hósdagur 3. januar 2019síða 17

FRÍGGJADAGUR 4. JANUAR 2019 SOSIALURIN 1 17 - Ferðavinnan í Suðuroy hevur eitt kempi potentiali, tí har er so nógv, sum mann kann seta í gongd, sigur Theresa Thuridardóttir Kreutzmann, sum við ráðgevingarfyritøkuni, CommIT, arbeiðir við at menna ferðavinnuna í Suðuroynni PÆTUR HJALMAR EVENSSON PATURE@SOSIALURIN.FO T heresa Turidardóttir Kreutz­mann vil ikki fok­usera uppá fólka­frá­ flyt­ingina og stagn­er­ andi gongdina í Suðuroynni. Hon heldur, tað hevur stóran týdn­ing ikki at tosa negativt um Suð­ur­ oynna, og hetta kunnu vit læra frá átak­inum Vit velja Føroyar á sinni. - Í 00’unum tosaði mann um Før­oyar sum eitt stað, sum tey ungu valdu frá og ikki komu heim aftur til. Mann tosaði støðuna í Føroyum niður eftir. Men nú er tað blivið so hipt at flyta heimaftur, og tað er tí, mann er byrjaður at tosa meira positivt um tað at búgva í Føroyum, sigur hon. - Tað haldi eg eisini er sera týdningarmikið fyri Suðuroynna – vit mugu ansa eftir ikki at tosa Suðuroynna niður. Tað hevur týdning, at mann tosar upp um sítt øki, sjálvt um mann væl skil­ ir, at tað er fólkafráflyting o.s.fr. Mann átti at verið meira tilvitaður um heldur at tosa tað upp, so mann ger tað áhuga­vert fyri føroyingar at flyta til Suð­ur­oynna. Menna ferðavinnuna Síðan í summar hevur Theresa Thuridardóttir Kreutzmann ar­ beitt saman við Ingibjørg Berg við at menna ferðavinnuna í Suðuroy. Hetta byrjaði sum ein verkætlan fyri Tvøroyrar kommunu, sum so bleiv til eina verkætlan fyri alla oynna. Tær báðar hava ráð­gev­ ing­arfyritøkuna, CommIT. Theresa Kreutzmann er ættað úr Vági og av Tvøroyri, og hon sær fleiri ting, sum gera Suðuroynna áhugaverda í ferðavinnuhøpi. - Suðuroyggin liggur fyri tað fyrsta fjarskotin í mun til hinar oyggj­arnar. Tað, at mann skal sigla har til, ger hana spennandi og heilt serstaka fyri ferðafólk, sig­ur hon. Hon vísir víðari á, at Suð­ur­ oygg­in í sær sjálvum er áhugaverd, tí allar kommunurnar hava hvør sítt sereyðkenni. - Allar bygdirnar frá Sandvík til Sumba hava okkurt ymiskt at bjóða uppá. Higartil hava ov fá organiserað tilboð verið til ferða­ fólk, og mann kann tí arbeiða við yms­um verkætlanum í hesum ymsu økjunum. Suðuroyggin uppløgd til gongutúrar Sum ferðandi í Suðuroy eru fleiri støð, mann kann vitja; eitt nú kolaminurnar í Hvalba, stabba­grótið í Froðba og aðrar nátt­úru­upplivingar. Men eitt ferða­vinnutilboð, sum Theresa Kreutz­mann heldur hevði verið áhuga­vert fyri suðuroyingar at ment meira, eru gongutúrar. - Aðrastaðni í heiminum skal mann vera ein rímiliga royndur fjalla­gangari fyri at ganga í fjøllunum. Men í Suðuroy eru nógvir túrar, sum tey flestu fólk í roynd og veru væl klára at ganga, sigur hon og vísir á túrin millum Hvalba og Fámjin, túrin niðan á Nakk, niðan á Eggjarnar í Vági og Beinisvørð, har mann kann koyra longsta strekkið við bili, sigur hon. - Tað er lætt at ferðast í nátt­úr­ uni í Suðuroy, og hetta ger tað sera einfalt fyri ferðafólk. Mann hevur nakr­ar heilt ekstremt vakrar nátt­ úru­upplivingar, sum eru lætt