hósdagur 20. desember 2018síða 16

FRÍGGJADAGUR 21. DESEMBER 2018 SOSIALURIN 148 16 PÆTUR HJALMAR EVENSSON S íðan 1993 hevur KFUK í Havn skipað fyri jólahaldi fyri fólki, ið ikki hava nakað stað at fara jólaaftan, og sum vilja halda hetta kvøldið saman við øðrum. Tað vóru Jona Henriksen og Jóhannes Álvheygg, sum byrjaðu hesa siðvenjuna, og annars hava hjúnini Sonja Klein og Holger Arnbjerg staðið fyri jólahaldinum í 17 ár. Louisa Niclasen Hansen hevur verið virkin í KFUK síðan mitt í 70’unum, og í 2009 tóku hon og maður hennara, Eisenberg Hansen, við uppgávuni at skipa fyri jólahaldinum í KFUK. Í ár verður 25. ferð, at KFUK bjóðar einligum inn til hugnaligt jólahald jólaaftan. Á skránni verður sum vant hugni, prát, sangur og góður matur. Harumframt syrgja fyrireikararnir fyri, at hvør gestur fær eina jólagávu í part, og møguleikin at dansa jólatræ verður eisini til staðar, um stemningur skuldi verið fyri tí. Sum siðvenja er, kemur løgmaður eisini á gólvið at ynskja jólagestunum eini gleðilig jól. Fólk hjálpa fegin til Seinastu vikuna hava hjúnini Louisa Niclasen Hansen og Eisenberg Hansen brúkt nógva tíð í KFUK húsinum, har tey hava stillað jólatræ upp, pyntað og gjørt annað praktiskt fyrireikingararbeiði. Umframt hetta heldur Louisa skil á eitt nú bestillingum og tilmeldingum frá gestum. Alt hetta tilsamans krevur tíð og orku, og tí er gott við einari hjálpandi hond frá øðrum. - Tað er næstan hvørt ár, at onkur bjóðar seg fram at hjálpa til. Onkuntíð hava vit fingið hjálp frá fólki, vit kenna, men tað eru eisini ofta fólk, sum vit ikki kenna. Ein kvinna hevur t.d. sett seg í samband við okkum um at hjálpa til í ár. Tað er deiligt og gevandi, at fólk hava hug til tað, sigur Louisa Niclasen Hansen. KFUK plagar at fáa fíggjar­ ligan stuðul frá føroyskum fyri­tøkum, so til ber at keypa inn alt tað, sum skal brúkast til árliga jólahaldið. Í ár hava tey ikki spurt nakran um stuðul, men hava enn ein part av upphæddini, sum Betri Banki lat teimum í fjør, eftir at brúka. Annars er tað KFUK, sum betalir, og harumframt plaga fyritøkur at lata okkurt til høvið. - Vit fáa karamellur, frukt, dadlur, smákøkur, djús o.a. frá Poul Hansen. Onkuntið hava vit fingið sodavatn frá Føroya Bjór, og onkuntíð er onkur komin við bókum. Mýrifípan plagar eisini at koma við sokkum, sum eru pakkaðir sum gávur, greiðir Louisa Niclasen Hansen frá. Allir partar eru glaðir Hjúnini skipa við gleði fyri hesum jólahaldinum, og tey føla ikki, tey missa nakað við at brúka sín jólaaftan uppá hendan mátan – tvørturímóti. - Vit eru tilkomin fólk og dáma væl at halda jól soleiðis. Fólk eru glað fyri tað, og tí eru vit eisini glað fyri tað. Tey seta prís uppá, at vit eru her, so tað er deiligt, sigur Louisa Niclasen Hansen. Hon fær eisini nógvar positivar afturmeldingar frá øðrum um hjartagóða initiativið. - Øll, sum eg snakki við, eru glað fyri hetta tiltakið og halda, tað er fantastiskt, at onkur ger hetta, sigur Louise Niclasen Hansen. 14 fólk hava meldað seg til inntil víðari (red. 19. desember), og Louisa Niclasen Hansen Jól fyri einlig: - Fólk seta prís uppá, at vit eru her, so tað er deiligt, sigur Louisa Niclasen Hansen, sum saman við manni sínum stendur fyri jólahaldinum í KFUK, sum í ár verður hildið 25. ferð á rað HURÐIN Í KFUK ER OPIN JÓLAAFTAN