hósdagur 8. november 2018síða 21

FRÍGGJADAGUR 9. NOVEMBER 2018 SOSIALURIN 130 21 Minni tíð at arbeiða við fíggjarlóg fyri næsta ár Eykajáttanin til Glasir hevur tikið tíð frá fíggjarnevndini til at fara undir fíggjarlógararbeiðið fyri næsta ár ÁRNI GREGERSEN F íggjarnevndin hjá Løg­ tinginum er altíð týdn­ ingarmikil, men frá nú til nýggjárs er tað tann nevndin, sum hevur allarmest at gera. Nevndin stendur fyri allari politiskari viðgerð av fíggj­ar­ lóg­ini, sum skal avgera, hvørjar út­reiðslur og inntøkur landið hev­ur, komandi ár. Ruth Vang, Framsókn, er for­ kvinna í fíggjarnevndini. Hon sigu, at nevndin ikki av álvara er farin undir hetta arbeiðið enn, tí eykajáttanin til Glasir tek­ur nakað av tíð at fáa av­ greidda. Forkvinnan sigur tó, at nevnd­in hevur havt fundir, har tey hava gjørt spurningar til lands­stýrisfólkini og sent teir víð­ari. Tað er vanligt, at tá ið fíggj­ ar­lógaruppskotið er komið í tingið og hevur fingið 1.viðgerð har, so verður tað beint í fíggj­ ar­nevndina. Har verður upp­ skotið so gjøgnumgingið og nevnd­in setir spurningar til lands­stýrisfólkini. Nýggjar metingar Fíggjarnevndin umboðar tingið í viðgerðini. Lands­stýris­kvinn­ an við fíggjarmálum leggur upp­skotið fram, men vanligt er, at tá ið fíggjarmálaráðið hevur nýggjastu inntøkutølini fyrst í desember, verða nakrar rætt­ ing­ar gjørdar, sum nevndin tá eisini skal fyrihalda seg til og inn­arbeiða í uppskotið. Uppskotið um fíggjarlóg skal samtykkjast í hesum árin­ um og stýrir so inntøkunum og útreiðslunum hjá tí almenna í komandi ári. Fíggjarlógin fyri 2019 er tann seiansta í hesum valskeiðnum. Roynd­ir vísa, at tað ofta er tor­ før­ast at gera fíggjarlóg, tá ið val stendur fyri durðum. Val skal vera í seinasta lagi 1. septmber 2019, so hetta er sein­ asta fíggjarlógin í hesum val­ skeiðnum. - Vit vita at tað er torført, tí júst nú siga mong, at tað sum eg ikki havi fingið ígjøgnum hini árini, tað skal eg hava nú, sig­ur Ruth Vang. Hetta er galdandi bæði fyri andstøðu- og samgongu­ting­ fólk. Tað, sum royndir politikarar eisini vita er, at tá ið avlop er á fíggjarlógaruppskotinum, so verð­ur meira trýst lagt á fíggj­ ar­nevndina. Minnilutaastýri Sitandi samgonga hevur form­ liga verið ein minni­luta­sam­ gonga alla tíðina. Tað vil siga, at tá ið meirluti skal fáast fyri fíggjarlógini, so er samgongan noydd at gera av­talu við onnur fyri at fáa upp­skotið samtykt. Hjá hesi samgonguni eru møgu­leikarnir uttan­flokka­ ting­kvinn­an Sonja Jógvans­ dótt­ir, Kristin Michelsen og Magni Laksáfoss. Enn er óvist hvør av teimum fer at atkvøða fyri fíggjarlógini og tí kann samgongan kanska eisini gera avtalu við annað­ hvørt Miðflokkin ella Sjálv­ stýri. Men ofta er tað soleiðis, at tað kostar at gera slíkar avtalur. Avgera andstøðuflokkar ella andstøðutingfólk at atkvøða fyri fíggjarlógini, so er tað sum oftast eftir, at tey hava sam­ ráðst seg til okkurt afturfyri. Tað vil siga, at tey kunnu fáa pening til ávís hjartamál aft­ur­ fyri at tey so atkvøða fyri fíggj­ ar­lógini og harvið tryggja at hon verður borin ígjøgnum tingið. Hesar samráðingar verða ofta gjørdar í seinastu løtu áðr­ enn uppskotið fer til at­kvøðu­ greiðslu fyri seinastu ferð. Hetta kann vera stutt undan jólum ella millum jólanna. - Eg veit ikki heilt hvussu tað verð­ur í ár, men at trýstið verð­ ur nógv ivist eg ikki í, sigur for­ kvinn­an í nevndini, Ruth Vang. Hóast hon er forkvinna í nevnd­ini, so er ofta talan um av­tal­ur av slíkum slag, at tær verða gjørdar við leiðsluna í sam­gonguni. Tað eru avtalur, sum ávirka langt inn í koamndi ár. Men altso vit koma helst tætt uppá desember, áðrenn fíggj­ar­nevndin av álvara fer at við­gera fíggjarlógaruppskotið. Ruth Vang, Framsókn, er forkvinna í fíggjarnevndini. Spurningurin er um Sonja Jógvansdóttir fer at atkvøða fyri fíggjarlógini fyri 2019. Spennandi verður eisini at vita, hvat Kristin Michelsen, tingmaður fer at atkvøða. Verður Magni Laksáfoss partur av teimum, sum atkvøða fyri fíggjarlógini? Tingfólk fáa nóg mikið at ger restina av árinum