hósdagur 6. desember 2018síða 6

FRÍGGJADAGUR 7. DESEMBER 2018 SOSIALURIN 142 6 PÆTUR HJALMAR EVENSSON M ann skal halda eyga við Guðrið Høj­gaard næsta ár, tí hon fer at skapa, rista og førka Evropa í 2019. Hetta væntar viðurkenda amerikanska blaðið, Politico, sum hevur gjørt ein lista við 28 per­sónum, sum mann metir fara at seta sín dám á Evropa í 2019. Listin, sum kemur út á hvørj­ um ári, eitur Politico 28, og her er Guðrið Højgaard í tignarligum sel­skapi við m.ø. svenska Skype- stovnaranum, Niklas Zenn­ ström, og Pedro Sánchez, for­ sætis­ráðharra í Spania. Guðrið Højgaard, sum er stjóri í Visit Faroe Islands, hevur fingið heiðurin fyri sítt imponerandi arbeiði at seta smáu og ókendu Før­oyar á altjóða breddan við átøk­um sum Google Sheep View og Faroe Islands Translate. Hon er við hesum fyrsti føroyingurin á Politico 28. Allir 28 persónarnir á lista­ num hava fingið hvør sítt ser­kenda heiti, og heitið hjá Guðrið Højgaard er “The Island Evangelist” – ella á føroyskum: Oyggja-evangelisturin. Helt tað var ein feilur Fyri tveimum mánaðum síðani fekk Guðrið Højgaard ein teldu­ post frá kreativa stjóranum í Poli­ti­co. Hann skrivaði, at Poli­ tico hevði avgjørt, at hon skuldi vera millum tey 28 á ársins lista. - Eg hugsaði, at antin var hetta spamm, ella var tað ein feil­ur. Eg dugdi ikki at síggja, at eg skuldi koma á hendan listan. Eg skrivaði aftur og segði, at eg roknaði við, hann tók feil við mín íslendska starvsfelaga, tí ís­ lendska ferðavinnan hevur havt 40 prosent vøkstur, og vit hava bara havt 10 prosent, fortelur Guðrið Højgaard. Tað gingu minni enn fimm minutt­ir, og so skrivaði hann aftur til hennara, at hann hevði abso­lutt ikki tikið feil. Hann hevði verið í Føroyum tvær ferð­ ir og sæð arbeiðið, sum Guðrið Høj­gaard saman við restini av Visit Faroe Islands toyminum hevur gjørt fyri føroysku ferða­ vinnu­na, og hesum var hann sera hugtikin av. Guðrið Højgaard gleðist um fínu viðurkenningina. Hon vígir heiðurin til síni starvs­fólk á Visit Faroe Islands, til mongu samstarvsfelagarnar, til polit­ isku skipanina og til Før­oyar. - Tað er altíð gott at fáa eitt herðaklapp fyri tað, mann ger. Serliga frá fólkum, sum hava skil fyri samskifti, miðlaheiminum og marknaðarføring. Heiðurin er ein eyka fyrimunur, tí enda­ málið hjá okkum er altíð at skapa úrslit. At halda seg til kjarnu­virksemið og skapa úrslit burtur­úr tí, er tað, sum liggur mær nærmast á hjarta, sigur hon. Eitt bein í býnum og eitt á bygd Tá Guðrið Højgaard ikki situr á kontórinum í Gongini í Havn, dámar henni væl at stákast við landbúnaði í heimbygdini, Ritu­ vík. Gjøgnum uppvøksturin er hon von við at ganga í gummi­ stivlum, hoyggja, taka epli upp, geva kríatúrum at eta og alt tað, ið hoyrir til friðsæla men allíka­ væl rokaliga bygdarlívið. Hetta hevur givið henni eina góða ballast og perspektiv uppá lívið. - Tað er ein øgiliga góður mót­ setningur til mítt vanliga lív. At hava hendan partin í mínum lívi í kombinatión við mítt arbeiðslív, er við til, at mann heldur bæði beinini niðri á jørðini. Hennara uppruni er við til at defi­nera hana, og hesum er hon stolt av. - Eg eri veruliga stolt av at hava eitt bein í býnum og eitt bein úti á bygd. Eg haldi, tað ger, at vit skilja hvønn annan bet­ur, sum vit annars ikki eru ser­liga góð til í Føroyum. Tað snýr seg ofta um “vit á bygd og tit í Kontórshavn”, sum eg haldi er spell, tí vit grava óneyðugar gravir millum hvønn annan. Hon heldur, at vit eiga øll at vera stolt av, hvaðani vit koma, óan­sæð hvar í landinum, tað er. - Tað er ikki støddin á tín­ um heimbýi, sum avger, hvat tú megnar í lívinum – tað er breidd­ in á tínum mentala horisonti, sigur Guðrið Højgaard. Droymdi ikki um ferðavinnuna sum ung Rituvíkingurin vildi síggja heim­in, og eftir fólkaskúlan leitaði hon sær av landinum sum AFS-skiftisnæmingur til Spania. Aftaná lokið HF-prógv var hon au pair í London í eitt ár, og eftir hetta flutti hon til Keyp­mannahavnar fyri at lesa marknaðarføring og samskifti. Um mann hevði spurt hana tá, hvar hon hevði verið um 20 ár, hevði svarið í øllum førum ikki verið í ferðavinnuni. Tá lá tað nevniliga í kortunum, at hon skuldi blíva management consultant. Men tilvildin vildi nakað annað. Í 1998 fór hon til Stockholm at taka síðsta árið av útbúgvingini. Har helt kendi amerikanski mark­naðarføringurin, Philip Kotler, ein fyrilestur, og hann segði nakað, sum hevur fest seg í minnið hjá Guðrið Højgaard. - Hann byrjaði sín fyrilestur - Tað er ikki støddin á tínum heimbýi, sum avger, hvat tú megnar í lívinum – tað er breiddin á tínum mentala horisonti, sigur rituvíkingurin Guðrið Højgaard, sum hevur fingið stóran altjóða heiður fyri sítt arbeiði í Visit Faroe Islands PERSÓNSSØGA: Guðrið Højgaard Á lista við evropeisku elituni: GUÐRIÐ ER OYGGJA- EVANGELISTURIN Politico 28 kom út sum eitt serblað. Heitið hjá Guðrið Højgaard er “The Islands Evangelist”, og hon er bólkað sum nummar 9 í bólkinum “Dreamers”. Teir tríggir bólkarnir eru: doers, dreamers og disruptors