hósdagur 8. november 2018síða 9

FRÍGGJADAGUR 9. NOVEMBER 2018 SOSIALURIN 130 9 ÁKI BERTHOLDSEN – Tað er heilt ótrúliga løgið, at tað skal bera til at fáa eitt lán til eini dýr hús í Havn, samstundis sum at tað ikki ber til at fáa lán til eini bílig hús á bygd. Tað sigur Pauli Trónd Peter­ sen, sum var talsmaður fyri Tjóð­veldi, nú Løgtingið við­ger eitt uppskot frá Mið­flokki­num um at stovna ein bú­staðar­ banka, sum skal veita fólki bílig lán til bústaðir.  Hann sigur, at hann veit eitt ítøkiligt dømi um, hvissi merki­ lig støðan er, og hann hevur eisini skjølini, sum prógva, at tað er satt. Og tað dømi er um ein mann, sum ikki fekk fígging úr bankanum til at keypa eini hús á bygd fyri 700.000. Men tvær vikur seinni fekk hann fígg­ing úr bankanum til at keypa eini hús fyri 2,2 milliónir í Havn.  – Tað er ótrúliga løgið, at tað skal bera til at fáa lán sum er tríggjar ferðir so stórt til eini hús í Havn, enn tað ber til at fáa til eini hús á bygd, sigur Pauli Trónd Petersen. Hann fegnast um uppskotið frá Miðflokkinum og kallar tað besta uppskotið, andstøðan hevur lagt fyri Løgtingið, og hann heldur, at enntá er tað kanska besta uppskotið, sum nakran­tíð er lagt fyri Løgtingið.  Bjørt Samuelsen heldur, at vit eiga at kunna seta bank­un­ um krøv um at vísa sam­felags­ sinni. Men tað ivast Pauli Trónd Peter­sen í. Tað er óneyðugt at tosa meiri um hetta, tí hevði onkur í bankanum lurta, vistu teir, at politiski myndugleikin vil hava broyting í, men tíðin hevur víst, at bankin lurtar ikki eftir, sigur hann.  Hann fegnast eisini um, at sam­gongan fer at leggja ein bú­staðar­pakka fram, men hann hevur ikki rættiligt álit á øllum hes­um politisku pakkunum, sum koma fram av og á. ÁKI BERTHOLDSEN T að er eitt tekin um ar­móð at útgerðin hevur staðið í Kolla­ firði og »gálvað« nú í eitt hálvt ár. Tað sigur Hen­rik Old, løgtingsmaður fyri Javn­ að­ar­flokkin, og fyrr­ver­andi lands­stýrismaður í sam­ferðslu­ málum. Tá ið hann var lands­stýris­ maður tók hann stig til at seta eitt sjakk undir Landsverki sum skuldi hava til endamáls at bora tunlar til ymsar smábygdir. Sjálvur ætlaði hann, at tunnilin til Fámjins skuldi vera tann fyrsti, og tað var ein púra greið avtala, at mánadagin, altso fyri trimum døgum síðani, skuldi borurin setast á í Fámjins­ tunlinum. Men hann var tikin av ræðið, tí restin av samgonguni vildi heldur bora til Dals fyrst. Og nú Løgtingið umrøddi Fámjins­ tunnilin í gjár, segði Henrik Old eisini, at hetta merkir, at onki hendur fyrr enn í mars mánað næsta ár, og tá kundi tunnilin til Fámjins verið komið í helvt. Henrik Old heldur, at tað er eitt armóðstekin av samgonguni, at hon ikki klárar at taka eina av­ gerð um tað, men heldur hevur lat­ið boriútgerðuna standa og »gálva« í Landsfjósinum í Kolla­ firði í eitt ár. Og eftir avgerðini hjá sam­ gonguni, fer útgerðin at standa til í mars mánað, tí ikki fyrr enn tá er klárt at bora til Dals,  og tá hevur útgerðun staðið óvirkin í níggju mánaðir, leggur hann aftur­at. Samstundis ætlar Lands­ stýrið bara at játta sjey milliónir til tunlasjakkið næsta ár og Henrik Old sigur, at tað er so lítil upp­hædd, at tað røkkur onga leið. Tí var einki hjá honum at sita og gløða upp undir loftið so leingi og tí var einki at gera uttan at sleppa sær úr Tinganesi sum skjótast. ÁKI BERTHOLDSEN T að var ein bilur, sum ikki kláraði at steðga, sum var orsøkin til eitt ferðslu­óhapp í Hvalvík hós­morgunin.  Ein bilur steðgaði á við vegin oman á bátahylin, tí hann skuldi í báta­hylin. Bilurin aftan fyri steðg­ar eisini, men bilførarin í ein­um triðja bili, sum kemur aftan á, er óansin og lukkast ikki at bremsa. Sostatt renur hann í reyvina á bilinum framman fyri, so at hann fer út av vegnum.  Bilførarin í bilinum, sum fór út av, var einsamallur í bili­num, og hann varð fluttur á Lands­ sjúkra­húsið til viðgerðar, men at síggja til var talan ikki um álvars­ligan skaða. Bilførarin í bili­num, sum rendi á, meiðslaði seg ikki.  Tað var um átta tíðina, at ferðslu­óhappið hendi, og eina løtu varð neyðugt at steingja veg­in, men klokkan níggju varð hann opin aftur. KLÁRAÐI IKKI AT STEÐGA OG ELVDI TIL FERÐSLU­ÓHAPP Tað er ótrú­ liga løgið Løgtingsmaður undrast, at ein maður ikki fekk lán til at keypa bílig hús á bygd, men fekk lán til at keypa dýr hús í Havn Pauli Trond Petersen heldur, at uppskotið um eina bústaðarbanka er sera gott Henrik Old, fyrrverandi landsstýrismaður, heldur lítið, um at boriútgerð stendur still í Kollafirði, tá hon kundi verið brúkt til Fámjinstunnilin Hetta er eitt tekin um armóð í samgonguni Henrik Old heldur, at tað er eitt armóðstekin av samgonguni, at hon letur boriútgerð standa og »gálva« í Landsfjósinum í Kollafirði í eitt ár