hósdagur 29. november 2018síða 39

VINNUBLAÐIÐ HJÁ MIÐLAHÚSINUM 11 november 2018 30 Varligar fiskiroyndir - HÓSKANDI HEVÐI VERIÐ AT GJØRT ROYNDIR VIÐ STØRRU ÚTRÓÐRARBÁTUNUM Í FYRSTA UMFARI - VIÐ LÍNU OG SNELLU, HELDUR BJØRN KALSØ Vilmund Jacobsen - Eg haldi, at varligar royndir við húki javnan eiga at verða gjørdar á Føroyabanka fyri at stað­festa støðuna hjá toski og øðrum fiska­ sløg­um, umframt tær royndir, sum Havstovan ger.  Tað heldur Bjørn Kalsø, framsøgumaður hjá Sam­bandsflokkinum í fiskivinnumálum. Hann vísir á, at nakrar royndir vórðu gjørdar við gørnum á Føroyabanka í summar, har tað mesta av veiðini var havtaska og skøta.  - Eg haldi, at hesar royndir eisini eiga at halda fram. Fiskurin á Bankanum er viðkvamur, og tí eigur royndin at vera varlig, sigur Bjørn Kalsø. Framsøgumaðurin í fiskivinnumálum heldur, at tað hevði verið hóskandi at gjørt roynd­ir­nar við størru útróðrarbátunum í fyrsta umfari - við línu og snellu. - Møguliga kundu royndir eisini verið gjørdar við einum av línubátunum undir skip­ að­um viðurskiftum, um grundarlag vísir seg at vera fyri tí, heldur Bjørn Kalsø. Tað sigur Eilif Gaard Aðrastaðni í blaðnum í dag ger stjórin á Hav­stovuni, Eililf Gaard, sínar við­merk­ ing­ar um Føroyabanka. Vilmund Jacobsen Tað hevur undrað Kristian Martin Petersen, línu­skipareiðara, at einki politiskt hevur verið at hoyrt um Føroyabanka. Hann vísir á, at Bankin søguliga hevur givið eini 2.500-3.000 tons av toski hvørt ár í langar tíð­ir, men at Bankin nú hevur verið friðaður fyri allari veiði í meira enn 10 ár. - Í gomlum døgum var toskurin av Føroya­ banka okkara høvuðsbrand á útflutningssíðuni. Aftrat toskinum er hýsa, havtaska og annað at fáa. Men, eingin sleppur at royna her, tí Bankin er framvegis stongdur fyri allari vinnuligari veiði – við undantaki av nøkrum fáum døgum til smærri bátar. Línuskipareiðarin metir ikki, at royndin hjá teim­um bátum, sum eru slopnir á Bankan, hevur givið nakra rættvísa mynd av heildini. - Fyrst í hesari øldini var toskaveiðan á Banka­num umleið 6.000 tons um árið, men bert fá ár seinni minkaði veiðan stórliga. Síðan er eingin veiða farin fram her. Kristian Martin Petersen heldur, at hetta eiga vit beinanvegin at gera nakað við. - Eg haldi tað vera ógvuliga sannlíkt, at nógv­ur toskur og hýsa eru á Føroyabanka. Hann vísir á, at Havstovan hevur staðfest nógva hýsu á Bankanum seinastu árini, men tað kemur tíverri ikki upp á tal at sleppa at royna her, hóast vinnan metir, at toskur eisini er at fáa á Føroyabanka. - Tað gevur kanska eina betri heildarmynd av týdninginum, sum Føroyabanki kann hava, um vit samanbera toskanøgdirnar á Banka­ num við tað, sum føroysk línuskip kunnu veiða á Flemish Kap og undir Íslandi.  Kristian Martin Petersen vísir á, at føroyska kvot­an á Flemish Kap í 2018 var umleið 2.500 tons, og í 2019 verður hon ætlandi umleið 3.900 tons. Føroyska toskakvotan undir Ís­landi hevur í nógv ár ligið um 1.200 tons, men seinstu árini er hon hækkað til umleið 1.800 tons.  - Tað er torført at skilja, at føroysk línuskip skulu noyðast at sigla framvið Føroyabanka og á havleiðirnar hjá øðrum, tá Bankin kann geva upp í 6.000 tons av toski um árið. Í staðin fyri at sleppa at fiska á Føroyabanka, noyðast før­oysk línuskip á fjarleiðirnar við Flemish Kap, Grøn­land og Ísland at fiska. Hann sigur, at fiskimenn duga illa at skila, at Føroyabanki framvegis er stongdur, og at eingin royndarveiða hevur verið loyvd øll hesi ár. - Eg ivist ikki í, at nakrar línuroyndir á Banka­num høvdu givið eina sannari mynd av støðuni enn tær fáu yvirlitstrolingarnar hjá Hav­stovuni geva. Hetta skal tó ikki skiljast so­ leiðis, at eg ikki havi virðing fyri tí arbeiði, sum Havstovan ger. Kristian Martin Petersen sigur, at eingin av teimum, hann hevur við at gera í vinnuni, skil­ir, hví vit ikki gera paralellar royndir, ið antin stað­ festa ella avsanna tað, sum Havstovan sigur. - Um friðingarnar einki úrslit hava við sær, er tíðin kanska komin til, at vit tora at gera okkurt annað, sigur línuskipareiðarin. Vinnan skilir ikki at bankin er stongdur - EG HALDI TAÐ VERA ÓGVULIGA SANNLÍKT, AT NÓGVUR TOSKUR OG HÝSA ERU Á FØROYABANKA, SIGUR LÍNUSKIPAREIÐARI - Í gomlum døgum var toskurin av Føroyabanka okkara høvuðsbrand á útflutningssíðuni, sigur Kristian Martin Petersen