hósdagur 3. januar 2019síða 13

FRÍGGJADAGUR 4. JANUAR 2019 SOSIALURIN 1 13 og roksa um Suðuroynna, men at búgva har, tað kunnu tit ikki”. - Tá tað kemur til at búseta seg á oynni, haldi eg, suðuroyingar meira hava orðini í munninum enn handlingina í sinninum. Tað er, sum um mann sigur: “báturin søkk­ur, men vit fara ikki at gera nakað fyri at halda honum flót­ andi”, sigur Finn Johannesen. Guðmundur flutti suður at leiða háskúlan Á sumri 2016 sá ein nýggjur ítrótta­háskúli dagsins ljós í Vági, sum má sigast at hava verið ein sólskinssøga. Ung fólk úr øll­um Føroyum hava roynt seg á skúl­an­ um, og síðan summarið 2017 hevur bíðilistin verið langur. Tá nýggi háskúlin varð settur á stovn, varð søkt eftir einum leiðara til skúlan. Hetta starvið ljóðaði spennandi fyri havnarmannin og íðkaran, Guðmund Joensen, sum annars einki samband hevði við Suðuroynna tá. Hann fekk starvið, og við skúlaársbyrjan flutti hann til Vágs. Tað fyrsta árið pendlaði hann millum Vág og Havnina, tí konan og børnini enn búðu í Havn, men á sumri í 2017 flutti familjan eisini suður, og tey stórtrívast har í dag. Fólk trúðu ikki uppá skúlan Sjálvur hevði Guðmundur Joen­ sen ongar beinleiðis stúranir ella fordómar um at flyta suður, men hann minnist, at onnur fólk norð­ an fyri fjørðin ikki trúðu uppá visión­ina um ein nýggjan ítrótta­ há­skúla í Suðuroynni. - Sera nógv fólk úr Havnini søgdu við meg, at eingin fór at tíma at koma suður fyri at ganga í skúla. Men hesar fordómarnar havi eg gott nokk fingið avsann­ að­ar, sigur hann. Gamlir næmingar vitja Eftirspurningurin eftir at sleppa at ganga á Ítróttaháskúlanum í Suðuroy er nevniliga ógvuliga stór­ur – bæði millum føroyingar og útlendingar. Guðmundur Joen­ sen upplivir, at næmingarnir sum heild eru sera væl nøgdir við uppi­ haldið á háskúlanum. - Eg møti javnan gomlum næm­ ing­um í dag, sum enn ferðast suð­ ur, tí teir hava fingið so góðar upp­ livingar og góð sambond á oynni. Har eru enntá næmingar, sum eru fluttir til Vágs aftaná at hava gingið á Ítróttaháskúlanum, for­ tel­ur hann. Eingin orsøk at fylgja við streyminum Finn Johannesen heldur ikki, at mann skal lata seg ávirka av rák­inum og avbjóðingunum við demo­grafiini, fólkafráflyting og arbeiðs­loysi. - Mann má gera tað, mann hev­ ur hug til at gera. Tað gevur onga meining at flyta til Havnar, bara tí øll hini flyta til Havnar, sigur klaks­víkingurin. Finn Johannesen undirheldur runt alt landið sum klovnurin Bubu, og hann lesur á Fróð­skap­ ar­setrinum í Havn. Hann kennir seg ikki avmarkaðan við sínari adressu í Suðuroynni, tí túrurin norð­ur við Smyrli tekur bara tveir tímar. - Hóast eg búgvi í Vági, rokni eg við, at eg brúki hentleikarnar í miðbýnum í Havn meira, enn ein havnarmaður brúkar teir. Tað er bara at seta seg umborð á Smyril og koyra har, mann skal. Eg kann brúka hentleikarnar í mið­staðarøkinum, áðrenn eg fari á Setrið, í pausuni ella áðrenn eg fari suður aftur, vísir Finn Jo­ hanne­sen á. Vón er fyri framman Guðmundur Joensen og Finn Jo­ hannesen eru báðir tveir bjart­ skygd­ir og vónríkir um framtíðina hjá Suðuroynni. - Tað er heilt givið, at um sam­fel­ agið hevur tað nøkunlunda, sum tað hevur nú, so kann mann byrja uppá suðuroyartunnilin innan fá ár. Ein undirsjóvartunnil kann gera alt so nógv lættari. Tá kann mann búgva her, arbeiða í Havn og fara til ítrótt o.a. allastaðni í landinum, sigur Finn Johannesen. Guðmundur Joensen vísir á posit­ivu gongdina við nýggju verk­ætlanunum í Vági sum Ítrótta­háskúlanum, Páls Høll og Marg­høll. Hann heldur, at har er eitt grundleggjandi ting, sum kann gera, at menningin í Vági kann nørast víðari. - Nú stendur ein ferðavinna og trippar á gáttini til at kunna eks­ plod­era í Vági. Tað fer hon at gera í ein vissan mun, men bústað­ar­ møgu­leikar til ferðafólk eru ein fyri­treyt, sum manglar, fyri at tað skal kunna blíva til eina ítøkiliga vinnu. - Tað hevur stóran týdning, at vit øll hála hesa línuna í felag, líka sum mann hevur gjørt seinastu árini. Mann má trúgva uppá tað, sum mann hevur sett í sving, og positiva avleiðingin hevur víst seg, og hon skal nokk eisini vísa seg í framtíðini. So fer Vágsbygd at blóma enn meira, sigur leiðarin á Ítróttarháskúlanum í Suðuroy, Guðmundur Joensen. Guðmundur Joensen flutti til Vágs í 2016, tá hann tók við starvinum sum leiðari á Ítróttaháskúlanum í Suðuroy