mánadagur 12. november 2018síða 18

Mánadagur 12. november 2018 · Nr. 131 18 Sosialurin Hugskot og viðmerkingar – send sms til 225000 Pætur Albinus Tá ið Fleyr-spælarin, Jens Heri Bolstad Mortensen, týskvøldið í síðstu viku varð innskiftur í dysti í Meistaradeildini ímóti Mjølnir, var tað 25. árið á rað, at hann spældi ein dyst í bestu før­oysku deildini. - Onkur vil sikkurt halda, at eg skuldi verið givin fyri lang­ ari tíð síðani, og at míni bestu ár liggja langt aftanfyri meg, men eg hugsi hinvegin, at um man dámar nakað, hví skal man so gevast? Og tað er upp­ gáv­an hjá venjaranum at av­ gera hvør spælir. Eg hugsi, at um venjarin setir meg á vøllin fyri ein annan, so er tað væl tí at hann heldur, at eg kann gera tað betri, og ikki sum ein olmussa, tí hann tekur synd í mær, sigur Jens Heri, sum er greið­ur aldursforseti á Fleyr- lið­num. - Tað er bara Suni Juul Peder­sen á liðnum, sum eg ikki kundi verið pápi at, og tað kann vera eitt sindur torført at fylgja við øllum hesum nýggju út­trykk­unum hjá teimum ungu. Onkun­tíð haldi eg, at teir tosa russ­iskt, sigur Jens Heri skemt­andi. Í fólkaskúlanum Drúgva flogbóltsleiðin hjá Jens Hera Bolstad Mortensen byrjaði í 1985, tá ið hann sum 10 ára gamal gekk í Sankta Frans Skúla í Tórshavn. Har var ein lærari, ið lærdi frá sær í flog­bólti. Tað var Mannbjørn Morten­sen. Hann hevði stóran áhuga í flogbólti, og hann vandi næm­ingar bæði í ítróttar­ tímun­um og aftaná skúlatíð. - Mannbjørn var einsamallur um øll liðini, so hann hevði nógv um at vera, lítir Jens Heri aft­ur á. - Hann var væl dámdur sum lærari, og hann var ein venjari av Guds náði. - Eg minnist, at tað var hart at byrja við. Flogbóltur er tekn­iskt sera krevjandi, og ikki gekk tað serliga væl hjá mær at spæla, greiðir Jens Heri frá. Tað vóru fimm dreingir í flokki­num hjá Jens Hera, sum gingu til flogbólt og spældu á sama liði. Teir vóru, umframt Jens Hera sjálvan, Rúni Vang Poulsen, Sigmund av Teig­um, Bogi Dam Jacobsen og Bern­ hard Petersen. - Vit kendust sera væl, og tað var ein stórur fyrimunur tá ið vit spældu dystir og vóru til kapp­ingar, sigur Jens Heri. Eitt nýtt flogbóltsfelag tók seg upp í Havnini. Tað æt Fram. Felagið varð sett á stovn í 1985, og fyrstu árini vóru einans lið í ung­dómsdeildunum, men í 1991 settu Jens Heri og teir sær fyri at vera við ímillum teir vaksnu. - Vit byrjaðu í 3. deild í 1991, og vit komu upp í Meistara­ deild­ina í 1994, greiðir Jens Heri frá. - Eg minnist, at tað var ein sera góð kensla at vera komin all­an vegin upp í bestu deildina, og nú var greiða málið hjá okk­ um at vinna bestu deildina, sig­ur Jens Heri, sum saman við lið­feløg­unum rakk hesum máli­ num. Fram vann nevniliga FM í 1997. Á hesum liðnum vóru eitt nú floksfelagarnir Sigmund av Teig­um og Bernhard Petersen. Jens Heri var púra burtur í flog­bólti hesa tíðina. - Eg minnist, at eg hugs­aði um fyrsta dystin í Meistara­ deild­ini fleiri dagar fram­man­undan. Eg plagdi at fara til mín góða vin, Sigmund av Teigum, fleiri tímar áðrenn dystir fyri at tosa um flogbólt og dystin, sum vit skuldu spæla, sigur Jens Heri. Síðsta árið Á vøllinum hevur Jens Heri spælt kantur og diagonalur. - Tað, sum hevur dámt mær allar­best, hevur verið at spælt kant­ur. Tað er mest krevjandi pláss­ið á vøllinum, av tí at tú hevur so stóra ábyrgd. Tú skalt taka ímóti serv, og ein góð móttøka er grundarlagið undir øllum flogbóltinum. Tá ið mót­tøkan er komin upp, er tað álops­spælið, ið er so stuttligt. Mín hugsan er, at man ikki vinn­ur ein flogbóltsdyst, um man ikki loypir á, sigur Jens Heri, sum tó ikki beint fram er tann sami spælarin í dag, sum hann einaferð var. - Tey fyrstu árini hjá mær Jens Heri spælir enn: HEVUR SPÆLT 25 ÁR Í BESTU DEILDINI Jens Heri Bolstad Mortensen er 43 ár og spælir í ár 25. árið í bestu flogbóltsdeildini, har hann er aldurforseti hjá Fleyr. - Tað er bara Suni Juul Pedersen á liðnum, sum eg ikki kundi verið pápi at, sigur Jens Heri, sum lítir aftur á gamlar dagar og væntar, at hetta verður seinasta árið hann spælir. - Eg havi so ómetaliga ringt við at ímynda mær ikki at sleppa á vøllin aftur, sigur hann FLOGBÓLTUR Vinmenninir Sigmund av Teigum (t.v.) og Jens Heri Bolstad Mortensen (t.h.) Mynd: Óli G. Samuelsen