at­ komi­ligar, uttan at mann skal brúka tímar uppá at koma har til. Uppá hendan mátan hevur Suð­uroyggin nakað, sum aðrar oyggj­ar í Føroyum ikki hava, sigur Theresa Kreutzmann, sum er fyrr­ verandi stjóri í Visit Tórshavn. Ráðgeva í íverksetan Theresa Kreutzmann og Ingibjørg Berg hava gjørt eina støðulýsing av ferðavinnuni Suðuroynni, har tær hava hugt eftir, hvat kann lata seg gera, hvat riggar, og hvat kann mennast enn meira. Í samband við hetta fóru tær runt til allar kommunurnar at, har tær hildu almennar borgarafundir. Har kundu fólk koma inn og hoyra um endamálið og um, hvussu tey kunnu vera við í yvirskipaðu ferða­vinnuverkætlanini. Aftaná hetta fór CommIT í holt við at skipa fyri íverk­set­ara­ ráðgeving til fólk við hug­skot­um og verkætlanum um ferða­vinnu­ menn­ing fyri at koma í gongd við sín­ar verkætlanir. Higartil hava tær báðar havt 20 verkætlanir ígjøgnum í verk­ætl­ an­arstovuni. Hesar fevna eitt nú um túrar, heimablídni, hotell­virk­ semi, søguligt innihald og upp­liv­ ing­ar á sjónum. - Um bara 10 av teimum blíva til nakað, so hava vit 10 nýggjar akt­ivit­etir í Suðuroynni, sum ikki vóru áðrenn. Tað fara altíð at vera verkætlanir, sum ikki blíva til nakað, og verkætlanir, sum blíva til nakað, sigur Theresa Kreutz­ mann. Menna talgilda tænastu Ætlanin er at fáa fólk at arbeiða við konkretum tilboðum til ferða­ fólk. Her er ætlanin at prinsippini tíð, stað og kostnaður skulu vera á øllum tilboðum. Hesar føstu rammurnar skulu útrudda fyri­ brigd­ini “túrurin verður, um tað viðr­ar”, “um nóg nógv tekna seg” og “ring á hetta nummarið fyri at hoyra nærri”. Í løtuni verður arbeitt við at menna ein talgildan vørulista, har mann á einari heimasíðu kann síggja alt tað, sum Suðuroyggin hev­ur at bjóða. - Hetta er ikki bara til útlendsk ferða­fólk, men eisini fyri føroy­ ing­ar. Tá mann kemur suður, má mann vita, hvørji tilboð og møgu­leikar eru í oynni. Talgilda produkt­katalogið avhongur av, at mann fær tey ymsu produktini liðug og lýst. Hendan partin eru vit í gongd við nú, sigur Theresa Kreutz­mann. Latið nýggja matstovu upp Theresa Kreutzmann hevur sam­ an við manni sínum latið nýggja mat­stovu upp á Tvøroyri, sum eit­ur Glasstovan. Hon hevur lagt merki til, hvussu væl suðuroyingar stuðla upp undir nýggja virk­ semið hjá bæði Glasstovuni og CommIT, og hetta heldur hon er ein positivur tendensur, sum er gald­andi fyri hugburðin hjá suð­ ur­oyingum sum heild. - Eg haldi, mann generelt verð­ur positivt yvirraskaður av, hvussu væl mann verður mót­tik­in í Suðuroynni. Vit í CommIT upp­ livdu eina ótrúliga góða móttøku frá kommunum og lokal­sam­ felagnum, tá vit byrjaðu, og mót­ tøkan av Glasstovuni hevur verið fantastisk. Mann fær eina góða inn­bjóðandi kenslu av, at komm­ un­urnar gjarna vilja hjálpa til, tá mann byrjar uppá okkurt nýtt í Suðuroy, sigur Theresa Kreutz­ mann. Ferðavinnan og hugburðurin Theresa T. Kreutzmann og Ingibjørg Berg hava fyritøkuna CommIT, sum veitir ráðgeving innan ferðavinnumenning kunnu bjarga oynni: - Vit mugu tosa Suðuroynna upp eftir