mikudagur 24. november 2004síða 3

4 Nr. 225 - 24. november 2004 Nr. 225 - 24. november 2004 5 Konsertin við Magna Christiansen í Mentanarhúsinum í Fuglafirði vardi í næstan tríggjar tímar. Lagið var óføra gott millum fólk, og høvuðspersónurin sjálvur fekk mest sum ikki afturhald TÓNLEIKUR Eyðun Klakstein eydun@sosialurin.fo Magni Christiansen var í rætta essinum, tá ið hann hevði konsert í Fuglafirði leygarkvøldið. Stóra country og gopel- konsertin gjørdist ikki bara stór, hon gjørdist eisini drúgv, og tað hevði eingin nakað ímóti. Magni Christiansen fór á pallin stutt eftir klokkan átta, og hann helmaði ikki í fyrr enn klokkan var við at gerast ellivu. Hann hevði ein stuttan steðg undir konsertini, men annars var hann miðdepilin á pallinum. Hann sang still- ar gospelsangir, lívligar countrysangir, og so fekk hann sjálvur, Shakin Ste- vens, eisini rásarúm í skránni. Tað besta burtur úr løtuni 31 ára gamli Magni Christi- ansen hevur seinnu árini verið millum fremstu gos- pelsangararnar í landinum. Hann hevur givið tríggar fløgur út, og nú kemur tann fjórða útgávan fyrsta dagin. Gospelsangarin úr Kvívík hevur spælt nógv seinastu tíðina, og hann er væl dámdur. Hann dugir væl at fáa tað besta burtur úr løt- uni – um tað so skal gerast við stillum gospeltónleiki ella svingandi country hjá fyrimyndunum úr statun- um. Soleiðis var eisini í Fuglafirði leygarkvøldið. Tey stívliga 300 fólkini fingu eina óføra góða og fjølbroytta konsert. Áhoyrararnir vóru í øllm aldri – bæði børn, ung, til- komin og eisini fleiri eldri fólk vóru komin at lurta, og tey fingu tríggjar góðar tímar saman við Magna Christiansen og hansara tónleikarum Nógvir tónleikarar Bólkurin hjá Magna var mannaður við royndum og ungum tónleikarum, og samansetingin riggaði væl. Heili 12 fólk vóru á pall- inum: Ólavur Øster gittar, Dánjal Zachariassen trum- mur, Eydun Johannesen bass, Jákup Zachariassen steel gittar, Pætur Dahl Christiansen gittar, Jóhann- es Ólavsson tangentar, Daniel Nielsen violin, Petur Háberg Jacobsen akk. gittar og kór, Elin Madsen kór og Vivi Hammer kór. Øll gjørdu sítt til, at framførslan hepnaðist væl – alt frá tí róliga og væl spælandi Ólavi Øster til tann unga og framfýsna violinspælaran Daniel Nielsen. Tey spældu kendar sálm- ar, countrysangir hjá monn- um sum Buck Owens, Randy Travis og Alan Jackson. Hvat við Shakin Stevens? Magni Christiansen er ikki bara kendur sum gospel- sangari. Hann er eisini kendur sum íðin fótbólts- fjeppari, og so er tað alt hatta við Shakin Stevens. Popptónleikarin, sum í átta- tiárunum pløgdi allar hitt- listarnar ígjøgnum við sínum lívliga og meina- leysa poppi, hevur vunnið hjartað á Magna Christian- sen, og tá Magni var klapp- aður uppaftur til eyka- nummar, var einki at gera. Tá stóð Shakin Stevens á skránni, og tað var ein fínur endi á eini góðari konsert, har fólk ikki keddu seg eina løtu, hóast konsertin gjør- dist drúgv. Um stutta tíð ber til at uppliva Magna Christian- sen á fløguni »Eg gleðist so hvørt jólakvøld«. Magni vildi ikki gevast Magni