mánadagur 12. november 2018síða 22

Mánadagur 12. november 2018 · Nr. 131 22 Sosialurin Hugskot og viðmerkingar – send sms til 225000 Tróndur Arge Jóan Símun Edmundsson hevur boðað landsliðsvenjaranum, Lars Olsen, frá, at hann ikki er tøkur til dystirnar í Aser­ba­djan og á Malta. Fyribils kann­ingar­ nar siga, at talan verður um ein skaðasteðg upp á tríggjar vikur. -Teir siga, at tað sá ógvusligt út á video og eg fryktaði tað ringasta. Eg spældi dystin lidn­ an og verið klókari í morgin, tá eg havi verið til skanning, sigur Jóan Símun Edmundsson við Sosialin í dag. Arminia Bielefeld og Jóan Sím­un Edmundsson spældu í gjár 1-1 á útivølli móti FC Ingolstadt 04 í 2. Bundesliguni, sum er næstbesta deildin í Týsk­landi. Føroyski lands­liðs­ spælarin spældi allan dystin, men fekk ein skaða, sum ger at hann ikki verður við lands­ lið­num. Jóan Símun Edmundsson átti stóran lut í javnleikinum í gjár, tí hann átti eitt flott upp­ legg til málið, sum Arminia Biele­feld fekk. Tað er ógreitt hvør verður úttikin fyri tofta­ mannin, men helst verður boð eftir onkrum. Landsliðið fer til Aserbadjan í morgin. Lars úttikið hópin Lars Olsen hevur úttikið hópin til dystirnar móti Aserbadjan og Malta, sum verða seinni í hesum mánaðinum. Nýggjur maður á landsliðnum er Jákup Lud­vig Thomsen, sum spælir við FH í Íslandi. Fýra broytingar eru í hópi­ num hesaferð, í mun til seinast, tá Føroyar spældu á heimavølli móti Aserbadjan og Kosovo. Og av teimum er ein, ið ikki hevur verið á A-landsliðnum áður. Talan er um Jákup Ludvig Thom­sen, sum avloysir Finnur Justinussen. Framherjin úr Næstved hevur ein lítlan skaða at dragast við, og harafturat skal Finn­ur Justinussen til próv­ tøku, tá lands­liðið spælir á Malta. Tískil hevur Finnur givið avboð til kom­andi lands­liðs­ upp­gávur, skriv­ar heimasíðan hjá Fót­bólts­sam­bandinum. Nú er Jákup L. Thom­ sen brádliga í spæl til lands­ dystirnir, tí hann er saman við Klæminti A. Olsen einastu áleypararnir í hópinum, men helst verður ein áleypari úttikin í hansara stað. Tveir dystir eftir Tveir dystir eru eftir at spæla í UEFA Nations League bólka­ spæli­num, og fyri føroyska liðið er setningurin greiður: Um Føroyar skulu hava nakr­ an kjans at spæla seg víðari í kappingini, er tað eitt krav, at føroyska liðið vinnur á bæði Aserbadjan og Malta, sam­ stundis sum Kosovo bara fær eitt stig í sínum dystum móti Aserbadjan og Malta. Síðani landskappingin í Betri Deildini endaði fyri tveim­um vikum síðani, hevur A-landsliðið vant regluliga. Talan hevur verið um heimligu spælar­arnar, umframt teir, sum spæla í íslendskum fót­ bólti, og harafturat hevur Lars Olsen eisini havt nakrar av U21- spælarunum til venjing. Sagt verður, at venjingar­ støð­an hjá føroysku spælar­ un­um er góð, og tað er einki at ivast í, at kapping hevur verið um plássini á landsliðnum, nú endaligi hópurin til komandi UEFA Nations League dystir skuldi úttakast. Seinasta venjingin, áðrenn endaligu úttøkuna, var fríggja­ kvøldið. Ferðalagið fer avstað týs­morgunin. Flogið verður úr Vág­um til Keypmannahavn, har útisetarnir koma við. Síða­ ni verður flogið beinleiðis til Baku í Aserbadjan. Leygardagin 17. november klokkan 17.00 spæla Aserbadjan og Føroyar á Baki Olimpiya Stadion í aserbadjanska høvuðs­staðnum, Baku. Og trígjar dagar seinni, týsdagin 20. november er seinasti dyst­ urin í UEFA Nations League bólka­spælinum á skránni, tá Malta tekur ímóti á National Stadion í Ta’Qali á Malta. Føroyska landsliðið má klára seg uttan stóru stjørnuna í Nations League móti Aserbadjan og Malta, eftir at toftamaðurin bleiv skaddur í dysti fyri Arminia Bielefeld í gjár Hópurin: Gunnar Nielsen, FH (ICE) Teitur M. Gestsson, HB Kristian Joensen, KÍ Atli Gregersen, Víkingur Odmar Færø, B36 Viljormur Davidsen, Vejle BK (DEN) Jógvan Rói Davidsen, HB Sonni Ragnar Nattestad, AC Horsens (DEN) Heini Vatnsdal, Fremad Amager (DEN) Magnus Egilsson, HB Gilli R. Sørensen, SK Brann (NOR) Gunnar Vatnhamar, Víkingur Kaj Leo í Bartalsstovu, Valur (ICE) Rene Shaki Joensen, Grindavík (ICE) Hallur Hansson, AC Horsens (DEN) Brandur H. Olsen, FH (ICE) Rógvi Baldvinsson, Bryne BK (NOR) Sølvi Vatnhamar, Víkingur Jóannes Bjartalíð, KÍ Árni Frederiksberg, NSÍ Klæmint A. Olsen, NSÍ Jákup L. Thomsen, FH (ICE) HONDBÓLTUR JÓAN SÍMUN GIVIÐ AVBOÐ TIL LANDSLIÐIÐ