mánadagur 19. november 2018síða 17

17 Mánadagur 6. januar 2014 · Nr. 2 Sosialurin Mánadagur 19. november 2018 · Nr. 134 Hugskot og viðmerkingar – send sms til 225000 STUTTSØGD Pætur Albinus BOGASKJÓTING Kapping hevur verið um vikuskiftið í hølunum hjá Ørvi í Runavík. Leygar­dagin kappaðust seks ung­dóms­ skjúttar – tríggir í recurve og tríggir í compound – á 12 metra fjarstøðu, og sunnudagin kapp­aðust 10 vaksin – fimm í recurve og fimm í compound – á 18 metra fjarstøðu. Finaluna hjá teimum ungu í recurve vann Tóra Dinna Reynskor 6-0 á Rebekku L. Olsen, og ung­ dómsfinaluna í compound vann Hans Jákup Højgaard 142- 140 á Aleksanduri Leitisstein, sum í innleiðandi kappingini javnaði føroyska metið við heili 574 stigum. Í recurve hjá vaksnum vann Jógvan Petersen 6-0 á Hjalmari Suna Juul, og í compound- finaluni vann Jóannes Poulsen 144-141 á Nikkeli Petersen. Næsta kapping verður í hølunum hjá Tambar í Havn vikuskiftði 1. og 2. desember. FLOGBÓLTUR Tveir dystir hava verið í meistara­deildini hjá monnum hetta vikuskiftið. Leygardagin var tað toppur ímóti botni, tá ið ósigraða oddaliðið, Mjølnir, var á vitjan á Kambsdali hjá botnliðnum, ÍF. Tað gjørdist til ein greiðan 3-0-sigur til favorittarnar úr Klaksvík, sum vunnu við settúrslitunum 25- 14, 25-18, 25-17. Í gjár dystaðust so tey bæði liðini, sum stríðast um at sleppa við í FM- finalurnar, nevniliga Fleyr og SÍ. Dysturin var í Havn, og tað var heimaliðið, Fleyr, sum vann greitt 3-0 við settúrslitunum 25- 21, 25-13, 25-23. 3-0-sigur gevur trý stig, og tað merkir, at Fleyr hálar seg næstan heilt inn á SÍ, sum undan dystinum var fýra stig frammanfyri Fleyr. Nú er munurin tódnaður niður í eitt stig. Tveir dystir hava somuleiðis verið í meistaradeildini hjá kvinn­um hetta vikuskiftið. Báðir tveir vóru sera tættir. Leygar­dagin spældu Mjølnir og Fleyr í Klaksvík, og har fór Fleyr suður aftur til høvuðsstaðin við einum 3-1-sigri umvegis settúrslitini 22-25, 29-27, 25- 20, 26-24. Í gjár var dystur í Sørvági ímillum SÍ og KÍF, sum bæði kappast um at hanga í oddinum. KÍF var á odda 2-0 í settum og á sigurskós, men tá ressaðist sørvágskvinnur við og javnaðu til 2-2 í settum. Í avgerandi settinum var SÍ eisini omaná og fullførdi eitt comeback í 3-2-sigrinum, har settúrslitini vóru 12-25, 23-25, 25-20, 25-12, 15-12. HONDBÓLTUR Tað var ikki ein góð vika hjá Bjerringbro-Silkeborg í síðstu viku. Hóskvøldið spældu teir 30-30-javnleik á heimavølli ímóti SønderjyskE í donsku deild­ini, og í gjár taptu teir óvæntað 29-30 á heimavølli fyri slovakiska Tatran Presov. Jóhan á Plógv Hansen gjørdi annars sítt og var ein av fýra toppskjúttum hjá Bjerringbro- Silkeborg við sjey málum. Hann hevur verið einsamallur topp­skjútti í allari kappingini nærum alt kappingarárið, men hann er nú yvirhálaður av Alex Dujshebaev (Vive Kielce) og Nico Ronnberg (Riihimaen Cocks). Teir hava skotið 55 mál, meðan Jóhan hevur skotið 54 mál. Tapið hjá Bjerringbro- Silke­borg hevur við sær, at teir missa einsamalla oddasessin í bólki C, har teir nú deila oddasessin við Sporting CP og Tatran Presov. Øll liðini hava 12 stig. Nú bíða