Christiansen framførdi eisini okkurt hjá hetjuni hjá sær, Shakin Stevens 12 tónleikarar vóru á pallinum til konsertina í Fuglafirði Magni Christiansen var væl fyri, og hann helt áfram at spæla í næstan tríggjar tímar Áhoyrararnir, sum vóru um 300 í tali, fingu ein frálíka konsert, og teir vildu eisini hava eykanummar Í næstu kemur nýggj fløga við Magna Christiansen út Postgjaldið bíligari enn vaktarfólk Tað telur meira fyri Vágatunnilin, at post- gjaldið fyri at senda rokningar út, verður bíligari enn vaktar- fólk við tunnils- munnan alt samdøg- urðið, enn tað, at nevndarformaðurin eisini er Postverks- stjóri, sigur stjórin fyri Vágatunlinum TUNNILSGJALD Edvard Joensen Vágar: Tað, sum avger- andi er fyri leiðsluna í Vágatunlinum viðvíkjandi nýggju innkrevjingarskip- anini er at fáa hana so bí- liga í rakstri, sum gjørligt. At rokningar verða sendar við Postverkinum, har nevndarformaðurin fyri Vágatunlinum er stjóri, heldur Dávur Reinert Han- sen, stjóri fyri Vágatunlin- um, ikki vera tann stóra trupulleikan. – Vit hava eitt postverk í Føroyum, sum tekur sær av at bera brøv út, og tað brúka vit so, sigur hann. Men tað, sum mest um- ráðandi er, sigur stjórin, er tað, at hendan nýggja skip- anin verður bíligari enn tann ófrívilliga skipanin, sum verið hevur, har fólk hevur staðið vakt við tunn- ilsmunnan dag og nátt. Nú er stutt fráliðið, síðan nýggja innkrevjingarskip- anin varð sett í verk, og hon tykist at rigga væl, sigur Dávur Reinert Hansen. Bilarnir koyra nú allir í einum rað, og eingin bíði- røð er longur, sum seinkar teimum, sum ikki hava kubba. Nógv taka seðil Ført hevur verið fram, at tey, sum ikki hava kubba, kunnu sleppa undan at gjalda, tí eingin møguleiki er fyri at gjalda við sjálva støðina. Men hesum er stjórin fyri Vágatunlinum ikki samdur við. Hann sigur, at tað verð- ur neyvt skrásett, hvør koyrir gjøgnum tunnilin, og so verða rokningarnar sendar út. Og tað er ikki tann øgiligi munurin í mun til tað, sum verið hevur, tí rímiliga nógv teirra, sum koyrdu gjøgnum tunnilin uttan kubba, valdu at taka ein seðil við og síðani gjalda seinni. Nýggja skipanin legur upp til, at fólk kunnu fara inn á einahvørja bensinstøð at gjalda fyri túrin, tey hava verið gjøgnum Vágatunnil- in. Í øðrum lagi kunnu tey bíða, til tey hava fingið rokning sendandi. Dávur Reinert Hansen ásannar, at tað eru ikki nógv, sum velja at fara á bensinsstøðirnar at gjalda. Men hann metir ikki, at útreiðslurnar til postgjald fara at hækka munandi í mun til tað, sum fyrr var, tí tá var tann parturin, sum valdi at taka seðilin við sær, eisini rímilig stórur. Upplýsa Ein annar trupulleiki, sum fleiri síggja fyri sær við hesi nýggju skipanini, eru teir útlendsku bilarnir, sum koyra gjøgnum tunnilin. Serliga verður hetta gald- andi um summarið. Um nú teir velja at bíða við gjaldinum, kann tað gerast trupult at finna teir aftur, tá teir eru farnir av aftur landinum, siga tey atfinningarsomu. Jú, tað ásannar stjórin, men leggur dent á, at enn hevur hesin trupulleikin ikki verið tann stóri av teirri