hósdagur 13. desember 2018síða 17

FRÍGGJADAGUR 14. DESEMBER 2018 SOSIALURIN 145 17 Halda jól við sól og hita - Føroyar eru so lítlar og øll tosa sínámillum. Um onkur hevur havt eina góða uppliving, so vilja onnur royna tað, tí tey kanska hava hugsað tankan, men tordu ikki at loypa út í tað, sigur Sakaris Frederiksen, stjóri í Fonn Flog. HALLUR AV RANA HALLUR@SOSIALURIN.FO M eðan tey flestu leggja nógva orku í at fáa hugna, mat, gávur, bakstur, sang, spøl og alt hitt, ið hoyrir jólunum til, at ganga upp í eina hægri eind, eru tað alsamt fleiri, ið velja at taka ein stegð frá øllum og rýma av landinum á jólum. Atlantic Airways hevur sein­ astu árini flogið beinleiðis mill­ um Føroyar og Gran Canaria og sam­bært føroysku ferða­skriv­ stov­unum er stórur áhug fyri hes­um millum føroyingar. - Vit síggja beinanvegin ein stór­an áhuga, tá flogferðirnar til Gran Canaria koma út. Fyri summi handlar tað um at sleppa und­an jólaresinum, men tað eru eisini fleiri, ið ynskja at sleppa burt­ur frá myrku tíðini og fáa sól og summar í 14 dagar, sigur Berg­ ur Thomsen, stjóri í 62N. Eisini í Fonn Flog leggja tey merki til, tá Atlantic Airways let­ ur upp fyri bíleggingum til oynna utt­anfyri afrikansku vest­ur­ strond­ina. - Tað er tað best dámda og fyrst útselda ferðamálið um jól­ tíð­ir. Og um tað er útselt hjá Atl­ ant­ic Airways, eru tað fleiri, ið flúgva til Gran Canaria við mill­ um­lending í Keypmannahavn, sig­ur Sakaris Frederiksen, stjóri í Fonn Flog. Vindur upp á seg Báðir vísa á, at tað at ferðast á jól­um er eitt rák, ið byrjaði fyri nøkr­um árum síðan og sum hev­ ur bitið seg fast. Sakaris Fred­ erik­sen metir, at tað er prát mill­ um manna, ið ger at undirtøkan veksur. - Føroyar eru so lítlar og øll tosa sínámillum. Um onkur hev­ ur havt eina góða uppliving, so vilja onnur royna tað, tí tey kanska hava hugsað tankan, men hava ikki torað at lopið út í tað, sig­ur stjórin í Fonn Flog. Tað er kortini ikki bara Gran Canaria, ið fólk leita sær til á jól­ um. Nøkur velja nevniliga at fara eitt sindur longri burtur. - Vit hava selt nógvar cruise­ ferðir út frá Miami, har man sigl­ ir suður til Karibisku oyggjarnar. Ein kundi fortaldi mær herfyri, at tað er nakað heilt serstakt at sita á miðjari nátt á altanini á ein­um ferðamannaskipi. Tað er púra kvirt, meðan mánin og stjørn­urnar kaga niðuryvir teg mitt í Karibiska havinum, sigur Berg­ur Thomsen. Men hóast tey eru nøkur, ið velja sól og summar á jólum, so er tað ikki bara at siga tað at sleppa føroysku jólunum. - Næstan øll man tosar við siga, at tey høvdu ikki gjørt tað á hvørj­um ári. Tey hava havt eina góða uppliving og fara at end­ur­ taka hana, men ikki soleiðis, at man ferðast suðureftir hvørji jól, sigur Sakaris Frederiksen. Royna at líkjast einum heimi - Vit plaga at hava ræst kjøt 1. jóladag og fleskasteik 2. jóladag. Vit royna at hugna okkum saman sum í einum vanligum heimi. Man etur góðan mat og hevur kakur og karamellur á borðinum. Vit á Herberginum royna at líkjast einum heimi og ikki einum stovni, sigur Martin Kúrberg, leiðari í Herberginum. HALLUR AV RANA HALLUR@SOSIALURIN.FO - Eingin er føddur at liva í einum herbergi. So tað er ein serliga dám­ur yvir Herbergið í jóla­mán­ að­inum, tí øll hava upplivað eini onn­ur jól enn tey, ið eru á Herberginum. Men vit royna tað vit kunna fyri at gera tað hugna­ ligt og gott. Tað sigur Martin Kúrberg, leið­ari fyri Herbergið í Havn, tá vit spyrja hann hvussu jólini verða hildin í Herberginum. - Starvsfólkini eru ótrúliga dugna­lig at hugna um. Tá vit eru far­in um hálvan desember eru kara­mellur á borðinum hvønn dag. Tey sum búgva her dáma, at meira verður gjørt burturúr. Og so eru vit eisini so vælsignaði á Her­berg­inum við, at tey eru so nógv, ið hava okkum í huga. So vit fáa nógvar restir frá jóla­døg­ urð­um allan desember. Tað er fant­ast­iskt at uppliva, sigur Martin Kúrberg. Harumframt verður eisini pyntað til jólar á Herberginum. Búfólkið avgerð sjálvt, um pyntað verður inni hjá teimum, men í felagsrúminum er altíð eitt jóla­ træ, upplýsir leiðarin. Dunnu á matarlepanum Jólaaftan er siðvenja, at løg­mað­ ur og borgarstjórin í Tórshavnar kommunu koma inn á gólvið til eitt borðhald um morgunin. - Tá eta brúkarar, búfólk og starvsfólk saman. Smyrjibreyð, kaffi, talur og hugni er á skránni hesa løtuna. Tað at kunna sita sam­an við løgmanni, tá man býr á Herberginum, er ótrúliga gott. Tí hesa eina løtuna eru øll líka, sigur Martin Kúrberg. Á Herberginum er tað dunna, ið er jólamatur. Hon plagar at koma á borðið um seks tíðina um kvøldið, áðrenn ymiskt annað er á skránni. - Her er dunna, rísalamanga, karamellur og alt tað, ið har til hoyrir. Jólaevangeliið verður eis­ ini lisið hesa løtuna. Í ár verður tað serligt, tí ein persónur valdi at lata pengar frá sínum føð­ing­ ar­degi til at geva búfólkunum á Herberginum eina gávu á jólum. Tað er fantastiskt at uppliva, sig­ ur Martin Kúrberg, ið upplýsir at onk­untíð hava tey verið 25 fólk, ið hava hildið jól saman á Her­ berg­inum. Jólini verða eisini hátíð­ar­hild­ in næstu dagarnar, tá ymiskur góð­ur matur er á skránni. Martin Kúr­berg greiðir frá, at man ger tað man kann fyri at fáa Her­ bergið at líkjast einum heimi. - Vit plaga at hava ræst kjøt 1. jóla­dag og fleskasteik 2. jóladag. Vit royna at hugna okkum saman sum í einum vanligum heimi. Man etur góðan mat og hevur kak­ur og karamellur á borðinum. Vit á Herberginum royna at líkj­ ast einum heimi og ikki einum stovni. So alt tað, ið vit gera á jól­ um er slíkt, ið fólk kenna aðra­ staðni frá, sigur Martin Kúrberg.