hósdagur 8. november 2018síða 11

FRÍGGJADAGUR 9. NOVEMBER 2018 SOSIALURIN 130 11 Mariu kennir tú frá telefonini - Fólk halda meg vera ein telefonsvarara - Tað er nokkso stuttligt at vera kend uttan at vera kend, sigur Maria Brøðraberg, sum eigur rødd­ina, sum tað stórur kjans­ur fyri, at tú hoyrir hvønn dag Ø ll kenna røddina á henni, men tað eru ikki øll, sum vita, hvør eigur eyðkendu rødd­ina. Um tú ivast í, um tú kennir rødd­ina, kanst tú bara lurta næstu ferð, tú ringir til eitt Før­oya Tele nummar, og har einki samband er við fartelefonini. Maria Brøðraberg úr Havn leggur rødd til nakrar av teim­ um allar kendastu og mest hoyrdu útsøgnunum, sum nógv fólk hoyra dagliga í tele­ fon­horninum. “Einki samband er við far­ tele­fonini í løtuni - royn aftur seinni”. “Nummarið kann ikki røkk­ast í løtuni”…. “Tú ert numm­ar trý í bíðirøðini”. Hetta eru bara nøkur av teimum telefonboðunum, sum Maria Brøðraberg eigur rødd­ ina til. Helt tað skuldi vera eitt mannfólk Tað var meðan Maria Brøðra­ berg arbeiddi á vinnudeildini á Føroya Tele, at nýtt ljóð skuldi leggjast til nýggju GSM skipan­ ina. Starvsfólk frá Føroya Tele skuldu tá í Útvarpið at gera radd­arkanningar, og í tí sam­ band­inum skuldi mann duga nakr­ar teknikkir við rødd­ini. Upprunaliga ætlaði Maria Brøðra­berg ikki, at tað skuldi vera hon, sum skuldi tosa alt inn. - Eg helt avgjørt, at tað skuldi vera eitt mannfólk, sum skuldi tosa tað inn. So eg bað goymslumenn og øll onnur mann­fólk, sum eg kundi yvir­ tala, um at koma í Útvarpið at gera hesa royndina. Treytin hjá teimum var, at so skuldi eg eis­ ini koma við, fortelur hon. Tað gekk hon við til, men av øllum royndum røddunum bleiv hennara vald út sum tann besta, og tað vóru útvarps­tekn­ i­k­ararnir, sum avgjørdu hetta í samráð við fólk frá Føroya Tele. - Tey hildu, at mín rødd reint teknisk riggaði best til akkurát hatta, sigur Maria Brøðraberg, sum hevur eina klára og týði­ liga rødd. Tað er nevniliga umráðandi at vera týðiligur í málinum, so kundin hoyrir, hvat verður sagt í telefonini. Trupulleikin er ofta, at um røddin er saman­ hang­andi, so fáa teknikararnir ikki arbeitt við at klippa í rødd­ ini, um tað ikki er luft ímillum orðini. Fólk kenna røddina aftur Tá hetta var nýtt, vóru tað fleiri, sum løgdu merki til hesa damuna, sum bleiv við at “bróta uppringingina av”. - Í byrjanini vóru tað fleiri viðmerkingar. Men eg haldi ikki, fólk hugsa ikki um tað long­ur, tí nú er tað bara har. Ann­ars hevur tað einki at siga í ger­andisdegnum, og eg hugsi ikki um tað, sigur Maria Brøðra­ berg. Tað hendir seg meira enn so, at fólk, sum hon tosar við, kenna røddina á henni aftur. - Eg havi hug at trekkja uppá smílibandið, tá onkur viðmerkir røddina, og onkuntíð so sigi eg bara einki. Tað er serliga stuttligt hjá øðr­um at hoyra hana siga kendu orðini. - Onkuntíð hava vinfólk hjá børnunum hjá mær sagt “góða kanst tú siga hitt við numm­ar­ an­um, sum ikki kann røkkast”. So blívur tað púra kvirt, meðan øll lurta eftir mær, og so sigi eg “nummarið kann ikki røkkast í løtuni”. Og so skella tey í látri, tí tey halda, tað er so stuttligt, flennir Maria Brøðraberg. - Fólk halda meg vera ein tele­fonsvarara Maria Brøðraberg arbeiðir í dag hjá Blika, og hevur síðan inn­ spæl­ingina m.a. eisini arbeitt hjá Ansni, har hon plagdi at taka telefonina. Tað er ofta komið fyri, at fólk kenna henn­ ara rødd aftur, uttan at vita av, at tey kenna røddina. - Tá onkur fremmandur ring­ir til mín, og eg taki tele­fon­ ina, kann tað gott blíva heilt kvirt í hinum endanum, tí tey halda, tað er ein telefonsvarari. Tá eg so sigi “halló”, so siga tey, at tey hildu tað var ein tele­fon­ svar­ari. Tað er nokk tí, tá mann t.d. ringir til ein komm­unu­ lækna, eru fólk kanska von við at hoyra mína rødd, sum m.a. sig­ur “tú ert nummar tvey í bíðirøðini”, sigur Maria Brøðra­ berg. - Eg tími ikki altíð at forklára, hví tey halda, tað var ein tele­ fonsvarari, flennir hon. Stuttligt at vera kend uttan at vera kend Hon hevur av og á verið og gjørt tillagingar og tosað nakr­ ar setningar inn av nýggjum til GSM skipanina. Hóast hon ikki arbeiðir hjá Føroya Tele longur, so er hon altíð klár, tá tað er brúk fyri henni. - Tað geri eg hjartans fegin, tí tað er ein partur av tí. Eg geri tað eisini, tí eg enn føli loyalitet fyri mínum gamla arbeiðs­ plássi, sigur Maria Brøðraberg. - Tað var øgiliga stuttligt, tá eg fekk hesa uppgávuna fyrstu ferð, tí tað var stuttligt at royna okkurt nýtt. Tað er nokkso stutt­ligt at vera kend uttan at vera kend. Tá mann fór frá at hava fimm siffur í telefon­numm­ar­ in­um í Føroyum til seks siffur, fingu øll, sum ringdu til Føroya, at vita frá telefonsvararanum, at eitt nýtt siffur var komið í numm­arið. Lukkutíð er Maria Brøðraberg stinn í máli, og her varð aftur heitt á hana. - Tað skuldi tosast inn á týsk­ um, fronskum, enskum og donsk­um. Kanska fólk frá øll­ um heiminum hava hoyrt mína rødd uttan at hugsa um tað, tá tey hava ringt til Føroya, sigur Maria Brøðraberg.