mánadagur 19. november 2018síða 16

Mánadagur 19. november 2018 · Nr. 134 16 Sosialurin Hugskot og viðmerkingar – send sms til 225000 TÍÐINDI Eg gleði meg mest at eta Elisabet Vang er úr Hoyvík og luttekur javnan í kappingum sum eru líkar Burn Showdown Sólvá Lindenskov Róadóttir Um vikuskiftii luttók Elisabet Vang í Bikini Fitness kapping­ unum. Hetta valdi hon at gera, tí at hon sá tað sum nakað áhugavert at royna at kappast í Føroyum. – Tað sum var so stuttligt, var stuðulin eg fekk gjøgnum alla kappingina, hann var ov­ urstórur. Tað gjørdist ótrú­liga rør­andi at merkja, hvussu nógv ynsktu tað besta fyri meg, sigur Elisabet Vang. Eg hevði ongantíð ímyndað mær, at eg fór at hoyra so nógv rópa á meg í senn, og so megnaði eg eisini at vinna trý gull heið­urs­ merkir, sum bara gjørdi hetta til eitt enn serligari upplivilsi, greiðir hon frá. Elisabet Vang venur vanligt, so tað er torført at siga júst hvussu leingi hon hevur vant fyri at gerast klár til Burn Show­down. Í september luttók Elisabet Vang í kapping uttan­ lands, so tá Burn Showdown nærkaðist var hon sum so klár til tiltakið tí hon hevði longu luttikið ein stuttan mánað áðrenn á líknandi kapping. – Eg eri ótrúliga nøgd við míni úrslit, tað er altíð pláss til at gerast betur, men eg eri nøgd. Eg arbeiði tó móti størri vinningi, so eg fari at royna at venja fram móti at vinna »Over­all« næstu ferð, sigur Elisa­bet Vang. – Beint nú gleði eg meg at brúka tíð saman við familjuni og vinfólki, tá eg venji fer so nógv tíð við tí. Eg gleði meg eisini at sleppa at eta allan mat aftur. Eg havi verið á strangari kostætlan soleiðis at feitt­pro­ sentið í kroppinum er nóg lágt. – Tað er stravið, men tað er umráðandi at kroppurin fær alt tað, honum tørvar sam­ stundis, sum feittprosentið ikki verður ov høgt, sigur Elisa­ bet Vang. – Tað gongur út uppá at geva kroppinum eina ávísa mongd av proteinum, feitt og kulhydratum. Tað varð gjørt við at eta ymiskt, sum t. d. kyll­ ing, rís og grønsakir tvær ferðir um dagin og annars mat sum skyr, wheyprotein og frukt. Eisini eti eg vitaminir hvønn dag og inntaki eina ávísa mongd av vætu, greiðir Elisabet Vang frá. Bikini Fitness: