hósdagur 8. november 2018síða 6

FRÍGGJADAGUR 9. NOVEMBER 2018 SOSIALURIN 130 6 EYÐUN KLAKSTEIN »Mánadagurin kom. Eg var biðin um at koma á fund á virkinum. Tað kendist óveruligt at koma inn í gongina og upp trappurnar. Kenslan var, at hetta var fyrstu ferð, eg fór niðan hesar trappur­ nar. Sum at eg hevði droymt um tær. Gongin fevndi meg ikki, sum hon hevði fyrr. Eg fór upp í hølið, eg plagdi at sita í. Tað kendist kalt. Leiki kom í móti mær. Hann hevði eitt stórt falskt smíl yvir alt andlitið. Líka sum Egin. Eg fekk ilt. Her var eingin ivi um, hvør hevði valdið. Vit fóru inn í fundarhølið. Leiki, Poula, Esther og eg. Leiki byrjaði nervøst at taka ein rukkutan seðil úr pappíri í hond­ina. Teirra kravboð til mín: ”Vit hava tikið teg upp á orðið og fara at keypa teg út”. Eg gjørdist mál­leysur.« Soleiðis skrivar Høgni Ras­ mus­sen í nýggjari bók um av­ høvd­ing­ar­fundin, tá ið hann var koyrdur úr virkinum, sum hann hevði stovnað saman við øðrum. Hetta var í desember 2014. Í 17 ár hevði Høgni lagt alla sína arbeiðsorku í reklamu­fyri­tøku­ na Sansir, men knappliga var alt liðugt. Meirilutin av eigarunum kroysti Høgna út úr fyritøkuni, og uppgerðin sendi Høgna út í størstu lívskreppuna, hann hevði verið í. »Eg græt hvønn dag í des­em­ ber. Jólini vóru tung. Januar, febru­ar og mars fóru eisini við pínu í kroppinum. Eg græt minni og minni. Men pínan vitjar aftur av og á«. Í apríl 2015 fór Høgni Ras­mus­ sen á pílagrímsferð úr Fraklandi og tvørtur gjøgnum Norður­ spania – Camino de Santiago er slakar 800 kilometra long leið úr suðurfranska býnum Saint Jean Pied de Port til galisiska býin Santiago de Compostela í útnyðringshorninum av Spania. Á ferðini skrivaði Høgni Ras­ mus­sen hugleiðandi dagbók, og hon er nú grundarlagið undir bók­ini »Mín caminodagbók – til messu saman við spøkilsum«. Høgni kallar bókina eina skald­ søgu, men hon er skrivað sum dag­bók. Vit lesa um persónlig Høgni Rasmussen í nýggjari bók: TAÐ GEKK GALIÐ VIÐ GJÓGV Øll menniskju upp­liva at verða útstoytt onkun­tíð, og eg havi eisini verið við til at útstoyta fólk – Fólk kunnu sjálvi velja, hvussu tey lesa bókina, og nógv fara at siga, at hetta er veruleiki, líkamikið um eg sigi, at tað er ein skaldsøga, sigur Høgni Rasmussen, sum hevur skrivað nýggja bók um pílagrímsferð og um at verða kroystur út úr sínari egnu fyritøku. Hann skrivar eitt nú um lagnudagar við Gjógv og um at hava spøkilsi við sær á pílagrímsferðini PERSÓNSSØGA: Høgni Rasmussen