hósdagur 20. desember 2018síða 13

FRÍGGJADAGUR 21. DESEMBER 2018 SOSIALURIN 148 13 PÆTUR HJALMAR EVENSSON F øroyski elektroniski s a n g ­f u g l u r i n , Hulda, hevur verið á forvitnisligari konsert­ ferð í Suður Amerika fyrstu tvær vikurnar í desember. Kon­ sert­ferðin var partur av nøkrum norður­lendskum døgum í Latín­a­merika, sum kallast Días Nórdicos Latin America. Fimm tón­leikanøvn úr ávikavist Før­ oyum, Grønlandi, Danmark, Finn­landi og Álandi luttóku í sam­bandi við hetta á einari lista­verkstovu í Buenos Aires í Argen­tina fyri at skapa nýggjan tón­leik í samstarvi við lokalar tón­leikarar. Hetta var fjórða tiltak av sín­um slag, sum ROSA - Dansk Rock Samråd skipar fyri. ROSA vendi sær til føroyska plátufelagið, Tutl, við tí fyri eyga at fáa viðmæli um ein før­oyskan tónleikara til ársins kon­sertferð. Kristian Blak, leiðari í Tutl, kom so við nøkrum upp­skotum, og av hesum uppskotunum bleiv Hulda vald út av fyriskiparunum í Suður Amerika. Fyri tveimum árum síðani var Teitur Lassen við á Días Nórdicos, so hetta er aðru ferð, at ein føroyingur er við. Borgarliga navnið hjá Huldu er Rannvá Helenudóttir, og hon hevði nakrar góðar og menn­ andi dagar í Latínamerika, har hon fekk nógv burturúr bæði tón­leikaliga, sosialt og mentan­ ar­liga. - Har hendi so nógv, og tað var rættiliga intenst við ferðing, verk­stovuni og konsertum. Nú aftaná mann er komin heim aftur, so byrjar mann ordiliga at hugsa afturá, hvussu feitt tað var, fortelur Rannvá Helenu­ dóttir, sum eisini er glað fyri at koma heim aftur eftir tvær hendingaríkar vikur, sum eisini vóru merktar av longsli eftir dóttir síni í Føroyum. Droyma um konsertferð í Skandinavia Hinir tónleikararnir á kon­sert­ ferðini vóru The Hearing úr Finn­landi, danski Peter Wangel, Bird­people úr Álandi og Da Bartali Crew úr Grønlandi. Tey tvey síðstnevndu nøvnini eru bólk­ar við ávikavist trimum og tveimum limum, so tey vóru átta fólk tilsamans. Hesi átta luttóku øll á kreativu verk­ stovuni í Buenos Aires, sum byrjaði 3. desember. Har vórðu tón­leik­ararnir settir saman við fimm lokalum argentinskum tón­leikarum við endamálinum at skapa spildurnýtt tilfar, sum skuldi framførast til eina uttan­ dura konsert í Buenos Aires 9. des­ember. Her varð Rannvá Helenudóttir sett saman við fjølbroyttu sangar­innuni Mariana Michi, og tær báðar funnu sera væl útav tí saman. Saman skrivaðu tær nýggjar funkuttar elektroniskar latínperlur, og Rannvá fortelur, at tær umhugsa at geva eitt stak­lag út saman. Umframt versktovuna og konsertirnar í Buenos Aires høvdu norðurlendsku tón­ leikar­arnir konsertir bæði í Monte­video í Uruguay, Lima í Peru og í Sao Paulo í Brasilien. Tón­leikararnir hava meira ella minni verið saman út í eitt í tvær vikur í fremmandum heims­ parti, og her spurdist eitt serligt samanhald burturúr. - Vit høvdu tað so hugnaligt saman og vóru sum ein lítil familja. Vit vóru øll átta samd um, at hatta ikki var síðstu ferð, vit sóust. Vit hava tosað um at gera eina norðurlendska kon­ sert­ferð, men fyri at tað skal gerast veruleiki, mugu vit fyrst søkja um stuðul til tað, fortelur