mánadagur 3. desember 2018síða 18

Mánadagur 3. desember 2018 · Nr. 140 18 Sosialurin Hugskot og viðmerkingar – send sms til 225000 - Sjúrður Hildarson Hoydal – Baden, Sveis Føroyska kvinnulandsliðið spældi um vikuskiftið fyrsta umfar í undankappingini til HM 2019. Undankappingin er skip­að soleiðis at tær smærru hond­bóltstjóðirnar spæla eitt undan­umfar, har tað snýr seg um at spæla seg víðari til høvuðsundankappingina. Fyri einum ári síðani spældu Før­oyar seg víðari úr hesum umfari við at vinna á Finnlandi og Grikkalandi, men hesaferð vóru føroysku kvinnurnar endaðar í einum torførari bólki, ið taldi Sveis, Litava og Finnland. Sveis átti heimavøll í hesi kapp­ingini, og var av tí sama rætti­liga greiður favorittur at fara víðari. Serfrøðingar væntaðu at Litava var besta boð­ið at hótta Sveis, meðan Før­oyar og Finnland ikki fingu stór­vegis møguleikar frá ser­ frøð­ini. Ætlaðu at vinna á Finnlandi Føroyar byrjaðu móti Finnlandi fríggjadagin, og hetta var tann dysturin, ið føroysku kvinn­ urnar vóru mettar at hava besta møguleika í. Tað byrjaði eisini við góðum føroyskum spæli. Føroyar høvdu tamarhald á dystinum heilt til eitt korter restaði í av dysti­num, men so sleptu tær takið. Eftir at hava verið aftanfyri allan dystin, slapp Finnland brád­liga at leggja seg greitt á odda, tá ið ov nógvir partar av spælinum fullkomliga mis­ eydnaðust hjá Føroyum. Endin var ein 19-22 ósigur, og eitt stórt skot fyri bógvin á føroysku vón­unum um góð úrslit í kapp­ ingini. Reistu okkum aftur móti sterkari mótstøðu Tí leygardagin var mót­støðu­ liðið Litava. Litava hevði dagin undan trýst sveisisku favoritt­ arnar til tað síðsta og tapt við við einum máli. Litavisku kvinn­urnar vístu í tí dystinum eina kropsliga styrki og eina leik­ferð, ið mundi metast á hægri støði enn hjá finnum. Tí vóru vónirnar millum fjepparar og serfrøðingar held­ ur lítlar fyri einum líkinda føroyskum úrsliti, men tað løgdu føroysku kvinnurnar einki í. Alt fyri eitt sást ein hug­ burður í føroysku kvinnunum, ið vístu at tær trúðu á egin evni. Føroyska verjan stóð stinn móti øgiliga trýstinum frá Litava, og ferð eftir ferð eydn­ aðist at bæði finna røttu loysn­ ina og at útinna hana. Í álopinum tók eisini at bragda, og við stórum hugflogi og neyvleika løgdu Føroyar seg longri og longri á odda. Í steðginum var støðan 15- 11 til Føroya, og stórur spenn­ ingur var um hvussu litavar fóru at svara aftur í seinna hálv­leiki. Men føroyska verjan stóð enn so stinn, og tá ið Viviann Petersen í málinum tók skot eftir skot, so vuksu útlitini fyri einum óvæntaðum sigri í hvørjum. Nakað væl fyri leiklok var dysturin avgjørdur, og Føroyar loyvdu litavum at pynta nakað um úrslitið so at dysturin end­ aði 25-21 til Føroya, og eitt satt bragd var veruleiki. Finala móti favorittunum Nú var ósigurin fyri Finnlandi nærum gloymdur, og hann vísti seg eisini at fáa lítið at siga fyri endaliga úrslitið í kapp­ingini. Tí sum úrslitini hættaðu seg, so gjørdist talan um eina bólkafinalu millum Sveis og Føroyar sunnudagin. Vunnu Føroyar, so spældu tær seg víðari til undankappingina, meðan sama var galdandi fyri vertirnar og favorittarnar úr Sveis. Júst tað, at Sveis var á heimavølli mundi fáa avgerandi týdning, tí við stórari hjálp frá áskoðarafjøldini tóktust so at siga allir smálutir at fella til heimaliðið í fyrra hálvleiki. Gaman í gjørdu føroyska liðið nøkur mistøk, men sveisar høvdu sanniliga hepni við sær eisini, tá ið bóltarnir duttu rætt fyri seg – og dómararnir kanska eisini vóru nakað lagaligir fyri heima­liðið. -Allir smálutirnir eru falnir til tær, so nú mann tað fara at koppa okkara veg, lat í einum føroyskum leikara í steðginum, har ið støðan var 8-11 til Sveis. Men tað hendi ongantíð. Skjótt gjørdist munurin eini fimm mál, og hesin munurin helt sær so at siga dystin út. Før­oysku kvinnurnar stríddust alt tær vóru mentar, men hvørja ferð ein fekk vónina um at koma aftur í dystin, kom ein vátur vøttur í andlitið, tá ið tær sveisisku svaraðu aftur. Ofta kom aftursvarið av góðsku, men serliga hugtungt var tað, tá ið hepni aftur spældi inn. Sýndu stóran stríðsvilja Men so hugtungt tað tá var at hyggja at, so hildu føroy­ ingarnir høvdini høgt, og spældi við fullari ferð og megi heilt til seinasta bríksl, har ið talvan vísti 23-19 til Sveis. Ósigurin var veruleiki, og Føroyar skulu ikki spæla kom­ andi undankapping til HM, men føroysku kvinnurnar høvdu ongan trupulleika við at hyggja hvørja aðra í eygu­ ni, eftir at flott avrik í øllum trimum dystunum, tó at tær fara at iðra seg seinasta korterið móti Finnlandi, tá ið tær hyggja aftur á avrikið. Ongin landsdystur á skránni kom­andi tíðina Tað skulu føroysku kvinnur­ nar eisini. Tað snýr seg um at menna seg, og liðið skal læra av bæði teimum góðu og minni góðu avrikunum, og tað er bara at fegnast um at hesaferð vóru fleiri av teimum góðu. Ein kundi ynskt sær at fleiri lands­dystir vóru í næstum, so at menningin kann halda fram, men eingin teljandi lands­ dystur er á skránni fyri enn næsta kapping av hesum slagi verður aftur. Hetta er harmiligt, men tað er støðan, ið føroyskur hond­ bóltur er í. Tað er ikki talingur um at spæla smærru kapp­ ingarnar sum Challenge Cup, tí tað støðið hava vit flutt okkum uppum. Men støðið er ikki heilt enn til at spæla undankappingar á hvørjum ári, so tí er landsliðið í einari marg­ háttligari støðu har ov fáir teljandi dystir kunnu leikast. Tí mugu venjingardystir til. Før­oyskur hondbóltur hevur ikki siðvenju fyri at spæla so nógvar vinardystir, men hondbóltssambandið tykist at vilja fáa fleiri av hesum í næstum. Ágúst Jóhansson, lands­ liðs­venjari, legði eisini dent á hetta so skjótt at hann var FLOTT FØROYSKT AVRIK Í SVEIS HONDBÓLTUR Føroyar vóru fyri sterkaru mótstøðu í undankappingini í Sveis, men við millum øðrum einum minniligum sigri á Litava vístu føroysku kvinnurnar at tær eru á rættari leið