hósdagur 27. desember 2018síða 30

Fríggjadagur 28. desember 2018 20 Sosialurin Brot og bitar úr árinum, ið fór Regin er tann sterkasti Sosialurin ger lista yvir 25 tey mest máttmiklu fólkini í Føroyum. Ovastur er stjórin í Bakkafrost, Regin Jacobsen. Síðani eru Ben Arabo, Árni Ellefsen, Jákup Jacobsen, Hanus Hansen, Niels Mortensen, Malan Johansen, Atli Gregersen, Kristian Martin Rasmussen og Christian Andreasen á top 10 listanum. Ben Arabo frákoyrdur sum stjóri í P/F Betri Klandur er í ovastu nevndini í Betri samtakinum. Eitt lítið ár eftir at hann tók við stjórastavinum, er Ben Arabo koyrdur úr starvi sum forstjóri í Betri P/F. Orsøkin til uppsøgnina er samstarvstrupulleikar. Samstundis hevur næstformaðurin í nevndini, Teitur Poulsen, valt at taka seg úr nevndini. Orsøkin til hetta er ósemjan um at koyra stjóran. Gunn Danielsen er sett sum næstforkvinna í nevndini. Evy J. Jacobsen, vinnukundaleiðari í Betri Banka, er sett sum fyribils forstjóri. September: Umdømið hjá bygd míni er oyðilagt - Allastaðni, har man kemur í Føroyum, fær man at hoyra um hetta, sigur Essa Petersen, sum er troyttur av, at fólk síggja Hvannasund og Norðdepil sum ein miðdepil fyri hassj í Føroyum. Norðdepil og Hvannasund hava altíð verið friðarligar bygdir, sum báðar liggja yvir av hvørjum øðrum umgyrdar av fjøllum og sjógvi í Norðoyggjum. Men seinastu ár­ini hevur idylliska myndin av bygd­ un­um broytt seg til eina mynd av tveimum bygdum, har hassj og kriminalitetur liva í besta blóma. Hetta verða fólk í bygdunum mint á, hvørja ferð, tey fortelja, hvaðani tey eru, og tað hevur fyri summi verið á eggjuni til skammiligt at við­ganga, at man er haðani. 70 ára gamli Essa Petersen hev­ ur búð á Norðdepli alt sítt lív, og hann er troyttur av hesari skeivu mynd­ini, sum er blivin málað av hans­ara heimbygd seinastu árini. - Eg orki ikki at hoyra upp á hand­an fordómin longur. Øll í Hvanna­sunds kommunu eru troytt av hasum. Tað er alt annað enn upp­byggj­andi, at hetta skal vera tað, man hugsar um, tá man tosar um hesar báðar bygdirnar, sigur Essa Petersen. Hava havt trupulleikar fyrr Men ringa orðið hjá bygdunum báð­um kemur ikki av ongum. Í 2010 varnaðist Hvannasunds komm­una, sum eisini fevnir um Norð­depil, at nakrir ungdómar í komm­un­ uni høvdu trupulleikar við hassji. Hendan trupulleikan vildi komm­ un­an gera ein enda á, og tí gjørdu tey eitt átak fyri at útrudda tað hassjið, sum var í bygdini. Við góðari hjálp frá Bláa Krossi eydnaðist tað, og í dag er hesin trupulleikin ikki til meira, sambært Essa Petersen, sum var ein av samskiparunum av átak­inum. - Tað var einki alvorligt við hassj­ inum har norðuri. Har vóru nøkur ung, ið høvdu nakrar trupulleikar eitt tíðarskeið, og tað fingu vit sum kommuna eisini steðgað, sigur hann. Sleppa ikki av við ringa orðið Í Norðdepli og Hvannasundi sleppa tey ikki av við ringa hassj-orðið aftur, og óansæð, hvar Essa Pet­ er­sen fer, so skal hann hoyra fyri hesum. - Allastaðni, har mann kemur í Føroyum, fær mann at hoyra um hetta. Sigur mann, at mann kemur úr Norðdepli ella Hvannasundi, so fær mann næstan altíð somu reak­ tión: “Åh, tað er har sum reiðrið hjá hassj­inum er, ha?”, vísir Essa Peter­ sen á. Soleiðis hevur tað verið í fleiri ár, og tað sær ikki út til at broyta