Rann­vá Helenudóttir. Takksamir og festligir áskoðarar Rannvá Helenudóttir beit ser­ liga merki til eitt, og tað var, at fólkini í Latínamerika eru heilt øðrvísi enn í Føroyum, og hetta kom serliga til sjóndar til kon­ sertirnar. - Tey lokalu vóru øgiliga stuttlig og fitt, og fleiri av teim­ um kendu til Føroyar. Summir áskoðarar sungu enntá við til sangirnar hjá mær, so tað var nokkso løgið at standa í Brasilien, og fólk allíkavæl syngja við. Tey elskaðu, tá eg sang føroyskar sangir og róptu fleiri ferðir “meira føroyskt!”, greið­ir Rannvá flennandi frá og vísir víðari á, hvussu øðr­vísi hetta áskoðaraslagið er sam­an­ borið við tað føroyska. - Fólkaslagið er so ræðuliga takk­samt har, og áskoðarafjøldin er ikki líka so tung, sum hon er í Føroyum og Danmark. Tað var lætt at fáa tey við, og fólk dans­aðu og vóru bara allatíð við uppá tað. Aftaná konsertirnar vildu øll taka myndir og fáa auto­grafar í mun til í Føroyum, har so­vorðið ongantíð hendir, sigur hon. Fingið blóð upp á tonnina Tá vit hava sæð og hoyrt Huldu spæla í Føroyum, hevur hon altíð havt sín trúfasta makkara við sær - Sakaris Emil Joensen. Hann plagar at syrgja fyri tí instrumentala og elektroniska til konsertirnar. Men av øko­ nom­iskum orsøkum hjá fyri­ reikar­unum bar ikki til at fáa hann við til Suður Amerika, so Rannvá stóð við einari stórari av­bjóðing – hon mátti læra seg alt tað, Sakaris plagdi at gera. - Eg havi havt úr at gera við at læra meg øll hesi elektronisku tól­ini. Tað var ein stór avbjóðing, men tað var feitt at prøva tað av, tí tað eydnaðist væl. Nú havi eg fríari teymar og kann nógv meir sum solistur, og tað hevur veru­ liga givið mær blóð upp á tonn­ ina til at blíva við. - Nú skal eg í gongd Rannvá Helenudóttir fortelur, at Hulda hevur ligið í dvalu í eina tíð, og tað er yvir eitt ár, hon seinast spældi eina almenna kon­sert í Føroyum. - Kanska Hulda ikki fellir so lætt hjá føroyingum, men riggar bet­ur uttanlands. Tað er nokkso stutt­ligt og áhugavert, at tað eru fleiri kring heimin, sum vilja hava fatur á Huldu, enn tað er í Før­oyum. Sjálvt um tað er super, so vóni eg enn at koma at spæla meira í Føroyum, sigur Rannvá Helenu­dóttir, sum hevur fingið fyri­spurningar bæði úr Englandi og Russlandi. Hon er komin heim til Føroya aftur full av íblástri og áræði til at framleiða nýggjan tónleik. - Días Nórdicos var eitt upp­ livilsi fyri lívið, og tað er deiligt at hava fingið eitt spark i reyvina. Eg havi nógv hugskot til nýggj løg, so nú skal eg bara í gongd – og eg gleði meg nakað so nógv. PATURE@SOSIALURIN.FO HULDA á konsertferð í Suður Amerika: - EG HAVI FINGIÐ BLÓÐ UPP Á TONNINA - Kanska Hulda ikki fellir so lætt hjá føroyingum, men riggar betur uttanlands, sigur Rannvá Helenudóttir, sum júst hevur verið á konsertferð í Suður Amerika saman við norðurlendskum tónleikarum Tey fimm tónleikanøvnini til Días Nórdicos vóru danski Peter Wangel, grønlendsku Da Bartali Crew, Birdpeople úr Álandi, The Hearing úr Finnlandi og føroyska Hulda MYND: HENRIK FRIIS - ROSA Rannvá Helenudóttir er kvinnan handan Huldu MYND: MIRIAM & JANUS PHOTOGRAPHY