hósdagur 10. januar 2019síða 13

FRÍGGJADAGUR 11. JANUAR 2019 SOSIALURIN 4 13 Eysturoyartunnilin er liðug­ur. Tað fer ikki bara at hava ávirkan á fólkatalið og bú­staðar­mark­ naðin, men eisini handils­lív­ ið, ferðsluna og dámin av øki­ num, nú tað verður so stutt at koyra millum høvuðsstaðin og norðaru-eystaru helvt av Før­ oyum. - Sum kunnugt er sera nógv virk­semi í økinum, og hetta fer óivað at hava eina jaliga ávirkan. Tá ið tað nú eisini verður so stutt at koyra til Havnar, verða uttan iva fleiri, sum velja at búgva í øki­ num. Eisini er møguligt, at fólk, sum annars bara vildu búgva í mið­staðarøkinum, kanska velja at flyta, hetta eisini, tí at fleiri tøk grundøki eru í økinum, og eisini kunnu tey fáa líknandi hús fyri ein lægri prís, sigur Petur Mohr Niclasen. Føroyingar meira mobilir í dag Men um økið verður so attrak­ tivt, hví eru tað so kortini fleiri, ið selja? - Orsøkirnar eru ymiskar, og fyri tað mesta er talan bara um vanliga sølu, sum vit kenna tað aðrastaðni frá. Eitt nú tí at tey skulu byggja eini nýggj hús, ætla at búgva til leigu, og so eru onnur, sum kanska eiga fleiri ognir, og síggja tað sum eina skilagóða avgerð at selja í hes­um tíðum, sigur Petur Mohr Nicla­sen, stjóri í Skyn. Kára á Dunga frá Betri Heimi hevur eitt boð uppá, hví fleiri velja at selja. - Hugburðurin hja før­oy­ing­ um er broyttur. Í dag flytir mann eftir tørvi, har eitt nú arbeiðs­ marknaðurin hevur nógv at siga. Vil mann tættari uppá onkra­ staðni, so flytir mann bara. Tað gjørdi mann ikki fyrr - tá keypti mann sær hús, og so búði mann har. Mann er meira mobilur í dag enn tá, sigur Kára á Dunga, sum meinar, at bíligi prísurin eystara­megin tunnilin ger tað enn lættari at vera mobilur. - Tað er eina heila millión bílig­ari á Strondum og í Runavík enn í Havn. Mann fær nógv fyri peng­ar­nar, tá mann keypir har, og tí eru fólk heldur ikki so bangin fyri at prøva tað av. Riggar tað ikki, so býr mann har bara í eina tíð, inntil mann roynir eydnu­na onkra aðrastaðni, sigur hon. Báðir meklarastjórarnir legg­ ja merki til, at fleiri fólk selja hús, sum tey hava arvað. Hava fyrireikað seg væl Í meklaravinnunui ræður um at vera úti um seg, fylgja við í rák­ um, spáa um framtíðina og fyri­ reika seg har eftir. Í sambandi við Eysturoyartunnilin hevur Betri Heim sett eitt fólk av í Eystur­oynni, sum situr burturav í Eystur­oynni og Klaksvík. Fyri at fylla upp í deildini í Havn er eitt fólk sett aftrat fulla tíð og eitt hálva tíð. - Vit royna at vera frammi í skón­um. So skjott vit merkja eitt rák, eru vit umstillingarklár. Tað er ikki haldbart, tá trýstið verður ov stórt, so mann verður noydd­ ur at flyta seg eftir tørvinum hja fólki, og tað er tað, vit gera alla­ tíð. Vit mugu tillaga okkum, tí vit liva at seljarum, sigur Kára á Dunga. Skyn hevur eisini starvsfólk, sum burturav arbeiða í økinum. - Tað er tí, at har er meira og meira at gera, og einki bendir á, at hetta fer at broytast, kanska held­ur tvørturímóti, sigur Petur Mohr Niclasen. PATURE@SOSIALURIN.FO