tveir sera týdningarmiklir dystir ímóti HC Metalurg og Sporting CP. Teir dystirnir vera ávikavist 24. november og 2. desember. Turið Arge Samuelsen og tær úr Haukum fingu ein avsmurning, tá ið tær leygar­ dagin høvdu vitjan av odda­lið­ num í bestu íslendsku deildini, Vali. Úrslitið gjørdist 30-16 til Val, sum var á odda 15-7 í hálvleikssteðginum. Turið Arge Samuelsen skeyt tvey mál fyri Haukar, sum er nummar fýra í Olís Deildini, sum besta deildin í Íslandi eitur. Tað eru trý stig upp til oddaliðini, Val og ÍBV. TALV 25 ára gamli Rógvi Egilstoft Nielsen úr Sandavágs Talvfelag tryggjaði sær í gjár annan IM- normin í altjóða talvkappingini Runavík Open, sum endaði í Løkshøll í gjár. Javnleikur í seinasta umfari í gjár móti russ­ iska stórmeistaranum Alek­sandr Karpatchev var eitt minsta­krav, skuldi málið røkk­ast, og tað eydnaðist við bit og slit. Tap tóktist vera í hendi hjá vága­ manninum, men kringur fløkti hann støðuna so væl, at russiski stórmeistarin misti tráðin, so at talvið kortini endaði javnt. Hetta er annar IM-normurin hjá Rógva. Tann fyrra fekk hann í EM-kapp­ingini fyri landslið í fjør. Tríggir normar krevjast til al­menna IM-heitið. Annað krav er 2400 í rating. Rógvi gongur sløk tretivu stig fram upp í nærum 2370 eftir úrslitið í hesari kappingini, so IM-heitið nærkast í hvørjum. Rógvi fekk í alt seks av níggju stigum og fekk eitt flott triðja pláss í kappingini. Hann legði millum annað seks stórmeistarar aftur­um seg. Yngri bróðirin, 21 ára gamli Høgni Egilstoft Nielsen, hevur tveir IM-normar í skjátt­uni umframt kravda 2400-styrkitalið. Hjá honum var ein sigur í gjár móti hvíta­ russiska stórmeistarnum Niki­ ta Maiorov eitt krav, skuldi hann røkka sínum triðja og síðsta IM-normi - og sjálv­um IM-heitinum. Útlitini mun­ du ikki vera tey bestu við svarta fólkinum móti sterka mótstøðumanninum, sum hevur styrkitalið 2510, og sum vann kappingina í Runavík í fjør. Høgni var kortini mentur at vinna sær materiellan fyri­ mun og stríddist av øllum alvi at vinna. Við neyvum verju­ spæli bjargaði sterki mót­støðu­ maðurin sær einum javnleiki. Høgni fekk 5½ stig og endaði nummar 8 í røðini. Hann gong­ ur fimm ratingstig fram. Rógvi Egilstoft Nielsen fekk annan IM- normin í Runavík Open, har russiskur telvari fór við sigrinum. Í flogbólti hava fleiri dystir verið, og í bogaskjóting varð føroyskt met sett leygardagin Russiskur vinnari í Runavík Runavík Open 2018 Nr Navn Land Rating Stig 1 GM Vasily Papin Russland 2483 7 2 GM Oleg Korneev Spania 2551 6,5 3 FM Rógvi Egilstoft Nielsen Føroyar 2339 6 4 GM Vadim Malakhatko Belgia 2545 6 5 GM Aleksandr Karpatchev Russland 2416 6 6 GM Vitaliy Bernadskiy Ukreina 2544 5,5 7 GM Nikita Maiorov Hvítarussland 2510 5,5 8 FM Høgni Egilstoft Nielsen Føroyar 2400 5,5 9 GM Normunds Miezis Lettland 2477 5,5 10 Jonathan Pinheiro Svøríki 1789 5,5 Flogbóltur, meistaradeildin kvinnur Nr. Lið Dystir Stig 1 Fleyr 4 12 2 SÍ 4 10 3 KÍF 4 6 4 TB 4 6 5 Mjølnir 4 3 6 Dráttur 5 1 Flogbóltur, meistaradeildin menn Nr. Lið Dystir Stig 1 Mjølnir 5 15 2 SÍ 5 8 3 Fleyr 5 7 4 ÍF 5 0 Vasily Papin vann Runavík Open