mánadagur 12. november 2018síða 3

3 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 12. november 2018 · Nr. 131 TÍÐINDI Bretskur tónleikamiðil varpar ljós á Tutl Tutl handilin verður nevndur sum ein av mest fjarskotnu plátuhandlum í heiminum Pætur Hjalmar Evensson The Vinyl Factory er eitt bretskt tónleikavirksemi, sum m.a. fevnir um eitt plátufelag og eitt tónleikablað.    Á heimasíðu teirra hava tey ein tátt, har tey hvørja viku velja ein plátuhandil út, sum tey meta vera ein handil, mann má vitja, áðrenn mann doyr - eitt must-see. Tey jagstra heimsins besta plátuhandil.   Tátturin eitur “The World’s Best Record Shops” ella á føroyskum “Heimsins bestu plátuhandlar”.   Og í gjár vald The Vinyl Factory at velja Tutl út, sum ein av hesum plátuhandlunum. Tutl verður her umtalað sum ein av teimum mest fjarskotnu plátuhandlunum í heiminum. Í greinini greiða tey stutt frá søguni um Tutl, sum Kristian Blak setti á stovn í 1977. Hartil verður víst á, hvussu fjølbroyttan tónleik, Tutl hevur, og greinaskrivarin er eisini hugtikin av konsertunum, Tutl javnan skipar fyri. Tað stendur í yvirskriftini, at Tutl er nummar 131. Hetta er ikki kronologisk rekkjufylgja og merkir ikki, at 130 plátuhandlar eru “betri” enn Tutl - hetta merkir bara, at hetta er grein nummar 131 í táttinum. Fáa nýggja viðarlund á Tvøroyri Í dag vórðu fyrstu trøini plantað í skógfriðaðum lendi á Sevmýri Eyðun Klakstein Í dag  vórðu fyrstu trøini plantað í einum skógfriðaðum lendi á Sevmýri á Tvøroyri. Stutt eftir aldarskiftið keypti Inn­ lendismálaráðið eina trøð, sum er um 11.300 fermetrar. Fyri nøkrum ár­um síðani varð trøðin hegnað, og í ár røkk­ur játtanin hjá Skógrøktini til at gróðurseta trø. Í fyrstu atløgu verða áleið 2500 trø gróðursett. Talan er millum annað um lerk, roynitrø og illinivið. Plantað verð­ur í fyrsta lagi ovarliga í vestara end­anum á trøðni.  Skógrøktin hevur gjørt ætlan um, hvussu nýggja viðarlundin skal taka seg út og hvørji trø- og runnasløg skulu plantast. Ætlanin er eisini at leggja gøtur og hava opin pláss til borð og beinkir. Har skal vera møgu­ ligt hjá familjum at hugna sær. Oman gjøgn­um trøðna rennur Sílá. Viðarlundir hava týdning fyri fólk og fugl, tær binda CO2-útlát og tær skapa lívd. Nógv fólk vitja viðar­lund­ ir­nar kring landið - njóta friðin og fuglalívið. Nógvur smáfuglur heldur til í viðalundunum, og ferðafuglur leit­ar sær hvíld í lundunum. Viðalundin á Sevmýri verður tann triða í Tvøroyrar kommunu. ”Planta­ sjan” í Trongisvági varð plantað í 1920-unum. Seinri í 1970-unum varð plantað á eini trøð sunnan fyri Stórá og eftir aldarskiftið keypti komm­un­ an eina trøð vestan fyri gomlu ”Planta­sjuna” sunnan fyri Stórá. Har eru trøini komin rættiliga væl fyri seg tey seinastu árini. Viðarlundirnar í Trongisvági eru bundnar saman við gøtum og brúgv. Úr ítróttarøkinum í Trongisvági hev­ ur kommunan gjørt eina gøtu fram við Stórá niðan til ”Plantasjuna” og vest­ur til uppdyrkingarvegin innan fyri Sterling. Soleiðis er hetta eitt sam­anhangandi náttúruøki, sum nógv fólk vitja. Oman fyri Sjúkrahúsið er eisini ein viðarlund, men hon er ikki skóg­ friðað. Tvøroyrar kommuna hevur næst­ størstu skógfriðaðu víddina í Før­oy­ um. Bara í Tórshavn er meiri plantað. Skógrøktin og skógfriðingarnevndin fegnast um stóra áhugan, Tvøroyrar kommuna hevur á hesum øki. Sum heild er stórur áhugi fyri at planta í Suðuroynni, har fleiri við­ar­ lundir eru og áhugi er fyri at gróð­ur­ seta uppaftur fleiri.  Tað er ikki á hvørjum ári, at øki verða løgd til lundir, og at trø verða plantað í nýggjum viðalundum. Tí fegnast Skógrøktin, Tvøroyrar komm­ ­una og Skógfriðingarnevndin um, at tað nú verður plantað á Sevmýri.  Tilsaman eru um 25 skógfriðað lendi eru í Føroyum. Gunvør Balle borgarstjóri í Havn Næstu vikurnar røkir Gunvør Balle starvið sum borgastjóri í Tórshavnar kommunu Hallur av Rana Gunvør Balle røkir næstu vikuna starvið sum borgarstjóri í Tórs­havn­ ar kommunu. Tað skrivar kommunan á heimasíðu síni.  Orsøkin er, at Annika Olsen, ið telv­aði seg til borgarstjórasessin fyri tveimum árum síðan, er burturstødd komandi viku, og tekur vara­borg­ar­ stjórin sostatt sæti sum borgarstjóri. Býráðsvalið fyri tveimum árum síðan var fyrstu ferð, at Gunvør Balle var at finna á vallistanum, og gekk tað so mikið væl, at hon bleiv tann bý­ráðslimurin í býráðsmeirilutanum, ið fekk flest atkvøður til valið. Vara­ borg­arstjórin fekk 514 persónligar atkvøður fyri Tjóðveldi. Til saman­ ber­ingar kann nevnast, at Annika Olsen, borgarstjóri, fekk 332 per­són­ lig­ar atkvøður á Lista A.  Merkisvert er tó, at tað í and­støð­ uni eru tveir menn, ið fingu fleiri per­ sónligar atkvøður enn nakar av teim­ um, ið stjóra kommununi í dag. Tað eru Heðin Mortensen, fyrrverandi borgarstjóri, og Tróndur Sigurðsson, báðir úr Javnaðarflokkinum, ið fingu ávikavist 2506 og 676 persónligar at­ kvøð­ur.  Yvir 27000 fólk fingu løn Løntakaratalið er framvegis høgt Eyðun Klakstein Seinastu fýra árini hevur talið á løntakarum verið vaksandi, og í oktober mánaði í ár vóru 27.344 løntakarar í Føroyum. 14.215 menn fingu løn, og 13.129 kvinnur fingu løn í oktober.  Almenni geirin er tann størsti – har vóru 9.619 løntakarar í oktober. Í privatu tænastuvinnuni vóru 9.264 løntakarar. Í byggivinnuni 4.323 og í fiskivinnuni 4.228. Ein løntakari er millum 16 og 74 ár, sum fær A-inntøku og hevur bústað í Føroyum í tíðarskeiðinum, tá lønin verður útgoldin. Sum løntakarar verða tald tey, sum í einum mánaða fáa eina lønarupphædd útgoldna, sum í minsta lagi er ájavnt eina dagløn hjá ófaklærdum arbeiðsfólki. Hetta, uttan mun til um lønargjaldarin er ein føroysk ella ein útlendsk fyritøka. 14.215 menn og 13.129 kvinnur fingu løn í oktober Í fyrstu atløgu verða áleið 2500 trø gróðursett í nýggju viðarlundini á Tvøroyri Gunvør Balle er nú borgarstjóri í Tórshavnar kommunu