mánadagur 26. november 2018síða 20

Mánadagur 26. november 2018 · Nr. 137 20 Sosialurin Hugskot og viðmerkingar – send sms til 225000 SÚKKLING Pætur Albinus Tað eru tríggjar deildir í súkkling á heimsstøði. Fremsta deildin er World Tour, har 18 lið sleppa við hvørt ár, og so er tað næstbesta deildin, prokontinental, og triðbesta deildin, kontinental. Í World Tour og prokontinental eru ein­ans fulltíðar súkklarar, og har verður ein føroyingur við næsta ár. Tað er Torkil Veyhe, sum skal súkkla á pro­konti­nen­ tal. Hann fyrireikar seg nevni­ liga í løtuni til størstu av­bjóð­ ingina á súkkluleiðini, nevniliga kappingarárið 2019, har hann skal súkkla við danska liðnum, Riwal-Readynez. Hetta er sum nevnt næsthægsta støðið, ið ein kann súkkla á, og sum eisini kann geva atgongd til heimsins størstu súkklukappingar, eitt nú Grand Tours so sum Tour de France og Giro d'Italia. Riwal-Readynez er einasta danska liðið, sum súkklar á so høgum støði, og leiðslan á lið­num vildi hava krútsterka før­oyska súkklaran við sær á pro­kontinental-ævintýrið, har liðið nú skal royna seg á fyrsta sinni. Hóast Torkil ikki sjálv­ur hevur súkklað á pro­konti­nen­ tal-støði áður, so var hann í fjør við á Team Virtu Cycling, sum var besta liðið á støðinum beint undir, nevniliga kontinental- støði, og í grundini súkklaðu teir á liðnum meira sum eitt prokontinental-lið heldur enn nakað annað. Tískil er Torkil ikki heilt óroyndur á hesum støðinum, og hann tekur uppgávuna og fyrireikingarnar í størsta álvara. - Kappingarárið í ár endaði 1. oktober, og eftir eina stutta feriu upp á tvær vikur, so fór eg um hálvan oktober í holt við vetrarvenjingina fram til næsta kappingarár, sigur Torkil. - Eg fái jólini við í Føroyum, men eg fari niður aftur til Dan­ markar at halda nýggjár. Eg kundi hugsað mær at verið heima í Føroyum um nýggjárið, men tað er fyri mína egnu skyld, at eg fari niður aftur, tí í Føroyum er veðrið sjáldan nóg gott til at fáa ta optimalu venj­ ing­ina burturúr, greiðir hann frá. Hetta er tað, sum tað krevur at vera súkklari á hægsta støði, og soleiðis hevur Torkil eftir hond­ini livað í fleiri ár. - Hetta hevur kravt seriøst og dedikerað arbeiði eftir ein­ um greiðum máli, og tað hevur kravt 100% hóast tað er eitt lítið nálareyga, ið ein skal raka fyri at fáa ein fulltíðar sáttmála, greiddi Torkil frá í Sosialinum, tá ið skiftið til Riwal-Readynez gjørdist alment í september. - Hetta hevði ikki verið møgu­ligt uttan góðan stuðul. Alt frá liðnum, ið eg havi súkkl­ að við, til stuðul frá før­oyskum fyri­tøkum og frá heima­ fronti­num. Tað hevur gjørt, at eg havi kunnað arbeitt við súkklingini fulla tíð. Tá tað er so­mikið tíðarkrevjandi, so er tað eitt samanspæl at fáa alt at eydnast, segði hann eisini. Betri trygd Nýggja lið hansara, Riwal- Ready­nez, hevur í eina tíð miðað eftir prokontinental-støði, og fram til næsta kappingarár eydn­aðist tað so. Liðið fær eina árliga fíggjarætlan á um­leið 20 milliónir krónur, har lyftufyritøkan Riwal og KT-fyritøkan Readynez eru høvuðs­stuðlar. 16 súkklarar eru við á lið­ num. Umframt Torkil og 11 danskarar, so eru eisini tveir norð­menn og tveir sviiar – har­ av svenski meistarin á landa­ vegi, Lucas Ericsson – við á lið­ num. Í løtuni eru 18 danskir súkklar­ar við á hægsta støði, World Tour, og allir danskar­ ar­nir á prokontinental-støði – undantikið tveir – súkkla við Riwal-Readynez. Liðið er tískil greitt tað besta av sínum slag í Danmark og hevur eisini ætlanir um at savna stinn­ar súkklarar úr øllum norð­ur­ londum. Riwal og Readynez hava bæði gjørt trý ára stuðuls­av­ talur, so á tann hátt er fram­ tíðin lutfalsliga trygg hjá lið­num í einum ítrótti, har til­ veran hjá liðunum annars ikki altíð er so trygg vegna mangl­ andi stuðlar. Torkil Veyhe dylur ikki fyri, at tað serliga er tann ítróttarligi parturin, ið dregur við Riwal- Readynez, men tað eru tó eisini aðrir fyrimunir við at hava tik­ ið eitt fet longri upp í støði. - Tú ert tryggjaður minstu­ løn, og sum heild ert tú betur still­aður í einari skipan, sum minn­ir meira um arbeiðsgevara og arbeiðstakara. Liðið hevur trygg­ingar og góðkendar verk­ ætlanir, og tað er ikki vandi fyri, at liðið dettur niðurfyri mitt í einum kappingarári, sig­ ur Torkil. - Hetta speglast eisini aftur í hvussu liðið verður rikið, alt frá útgerð, teknikarum og til onnur starvs­fólk og hjálparfólk, leggur Torkil afturat. Grand Tour? Riwal-Readynez var besta liðið á kontinental-støðinum í fjør, men avbjóðingin á pro­ kontinental er spildurnýggj og avbjóðandi. Tað verður roknað við, at vegurin til at fáa eitt wildcard til eina Grand Tour er langur, og tískil kann neyvan vænt­ast, at Riwal-Readynez Torkil Veyhe: Føroyski súkklarin, Torkil Veyhe, fyrireikar seg í løtuni til størstu avbjóðingina á súkkluleiðini, nú hann næsta ár skal súkkla við donskum liði, sum er við í heimselituni og kann fáa wildcard til Tour de France. Torkil gleðir seg til risa avbjóðingina, men vildi tó einans gera eitt ára sáttmála. - Sum gongdin er í løtuni, so stúri eg ikki fyri at eg ikki fái nakran sáttmála næsta ár, sigur hann SKAL ROYNA SEG Í HEIMS­ ELITUNI