hósdagur 15. november 2018síða 29

FRÍGGJADAGUR 16. NOVEMBER 2018 SOSIALURIN 133 29 Jákup Ludvig Thomsen er úttikin til landsliðið á fyrsta sinni. Hann hevur higartil bara spælt á U21-landsliðnum, men í ár hevur hann eisni vunnið sær fast pláss á besta liðnum hjá FH í Íslandi. Tað hevur nú tryggja honum eina landsliðsúttøku. -Um eg fái ein minutt, so taki eg hann. Fái eg tveir minuttir, so taki eg eisini, teir. Sleppi eg ikki inn, so taki eg lærdómin við mær, sigur ungi fram­herjin. Jákup Thomsen gjørdi fyri tveimum árum síðani ein fimm ára sáttmála við danska felagið, FC Midtjylland. Síðani hevur hann verið útleigaður, men nú ætlar hann at skifta felag permanent. -Eg leiti í løtuni eftir einum nýggjum felagið, at skifta til permanent. Tað er ein rímuliga stórur møguleiki fyri, at tað verður í Íslandi og helst FH, sigur Jákup L. Thomsen. Landsliðsmiðverjin úr Mið­ vági, Sonni Ragnar Nattestad, hevur ein minni snudd at dragast við í knænum, men sigur hann verður klárur til dyst­in. Hann gjøgnumførdi ikki fyrru venjingina miku­ dagin, men vandi bæði seinna partin og í gjár við bindi um knæið. - Eg verið klárur. Nú skal eg bara ansa mær í venj­ing­un­um fram til dystin, og kanska ikki renna allar túrarnar, sigur Sonni Ragnar Nattestad. Nations League lands­dyst­ urin millum Aserbadjan og Føroyar verður leygardagin klokkan 17. FM1 og In.fo hava bein­leiðis frásøgn. Føroyar skulu vinna fyri at hava ein møguleika fyri at koma víðari. GUNNAR NIELSEN SONNI RAGNAR NATTESTAD BRANDUR HENDRIKSSON VILJORMUR DAVIDSEN ATLI GREGERSEN KLÆMINT A. OLSEN RÓGVI BALDVINSSON ODMAR FÆRØ SØLVI VATNHAMAR HALLUR HANSSON GILLI RÓLANTSSON Jákup: Taki hvønn minutt eg kann fáa Sonni: Eg verið klárur Nations League: Deild D – Bólkur 3 5. umfar: Leygardagin 17. november Aserbadjan - Føroyar Malta – Kosovo 6. umfar: Týsdagin 20. november Malta – Føroyar Kosovo – Aserbadjan Støðan: 1. Kosovo 8 (stig) 2. Aserbadjan 6 3. Føroyar 4 4. Malta 2 BRANDUR: HETTA ER BÝTTASTI SKAÐIN NAKRANTÍÐ Brandur Hendriksson Olsen fekk ikki vant við fullari ferð í gjár, tí hann hevur so ilt í stórutá. Orsøkin til pínuna er ein túrur í vektrúminum. -Eg lyfti eina tíggju kilo vekt, men sá ikki at ein fimm kilo vekt var uttast á. Hon datt niður á stórutá. Eg fekk nakað so ilt, men kundi ikki ýla, tí so nógv fólk vóru til staðar, sigur Brandur Hendriksson. Hann fær eina lokaldoyving undan dystinum, soleiðis at hann verður tøkur. Tað er líkt til, at Brandur skal spæla á øðrum av framrættaðu plássunum í eini 3-4-3 spælskipan, sum tó mest mekur at líkjast eini 5-4-1, tá hinir hava bóltin. -Eg havi spælt líknandi leiklutir í FCK, Vendsyssel, Randers og FH. Tað er eitt sindur meiri verjukent, enn tá eg spæli 10 ari, sum eg havi gjørt á landsliðnum higartil, sigur Brandur Hendriksson. Hann er ikki í iva um, at vit mugu verða meiri avgjørdir og “kyniskir” til hendan dystin, enn vit vóru móti Aserbadjan seinast. líggjari í veðrinum. Forsøgnin sigur, at tað verður nakað heitari leygardagin, men av tí at dysturin er klokkan 21 lokala tíð, so kann væntast at tað verður nakað sum tað, ið vit kenna til í Føroyum. Hvat skal til? Føroyska liðið er pískað til sigurs bæði í Aserbadjan og á Malta, um EM 2020 dreymurin skal verða veruleiki. Hartil skal Kosovo ikki vinna á Malta, og síðani tapa fyri Aserbadjan á heimavølli í seinasta umfarinum í bólkaspælinum. Tey flestu munnu tó hava tað fatan, at føroyska liðið hevur lítlan møguleika at koma víðari. Stóra avbjóðingin er nú, at vit ikki skulu enda í niðasta styrkisbólkinum til lutakastið til EM 2020. Fáa vit einki stig hesa báðar seinastu dystirnar, so standa vit við skegginum í postkassanum. Tí ræður um at fáa alt, sum vit kunnu, inn undir okkum á hesi ferðini.