einfaldu orsøk, at tað eru fáir fremmandi bilar í landinum hesa tíðina. – Vit leggja stóran dent á at upplýsa um hesa skipan- ina og fáa sagt fremmanda- folki frá teimum møguleik- um, sum eru at gjalda, sigur Dávur Reinert Hansen. So mugu vit bara vóna, at tað fer at bera til. Um góðar 14 dagar eru tvey ár liðin, síðan Vága- tunnilin varð latin upp fyri ferðslu, og alla hesa tíðina hevur ólag verið á gjald- skipanini. Bara kubbaskip- anin hevur virkað nøktandi. Sjálvandi hevur leiðslan eisini kent sviðan av hesum trupulleikanum, men kort- ini ikki sum nakra hóttan móti teirra tilveru, sigur stjórin. Nú vónar leiðslan so, at henda nýggja skipan- in fer at roynast betri, sigur hann. Norðoyartunnilin er komin væl ávegis, og har skal so eisini ein gjaldskip- an finnast. Nú verður hend- an nýggja skipanin í Vág- um roynd, og roynist hon væl, fer hon helst eisini at verða rúkt í Norðoyartunl- inum, tá tann tíð kemur, sigur Dávur Reinert Han- sen. Strangari myndug- leikakrøv ger, at neyð- ugt verður at hugsa um at skifta gomlu tyrluna út, sigur stjórin á Atlantsflogi, Magni Arge. Tað er tó ikki Atlantsflog, men Føroya Landsstýri, sum eigur tyrluna FLÚGVING Edvard Joensen Eldra tyrlan,sum Atlants- flog millum brúkar til ferðafólkaflúgving, hevur nátt slíkum aldri, at krøvini fara at herðast. Tí verður neyðugt at hugsa um at skifta hana út, sigur Magni Arge, stjóri á Atlantsflog. Hann leggur tó dent á, at tyrlan er í góðum standi og trygg at ferðast við. Tað er tó ikki Atlantsflog, men Føroya Landsstýri, sum eigur tyrluna, sigur hann. Og hann hevur ikki nakrar ítøkiligar ætlanir í løtuni um útskifting, og veit heldur ikki um, at Innlend- ismálaráðið hevur nakrar slíkar. Magni Arge váttar, at gamla tyrlan fyri fýra árum síðan fekk eina umvæling fyri einar fimm milliónir krónur. Men tað hevur so aftur gjørt, at hon í dag er í heilt góðum standi og lýkur øll tey krøv, sum sett verða henni. Tað hevur verið frammi, at tyrlan næsta ár verður skerd munandi, soleiðis at skilja, at hon tá ikki fær loyvi til at flyta fleiri enn átta ferðafólk. Men tað er ikki rætt, sig- ur Magni Arge. Hann ásannar, at tað hava verið krøv uppi um tiltøk í 2005, men at tað nú er flutt fram til 2009. Og tá verður tyrlan so aftur tað eldri, at upp aftur meira grund er til at hugsa um útskifting, sigur hann. Men hetta er ikki øðrvísi, enn tað er alla tíðina. Tað verður støðugt hugt eftir, hvat er á marknaðinum, og nær sum frægast fæst burt- ur úr einum møguligum handli, sigur Magni Arge. Strangari krøv til tyrluna Gamla tyrlan, sum Atlantsflog rekur, er komin so mikið til árs, at myndugleikalrøvini til hennara herðast alt meir. Tí verður neyðugt at hugsa um, hvat gerast skal, tá nýggjar treytir verða lagdar á um eini fimm ár, sigur sjtórin í Atlantsflog, sum tó leggur dent á, at tyrlar er í góðum standi og trygg at nýta Savnsmynd Hetta er nú søga. Nýggj gjaldskipan er sett í verk við Vágatunnilin, sum ger tað óneyðugt at hava vaktarfólk gangandi við tunnilin nátt og dag Mynd: Edvard Joensen C M Y K 5 4