týsdagur 20. november 2018síða 15

15 Mikudagur 22. oktober 2014 · Nr. 120 Sosialurin Hugskot og viðmerkingar – send sms til 225000 Mikudagur 21. november 2018 · Nr. 135 TÍÐINDI Skulu ikki rinda meiri enn 30 prosent í skatti SKATTUR Fólkaflokkurin hevur sett sær eitt greitt mál fyri skatta- og avgjaldspolitikkinum næstu árini Áki Bertholdsen Nú skulu skattir og avgjøld ikki hækka meiri. Tað gjørdi Jørgen Niclasen, formaður Fólka­floksins, greitt á lands­ fund­ini hjá flokkinum leyg­ar­ dag­in. Hann vísir á, at hendan sam­gongan hevur hækkað fleiri avgjøld, og í hesum sam­ bandi eru avgjøldini á bensin og á diesel hækkað, vektgjaldið og tinglýsingargjaldið eru eis­ ini hækkað. Harumframt er gjaldið til Heilsu­trygd hækkað, og somu­ leiðis er gjaldið til barsils­skip­ an­una og til Samhaldsfasta, eis­ini hækkað. – Ja, sjálvt hondverkarar og hárfríðkanarkvinnur fingu stóra rokning fyri kring­varps­ gjald. Tað hendi, tá ið tað varð sett í lógina, at eisini vinnu­ fyritøkur skulu rinda kring­ varps­gjald. – Í eini fyritøku eru tað bert starvsfólk og viðskiftafólk, sum lurta og hyggja at Kring­ varp­inum, men øll tey rinda longu kringvarpsgjald heima við hús frammanundan. – Hetta svarar til, at keypir tú rundstykkir við til arbeiðis, rindar tú MVG. Men etur tú tey á arbeiðsplássinum, skal ar­beiðs­plássið eisini rinda MVG einaferð afturat. Hetta er eitt vinnu­fíggindaligt gjald, sum skal avtakast, sigur Jørg­ en Niclasen. 30 prosent Hinvegin ger hann greitt, at Fólkaflokkurin hevur sett sær eitt greitt mál fyri avgjalds- og skattapolitikkin. – Fólkaflokkurin vil í minsta lagi, at skattur og avgjøld skulu ikki hækka meiri, sigur hann. Hann sigur, at skatturin skal lækkast so at eingin við lág- ella miðalinntøku, skal rinda meira enn 30 prosent í skatti, og vit vilja lækka av­ gjøld­ini á vinnu og borgarar, sig­ur hann. –  Skapa vit vøkstur, røkka vit málinum skjótari. Vit vilja at ein triðingur av vøkstrinum í búskapinum skal brúkast til at lækka avgjøld og skatt við, ein triðingur skal brúkast til vælferð og ein triðingur skal brúkast til at rinda skuld við, sigur formaður Fólkafloksins. Fiskivinnan í Føroyum skal verða nummar eitt FISKIVINNA Fólkaflokkurin heldur seg hava loysnina upp á, hvussu fiskivinnan kann verða í heimsflokki Áki Bertholdsen –  Eingin ivi er um, at fiski­ vinnunýskipanin hjá sam­ gong­uni hevði sín uppruna í øvund­sjúku. Soleiðis dróg Jørg­en Niclasen, formaður Fólkafloksins, á lands­fund­in­ um hjá Fólkaflokkinum, leyg­ ar­dagin. Ikki óvæntað fylti fiski­ vinn­an eitt sindur á lands­ fund­inum, og í hesum sam­ bandi helt Jørgen Niclasen, at tað, sum píndi samgonguna var, at onkur hevði fiskiloyvi, og seldi tey til ein annan, og for­vann nógvan pening. Og við teirri grundgeving gjørdi samgongan tað púra ólogiska, at taka frá teimum, sum høvdu keypt, men ikki frá teimum, sum høvdu selt, er niðurstøðan hjá fólkafloks­for­ mann­inum. –  Rættindi eru tikin frá teim­um, sum hava keypt. So­ statt varð uppboðssøla upp­ funn­in, tí at landið skal hava pen­ingin einaferð afturat, og tað hevur verið frá teimum somu, sum upprunaliga keyptu.  