mánadagur 19. november 2018síða 15

15 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 19. november 2018 · Nr. 134 TÍÐINDI Bjarni Nielsen: Nú taki eg tað ein mánað í senn – Eg eri eitt sindur skuffaður. Hatta gekk ikki væl. Eg havi onga umbering fyri, at tað ikki skuldi ganga betur. Eg eri væl fyri, og eri trenaður til hetta. Tað var nokk ikki mín dagur í dag, sigur Bjarni Nielsen Sólvá Lindenskov Róadóttir Bjarni Nielsen var ein av fyri­ skiparunum til tiltakið Burn Showdown samstundis sum hann luttók í kappingum bæði fríggjadagin og leygardagin. Í næstum skal Bjarni Nielsen vera pápi, og spurdur um lut­ tøku næsta ár sigur hann, at hann heldur vil taka dagarnir sum teir koma, ein mánað í senn. – Eg skal í øllum førum hava eitt hálvt ár pausu nú. Daman hjá mær er við barn, so eg vil taka tað ein mánað í senn, greið­ir ein stoltur Bjarni Nielsen frá. – Eg havi verið við til Burn Showdown í fýra ár nú. Kapp­ ingin er harðari enn Føroya Sterkasti Maður, men eg kundi væl gjørt tað betur sigur hann. Miðskeiðis í kappingini hendi tað, at stongin til »dead­ lift« boygnaði undan 400 kg tungu vektini, og avgerð bleiv tí tikin um at strika ta kapp­ ingina av listanum. Hetta var óheppið fyri Bjarna Nielsen, tí hann metti at her kláraði hann seg best. – Eg kom langt í »deadlift« kappingini, men stigini vóru strikað, tí vektin bleiv ov tung, men man kann so siga, at menn eru sterkir, sigur Bjarni Nielsen flennandi. – Eg eri ikki heilt nøgdur við úrslitini. Eg endaði sum numm­ar fýra, men eg lá ikki so langt vekk í stigum frá numm­ ar 2 og 3. Eingin hevði kunna rørt Laurence í dag, hann klár­ aði seg framúr væl, tað skal hann eiga, sigur Bjarni Nielsen.