hósdagur 13. desember 2018síða 16

FRÍGGJADAGUR 14. DESEMBER 2018 SOSIALURIN 145 16 Jól í Betlehems gøtum - Vit halda jólaaftan mitt í Betlehem. Man kann ikki koma nærri jólaevangeliinum enn at sita har jólaaftan. Fyrst verður vitjað í føðikirkjuni og síðan verður farið út á markirnar. Hjá mær er hæddarpunktið at kunna standa úti á markini og syngja, har man heldur at eingilin kunngjørdi hirðunum boðini um frelsaran. Tað sigur Svenning av Lofti, ið er ferðaleiðari fyri 25 føroyingum, ið vitja Betlehem jólaaftan HALLUR AV RANA HALLUR@SOSIALURIN.FO S amstundis sum føroy­ing­ ar leggja síðstu hond á fyrireikingarnar til jóla­ aft­an í heimum kring landið, fer eitt føroyskt ferðalið at skoða staðið har Jesus bleiv føddur. Og meðan føroysk børn dansa um jólatræið og tríva í triðja versið í Føgur er foldin og syngja um eingilin, ið opinberaði seg fyri hirðunum á markini og kunngjørdi, at teimum var frels­ ari føddur, fer sama ferðalið at standa á einari mark uttanfyri Betlehem og sjálvi syngja før­ oysk­ar jólasangir. Tað er Svenning av Lofti, ið enn einaferð tekur túrin Ísraels á jólum, har hann fer at vísa 25 før­ oy­ingum runt í landinum. Hædd­ ar­punktið er jólaaftan, tá ferða­ liðið vitjar føðikirkjuna í Betle­hem, ið sigst at vera bygd á staðn­um har Jesus bleiv føddur, og mark­ irnar uttanfyri Betlehem, har eing­ilin bar hirðunum boð um frels­aran. - Eg var fyrstu ferð í Ísrael í 1973 við einum føroysku ferðaliði og í 1977 royndi eg meg á fyrsta sinni sum ferðaleiðari. Fyrstu ár­ ini skipaðu vit serliga fyri túrum á páskum. Síðan byrjaðu vit eis­ ini at fara til Leyvsalshátíðina í oktober, onkuntíð um summarið og so var næsta stig at bjóða túr­ ar á jólum. Tí tað eru ikki øll, ið tíma at vera í Føroyum á jólum. Tað hevur riggað væl og verður hetta fimti ferð, at eg vitji Ísrael á jól­um, greiðir Svenning av Lofti frá. Jólabýurin Tá man er í Ísrael á jólum, er tað nærum sjálvsagt, at man leggur leið­ina framvið Betlehem, ið kann sigast at vera upprunin til so nógv av tí, ið vit seta í samband við jólini. Sambært Svenningi av Lofti er Betlehem jólabýurin yvir allar í Ísrael. Hóast meirilutin í býnum er muslimskur, so verður nógv gjørt burturúr jólunum. - Eitt stórt jólatræ stendur í miðbýnum á torginum uttanfyri føði­kirkjuna. Tað verður vanliga nevnt krubbitorgið. Men tað er ikki bara træið, men eru vind­ eygu og bygningar á torginum pynt­aði í samband við jólini, sig­ ur Svenning av Lofti. Hóast Svenning av Lofti hev­ ur verið ferðaleiðari fyri føroysk ferða­lið óteljandi ferðir og hevur so­statt upplivað tað mesta, so metir hann, at tað altíð er ein ser­ lig løta, tá man nærkast Betle­ hem. - Eg merki tað á fólkunum, tá vit nærkast Betlehem. Tá vit koma inn í gøturnar vekir tað okk­urt í føroyingum. Man leggur merki til, at hetta er nakað, tey hava glett seg til. At kunna vitja har alt byrjaði. Tað er ein góð kensla at kunna vera saman við før­oy­ingum hendan dagin, sigur ferða­leiðarin. Syngja á markini Ferðaliðið byrjar dagin í føði­ kirkj­uni, áðrenn farið verður víð­ ari á ferðini jólaaftan. Og fyri ferða­leiðaran er tað serliga løtan seinni á degnum, ið er serlig. - Vit halda jólaaftan mitt í Betle­hem. Man kann ikki koma nærri jólaevangeliinum enn at sita har jólaaftan. Fyrst verður vitjað í føðikirkjuni og síðan verð­ur farið út á markirnar. Hjá mær er hæddarpunktið at kunna standa úti á markini og syngja, har man heldur at eingilin kunn­ gjørdi hirðunum boðini um frels­ ar­an, sigur Svenning av Lofti, ið upplýsir, at vanliga lesa tey eisini jólaevangeliið, tá tey eru á mark­ ini. Sjálvur jóladøgurðin verður eis­ini etin nærhendis markini í býn­um Beit Sahour, ið liggur beint uttanfyri Betlehem. - Vit hava funnið eina góða matstovu eitt sindur uttanfyri Betle­hem. Har kann man fáa eina góða lambasteik. Tað er góður matur og ótrúliga hugna­ ligt. So har sita vit jólaaftan. Júst hend­an dagin verða vit eitt sind­ ur fleiri, tí ein føroysk familja á fimm, ið eru í Ísrael tá, hava spurt um tey kunnu halda jóla­ aft­an við okkum. So vit vera 31 før­oyingar í Betlehem jólaaftan, sig­ur ferðaleiðarin. TEMA Vit halda jól - Eg merki tað á fólkunum, tá vit nærkast Betlehem. Tá vit koma inn í gøturnar vekir tað okkurt í føroyingum. Man leggur merki til, at hetta er nakað, tey hava glett seg til. At kunna vitja har alt byrjaði