leygardagur 27. november 2004síða 14

26 Nr. 228 - 27. november 2004 Nr. 228 - 27. november 2004 27 - Sum er, gongur tað eftir reyv við einari miljón fyri hvønn túrin. Hetta svarar til einar 5 miljónir krónur í halli um árið. Hesar 5 miljón- irnar, sum Sólborg hevur í halli, rindar Krúnborg av sínum yvirskoti - niður í eitt stórt hol, sigur Petur H. Jacobsen, reiðari RÆKJUVINNAN Vilmund Jacobsen vilmund@sosialurin.fo Støðan hjá rækjuflotanum, sum einaferð var okkara "gullnám" í fiskivinnuhøpi, er óbroytt og líka so trupul, sum hon hevur verið sein- astu árini. Tí kom tað dátt við hjá rækjumonnum, tá ið tað frættist, at ætlaða skattaafturberingin uppá 28% í fyrstu syfti verður av ongum. Petur H. Jacobsen, reiðari á rækjutrolaranum, Sól- borg, sigur, at ætlaða aft- urberingin hevði merkt einar 2 miljónir fyri hvørt rækjuskipið um árið. – Vit hava bíðað eftir hesi skipan í fleiri mánaðir, og nú hon eftir øllum at døma verður av ongum, kenna vit okkum rættiliga hildnar fyri gjøldur av okkara myndug- leikum, sigur hann og heldur fyri, at grundgev- ingarnar fyri ikki at seta hesa skipan í verk ljóðaðu undarligar í hansara oyrum. Rækjukvotur Petur sigur, at tað, sum rækjumenn í fyrsta lagi vilja, er ikki at fáa pening úr landskassanum. – Vit kundu heldur hugs- að okkum, at føroysku myndugleikarnir útvegaðu okkum góðar rækjukvotur, eitt nú á Grand Bank og í Eysturgrønlandi, har skít- fult av rækjum eru í báðum førum. Reiðarin hevur tó ringar vónir um, at føroysku myndugleikarnir fara at megna at útvega rækjuskip- unum betri veiðirættindi, sum geva meira pening, tí sum hann tekur til, at teir tora nóg illa at skriva út eitt gágguloyvi! Hann sigur, at í ár eydn- aðist tó okkara myndug- leikum at fáa 174 tons í part fyri hvørt skipið á Grand Bank. – Her vóru so nógvar rækjur at fáa, at vit fiskaðu kvotuna upp á tríggjar dagar, harav vit tann fyrsta dagin fingu 42 tons. Tað er munur á at fáa so stórar nøgdir og so tey umleið seks tonsini, sum vit fáa um dagin á Flemmish Kap, sigur reiðarin. Stórt hall Petur sigur, at hvør túrur hjá einum rækjubáti sum Sólborg gevur í miðal eitt hall upp á 1 miljón krónur. – Vit gera einar fimm túrar um árið, og tí er raksturin eisini einar 5 miljónir krónur eftir reyv um árið. Hallið verður rindað av yvirskotinum hjá Krúnborg, og vit kenna tað, sum um hesar miljónirnar fara niður í eitt stórt hol. Hann sigur, at tað í longdini hevði verið bílig- ari at lagt rækjuskipið. – Men ert tú í vinnuni, vónar tú alla tíðina, at gongdin fer at venda, og haraftrat kemur, at lítil marknaður er fyri rækju- skipini, um vit vildu selt tey. Petur sigur, at tað hevði verið ógvuliga munagott, um hvør bátur fekk eini 500 tons í Eysturgrønlandi, har vit annars hava 115 tons fyri hvønn bátin. – Rækjurnar í Eystur- grønlandi kunnu seljast fyri einar 45 krónur í miðal fyri kilo. So, hetta hevði virku- liga gjørt góðan mun í rakstrinum. Hann vísir á, at summi ár hava føroysk reiðaríir keypt rækjukvotur frá grøn- lendskum reiðaríum, men hetta góðtekur grønlendska heimastýrið ikki longur. – Heimastýrið sigur við grønlendsku reiðaríini, at tey fáa ikki meira rækjur, um tey longu hava so stórar kvotur, at tey kunnu selja burtur av. So, hetta ber ikki til longur, sigur Petur. Ikki bara grenj – Um onkur heldur, at vit rækjumenn bara grenja, so er tað ikki rætt. Reiðarin sigur, at nú meðan Sólborg hevur ligið á Skála, har skipið hevur fingið nýggja gron, hava teir roynt at gera ymiskt við verksmiðjuna, soleiðis at hon verður meira effektiv og rentabul. – Vit royna at gera tað, vit kunnu, men tað gongur ikki kortini, sigur reiðarin, Petur H. Jacobsen Sólborg hevur ligið á Skála í tveir mánaðir, með- an teir hava skift gron. Herfyri fóru teir aftur nýggjan túr – og enn eina- ferð bar leiðin yvir á Flemmish Kap. Gevið rækjuflotanum betri kvotur - Í longdini hevði tað verið bíligari at lagt rækjuskipið, tí raksturin er 5 miljónir krónur eftir reyv um árið, sigur Petur H. Jacobsen, reiðari Fjølbroyttur veitari til vinnuna . Spøl . Kranar . Hydraulikklutir . Filtur . Aliútgerð . Katamaranar KJ er ein fjølbroytt fyritøka, sum veitir útgerð, eykalutir og tænastur til fiskivinnuna, alivinnuna, flutningsvinnuna og entreprenørvinnuna. Í okkara úrvali av útgerð finnast m.a. trolspøl, kranaspøl, marinekranar, lastbilakranar og gravmaskinur. Í okkara stóru eykalutagoymslu hava vit hydraulikkfittings, slangur, rør, pumpur, motorar, ventilar, koplingar, tetningsringar o.m.a. Postsmoga 110 Kambsdalur FO-530 Fuglafjørður Tel +298 444 170 . Fax +298 444 265 info@kj.fo . www.kj.fo C M Y K 27 26 Fjølbroyttur veitari til vinnuna . Spøl . Kranar . Hydraulikklutir . Filtur . Aliútgerð . Katamaranar KJ er ein fjølbroytt fyritøka, sum veitir útgerð, eykalutir og tænastur til fiskivinnuna, alivinnuna, flutningsvinnuna og entreprenørvinnuna. Í okkara úrvali av útgerð finnast m.a. trolspøl, kranaspøl, marinekranar, lastbilakranar og gravmaskinur. Í okkara stóru eykalutagoymslu hava vit hydraulikkfittings, slangur, rør, pumpur, motorar, ventilar, koplingar, tetningsringar o.m.a. Postsmoga 110 Kambsdalur FO-530 Fuglafjørður Tel +298 444 170 . Fax +298 444 265 info@kj.fo . www.kj.fo