd, so byrjaðu danir at ren­ na undan undir leiðslu av Mikkel Hansen og málverjanum Kev­in Møller, ið valdi at læsa málið so væl sum hann dugdi. Stríðast, men ov lítið eydnast Tað tóktist sum danir fingu skotið tvey mál fyri hvørt føroyska málið, og so fór munurin at økjast. Føroysku leikararnir stríddust manniliga, men í ov nógvum støðum vantaði seinasti neyvleikin. Ser­liga var trupult at fáa bóltin fram við danska málverjanum, og tað varð revsað oftari og oftari sum dyst­urin leið. Við hálvleikssteðgin var støðan vorðin 8-17 til Danmark, og ein sat við kensluni av at tað var í so nógv. Seinni hálvleikur leið á sama hátt. Føroyar komu í góðar støð­ur, men ov sjáldan vóru tær av­greidd­ ar, og ov ofta revsaði danir okkum á harðasta hátt. Munurin gjørdist ov stórur Tá ið einir tíggju minuttir vóru eftir at leika, var støðan 12-28, og alt var væl og virðiliga avgjørt. Men føroysku leikararnir gjørdu alt fyri at halda høvdið høgt. Tað kom eitt sindur betri glið á málskjótingina, og serliga Tróndur Kragesteen fekk víst seg væl fram seinastu løtuna. Men tað gjørdist kanska eisini torførari at fylgja við skjótu donsku vongunum, og tá ið komið var at enda var støðan vorðin 17- 35, og ein sat við somu kensluni sum í hálvleikssteðginum. Munurin var í so stórur. Munurin var á leið tað, ið uttan­veltaðir serfrøðingar høvdu roknað við, men hann bar eisini boð um hvussu skjótt alt kann ganga í hond­bólti. Høvdu føroyingar havt sama neyvleika og hepni sum í Monte­negro, er skjótt at hugsa sær at Føroyar kanska fingu eini tvey fleiri mál í hvørjum hálvleiki, og ikki vóru revsaðar av tí sama, so at mun­urin kanska kundi verið eini átta mál minni. Og tá hevði kenslan verið væl frægari eftir dystin, tí 18 mál á muni var ov nógv. Hesum veruleikanum kunnu vit ikki renna frá. Men savnaði avrikið var ikki so galið hóast stóra munin. Stríðs­ viljan kundi eingin taka frá føroysku leikarunum, og tað var serliga hugaligt at síggja teir stríð­ ast fyri hvørjum bólti teir seinastu minuttirnar, tá ið munurin langt síðani var farin upp um tað, ið leikar­ar­nir høvdu vónað. Tí var eisini serliga hugaligt at kenna føroyska stuðulin frá áskoðara­plássunum, og tað var við stórari virðing fyri hvørjum øðrum at føroysku leikararnir og fjeppararnir fagnaðu hvørjum øðrum eftir ein dyst har munurin gjørdist í so stórur, men har før­ oyska liðið í støðum fekk víst seg frá sín bestu síðu. Vit liva enn í kappingini um EM Ein landsliðsvika er farin afturum, og Føroyar standa við einum stigi. Tað er ikki ofta vit hava havt høvi at siga hetta, og veruleikin er at úrs­litið í Montenegro spælir okkum inn í kappingina um EM. Tvey tey fremstu liðini koma beinleiðis til EM, meðan tey fýra bestu liðini á triðja plássi eisini hava møguleikan. Tí hava vit brádliga eitt úrslit at spæla eftir, og vit verða klókari eftir dystirnar móti Ukreina í vár, um hvørt vit fara at megna at spæla við um hendan møguleikan. Føroysku leikararnir Nicholas Satchwell Eftir framúr flotta dystin í Montenegro, hevði nýggi lands­liðs­ mál­verjin tað truplari við donsku skot­góðskuni. Byrjaði báðar hálv­ leikirnir við góðum bjarg­ingum. Var eyka óheppin at verju­leikar­a­rnir ikki fangaðu bólt­in eftir nakrar av hinum bjarg­ing­unum. Niklas Simonsen Kvívíkingurin í Tønder var í somu støðu sum Nicholas Satchwell. Fær ikki eins væl fatur á dønum og á HONDBÓLTUR Føroyar stríddust fyrimyndarliga við stórum stuðli frá einum stórum fjepparaskara, men danir vóru ov góðskuríkir og vit fingu eina undirvísing í hvussu tey bestu í heiminum spæla hondbólt MUNURIN VAR Í SO STÓRUR