hósdagur 3. januar 2019síða 16

FRÍGGJADAGUR 4. JANUAR 2019 SOSIALURIN 1 16 - Fólk halda okkum vera ørar - Tað ger nakað serligt við ein at vera umgirdur av bergtakandi náttúruni í Suðuroy, og vágbingar eru ómetaliga blíðir, hjálpsamir og innbjóðandi, sigur 21 ára gamla Guðrið Patursson úr Havn. Saman við tveimum vinkonum flutti hon til Vágs í august 2018 eftir at hava gingið á várskeiðnum á Ítróttaháskúlanum í Suðuroy PÆTUR HJALMAR EVENSSON PATURE@SOSIALURIN.FO S íðsta vetur gjørdi unga havnarkvinnan, Guðrið Pat­ursson, av at taka eitt hálvt ár á Ítrótta­há­skúl­ an­um í Vági. Hon visti ikki heilt, hvat bíðaði henni í Vági, men ugg­aði seg sjálva við, at hon altíð kundi koma heim til Havnar aftur uppá góðar tveir tímar. Men hetta hálva árið vísti seg at blíva nakað, sum broytti lív henn­ ara og lat nýggjar hurðar upp. Á Ítróttaháskúlanum í Suðuroy kom hon tættari at føroysku nátt­úruni, royndi sínar veingir og skapti sterk vinaløg. Nakað serligt spurd­ ist burturúr vinalagnum við tvær aðr­ar ungar havnarkvinnur - Rutt Agn­arsdóttir og Elsu Jacobsen. Tær tríggjar høvdu so góðar upp­livingar frá háskúlanum og Suð­uroynni sum heild, at tær í summ­ar gjørdu av at flyta til Vágs. Guðrið og Rutt fóru fyri at arbeiða, meðan Elsa valdi at taka sítt triðja ár í miðnámi á Miðnámsskúlanum í Suðuroy. 21 ára gamla Guðrið Patursson fortelur, hvussu væl tað varð tikið ímóti teimum trimum, tá tær júst vóru fluttar suður. - Tá mann er uppvaksin í Havn, er tað onkursvegna okkurt frið­ sælt við at koma út á eina bygd á einari aðrari oyggj. Har er nakað heilt serliga hitandi við Vágs bygd, og vágbingar eru ómetaliga blíðir, hjálpsamir og innbjóðandi, sigur hon. Bergtikin av náttúruni Guðrið Patursson er í dag ser­ liga hugtikin av náttúruni í Suð­ ur­oynni, sum hon lýsir sum stórslidna og bergtakandi. Ítrótta­ há­skúlin lærdi hana at virðismeta og gagnnýta føroysku náttúruna uppá ein heilt serligan máta. - Vit brúktu meginpartin av tíð­ini úti í náttúruni, og uppá tann mátan hevur mann lært sítt land nógv betur at kenna. Vit hava klintrað í bjørgunum, runnið niðan á Eggjarnar, sigið, verið túrar við báti, og hvat veit eg. Av sovorðnum upplivingum fær mann eitt heilt serligt tilknýti til sítt heim og føroysku náttúruna, greið­ir hon frá. - Tað ger nakað serligt við ein at vera umgirdur av bergtakandi nátt­úruni í Suðri, og haraftrat vera ein siglitúr uppá tveir tímar burt­ur frá øllum øðrum. Frískt at flyta suður At tríggjar ungar havnarkvinnur flyta til Suðuroyar má sigast at vera ímóti rákinum, og Guðrið Pat­ursson má eisini flenna, tá hon hugs­ar um reaktiónirnar, tær fáa frá fólki, tá tær siga, at tær eru flutt­ar til Vágs. - Tann vanligasta reaktiónin er, at fólk bara flenna og halda okk­um vera ørar í høvdinum. Onk­ur heldur enntá, at tað er tvætl. Annars eru fólk sum heild stuðlandi og halda, at tað er frískt av okkum. Tað er eisini spenn­ andi hjá vinum og familju at hava møguleikan at koma suður og vitja okkum, fortelur Guðrið Pat­urs­son. - Hóast fólk halda tað vera ørt av trimum ungum havnadamum at flyta suður, so eru vit nakrar av fleiri, sigur hon og vísir á, at ein annar fyrrverandi næmingur á Ítróttaháskúlanum hevur keypt sær hús í Vági. Við opinleika koma møguleikar Tær tríggjar trívast væl í Vági, og tær keða seg ikki, tí tær duga at halda seg framat. Bæði tá tað viðvíkir vinfólki, arbeiði og at geva eina hjálpandi hond í eitt nú Marghøllini ella Ítrótta­há­skúl­an­ um. Guðrið Patursson ivast ikki í, at vón er fyri Suðuroynni, og nú royn­ir hon bara at njóta ta enn óspiltu náttúruna í oynni, sum hon tekur til. - Suðuroyggin hevur ivaleyst at bjóða uppá. Har er altíð okkurt arbeiði, og um mann er opin, so eru nógvir møguleikar á oynni. Eg vænti og vóni, at har fer at henda nógv í Suðuroynni í framtíðini, sigur Guðrið Patursson. Suðuroy TEMA Tríggjar vinkonur úr Havn fluttar til Vágs: 21 ára gamla Guðrið Patursson er serliga drigin at náttúruni í Suðuroynni Tær tríggjar vinkonurnar Elsa Jacobsen, Rutt Agnarsdóttir og Guðrið Patursson úr Havn eru fyri fyrstu ferð fluttar heimanífrá – til Vágs