seg. - Vit sleppa ikki burturúr hesum aftur. Hatta er ein óbótaligur skaði, eg havi ikki orð fyri tí, sigur norð­ depilsmaðurin. Mann er góður við sína bygd 70 ára gamli Essa Petersen hevur búð í Norðdepli alt sítt lív, inntil hann fyri fimm árum síðani flutti til Havnar. Hendan generaliseringin samsvarar ikki við veruleikan, og hann hevur bara gott at bera bygd­ ini og bygdarfólkinum. - Tað var í Norðdepli, eg vaks upp til mann, og har var uppá allar mátar gott at vaksa upp. Mann blívur jú góður við sína bygd eftir nógv ár har, og mann elskar tey fólk­ini, sum búgva í bygdini. Eg veit, hvørji fólk eru har, og veit, hvønn karakter tey fólkini hava, sig­ur Essa Petersen. Hendan keðiliga ímyndin er nakað nýtt, sum íbúgvarnir einki merktu til fyrr, fortelur hann. - Hasin trupulleikin hevur ong­ an­tíð verið fyrr. Vit hava altíð kunnað verið ímillum øll fólk, uttan at skulað hoyrt uppá hesar keðiligu leysa­søgurnar næstan dagliga. Átti at verið ein fyrimynd Essa Petersen meinar ikki, at tað er ein falliterklering, at ein kommuna velur at taka kreftir uttanífrá inn fyri at basa einum trupulleika við rúsevnum. Tvørturímóti átti tað at verið eitt fyridømi hjá øðrum Teldu­sníkar hava stolið øll loyniorð hjá nic.fo Heimasíðan hjá nic.fo var álopin av teldusníkum. Nic.fo er stovnurin, sum varðar av øllum føroyskum økisnøvnum, .fo-domenum. Tekniska kanningardeildin hjá løgregluni kannar málið, og hóast álopið varð steðgað, so verður sagt, at sníkarnir hava fingið fatur á teldupostadressum og loyniorðum hjá øllum brúkarum á nic.fo. Upplýsingar um gjaldskort og líknandi eru ikki rakt av álopinum. Seldu Mikines fyri 325.000 krónur Málningar hjá Mikines eru høgt í metum. Fýra málningar hjá føroyska listamanninum Sámal Joensen-Mikines vórðu seldir á uppboðssølu hjá uppboðssøluhúsinum Bruun Rasmussen í Danmark. Allir fýra málningarnir vóru av grindadrápi, og teir vóru málaðir millum 1942 og 1958. Tann dýrasti fóru fyri 130.000 krónur. Tað var ein stórur oljumálningur við mátinum 111X151 sentimetrar. Hinir tríggir fóru fyri 75.000, 65.000 og 55.000 krónur. Fimta hvørt hús í Føroyum stendur tómt Heili 18 prosent av øllum sethúsum í Føroyum standa tóm. Tað vísir ein kanning, sum Kommunufelagið hevur latið gjørt. Hetta eru sethús, sum eingin býr í yvirhøvur, tað kunnu vera sethús, sum verða brúkt til summarhús, ella sum verða leigað út til ferðafólk. Ella tað kunnu vera hús, sum rætt og slætt ikki verða brúkt til nakað sum helst. Kanningin vísir, at í summum bygdum er tað næstan annað hvørt hús, sum stendur tómt, men aðrastaðni eru tað færri. SEP 2018 - Tað snýr seg um miðling. At miðla góðar søgur. Tað kann man so sanniliga gera í Havn. Vit mugu spyrja, hvat vit hava at bjóða fólki. Hvørjar eru tær perlurnar, ið høvuðsstaðurin hevur at bjóða ferðafólkum og føroyingum. Sjálvt um hetta er ein nýggj leið, eg nú fari við hesum starvinum, so er júst miðlan av teimum góðu søgunum mín bakgrund. Barbara Samuelsen, stjóri í Visit Tórshavn - Tað er tann størsti trupuleikin beint nú: at fólk ikki hava tak yvir høvdið. Also at familjur simpelthen gerast heimleysar. Tær standa úti á gøtuni. Fyrr var tað mest í Havnini, men nú er trupulleikin at síggja um alt landið. Nicolina Højgaard, Felagið Føroyskir Sjúkrarøktarfrøðingar