Doyggja undir øllum umstøðum Hinvegin heldur Jørgen Nicla­ sen, at tað er sera áhugavert er at staðfesta, at tey, sum hava keypt rættindi í fríari sølu, eru tey, sum hava staðið seg best í vinnuni. Men tey, sum keypa á uppboðssølu, hava mist pening av mest sum hvørjum kilo, tey hava keypt.  –  Munurin er, at frí søla merk­ir, at markn­aðar­kreft­ir­n­ ar sleppa at virka. Men upp­ boðs­søla er eitt monopol, sum merkir, at bjóðar tú ov lítið, doyrt tú, tí tú einki fær. Bjóðar tú ov nógv, fær tú kvoturnar, men doyrt, tí tú bjóðaði ov nógv.  Men annars sigur hann, at boðs­kapurin hjá Fólkaflokkin­ um er greiður. – Vit mugu hava eina fiski­ vinnu, sum er fremst í heim­in­ um. Tað gerst bara, um vinnan kann gera nýíløgur, tí við nýggj­astu útgerðini kunnu vit aftur leggja okkum fremst. Tað er bara at hyggja at í ali­ vinn­uni. Og Fólkaflokkurin heldur seg eisini hava uppskriftina. –  Uppboðssølan má av­tak­ ast beinanvegin og fiskiloyvini skulu latast við somu treytum sum í alivinna. Tað merkir, at tal­an skal vera um 12 ára loyvi, tí tá ber til at fáa fígging til ný­ bygg­ing, sigur hann.  –  Tilfeingisskatturin eigur at verða tann sami, sum skatt­ ur­in hjá oljuvinnuni undir Før­ oy­um. Tað merkir, at eyka­ skatt­ur verður kravdur, tá ið all­ar íløgurnar eru rindaðar aft­ur. Tá verða tey lønt, sum gera nýíløgur, men tey verða skattað, tá íløgan er goldin.  –  Í fiskivinnupolitikkinum má loyvisskipanin gerast sum í alivinnuni, uppboðssølan skal burtur, tilfeingisskatturin má verða sum í oljuvinnuni –  og vit mugu ongantíð skifta fiski­ dagar út við kvotur, dreg­ur Jørgen Niclasen saman um. Avgerandi neyðugt Jacob Vestergaard, løgtings­ mað­ur fyri Fólkaflokkin, helt somu­leiðis, at tað heur av­ger­ andi týdning, at nýggja fiski­ vinnuskipanin verður broytt aftur, so at vit aftur fara til eina loyvisskipan, har reiðarar fáa brúksloyvi við 12 ára upp­ sagnartíð. Fiskivinnan skal ikki stýrast úr Tinganesi, men fáa frælsi til at skipa seg sjálv, og tað ber eisini í sær, at hon fær frælsi til at keypa og selja fiskirættindi ímillum sín. Hann sigur, at tað er eisini avgerðandi neyðugt, at fiski­ vinn­an má sleppa at ráða yvir tí vinningi, hon skapar, og tí verð­ur tað neyðugt, at til­ feingis­gjøldini verða avtikin, og at eisini uppboðssølan verð­ ur avtikin alt fyri eitt. Hann sigur, at tað er hetta, sum krevst fyri at fiskivinnan fær endurnýggja seg, so at hon kann verða í fremstu røð. Og ikki um at tala verður tað alneyðugt at forða fyri ætl­ anini hjá samgonguni at fara frá núverandi fiskidagaskipan, til eina kvotuskipan. –  Tað er prógvað, at kvotu­ skip­anir eru ikki brúkiligar skip­anir í Føroyum, tí tað elvir til útblaling og svik, sigur Jacob Vestergaard. Eykaskattur skal ikki krevjast fyrr enn allar íløgurnar eru goldnar, var boðskapurin hjá Jørgen Niclasen, formanni í Fólkaflokkinum, á landsfundinum í Salt á Drelnesi leygardagin. Mynd: Bjarni Nygaard Nýggja fiskivinnuskipanin skal broytast aftur og tilfeingisgjøldini skulu avtakast, sigur Jacob Vestergaard, løgtingsmaður, á landsfundinum hjá Fólkaflokkinum leygardagin. Mynd: Bjarni Nygaard