hósdagur 10. januar 2019síða 15

FRÍGGJADAGUR 11. JANUAR 2019 SOSIALURIN 4 15 HALLUR AV RANA M et aftaná met aftaná met. Tað er kanska besta mátin at lýsa fólkatalið í Nes kommunu, sum síðstu árini ferð eftir ferð hevur skapt yvir­skriftir í fjølmiðlunum sum eitt av teimum økjum í landi­ num, ið hevur upplivað størsta fólkavøksturin. Og sam­bært Jóhannus Danielsen, borgar­ stjóra í Nes kommunu, so er hetta eitt beinleiðis úrslit av, at Eystur­oyartunnilin er ávegis. - Ein av orsøkunum til hendan vøkstur er, at fólk flyta heim nú tíðirnar eru góðar. Men tunnil­in er helst orsøkin til, at vøkst­ur­in er lutfalsliga stórur her hjá okkum samanborið við aðrastaðni. Vanliga hava fólk flutt aftur til bygdirnar í kommununi, tí tey hava til­ knýti ella eru uppvaksin her. Tað mynstrið er broytt nú. Nógv av teimum, ið seta búgv í kom­ mun­uni, hava einki tilknýti, men gera tað, tí tey síggja møguleikar í økinum, sigur hann. Meðan fólkavøksturin sum heild hevur verið stórur í Føroyum, so er Nes kommuna ein av teimum kommunum, ið hevur sæð ein so mikið stóran vøkst­ur, at tað veruliga munar. - Síðstu fimm árini er fólka­ talið í kommununi vaksið við um­leið 10 prosentum, ið er um­ leið 120 fólk. Tað er ein stórur vøkst­ur og fólkatalið setur met hvønn dag. 1. mai í fjør fór tað upp um 1.300 fólk og nú eru vit 1.325 fólk. Tað vísir heilt ítøkiligt hvat tunnilin hevur at siga fyri okk­um, sigur borgarstjórin. Vinnulig framgongd Tað at høvuðsstaðurin og Nes kom­mu­na nú verða knýtt nærri hvørjum øðrum við Eystur­oyar­ tunlinum skapar eisini gróðr­ ar­botn fyri meiri vinnu­lig­um virksemi í bygdini, ið framman­ undan er heimstaður hjá fleiri vinnu­fyritøkum. - Vit merkja ein øktan fyri­ spurning eftir vinnuøkjum og í løtuni eru tveir vinnu­ lívs­bygn­ingar í gerð. Talan er um tvey virkir, ið vóru her framman­undan, men tað eru nógv ár síðan, at tveir vinnu­ lívs­bygningar stóðu í gerð sam­ stundis í kommununi. Hetta er bæði eitt úrslit av bú­skapar­ vøkstrinum, men eisini tí vinnan sær møguleikar í økinum, nú fólka­grundarlagið veksur við tunli­num, vísir borgarstjórin á. Harumframt sær borgar­stjór­ in fyri sær, at kommunan fram­ yvir fær ein størri bit av ferða­ vinnu­køkuni, tá tað einans tekur 10 minuttir at koyra millum høvuðs­staðin og Nes kommunu. - Sum nú er leggja nógv tey flestu ferðamannaskipini at í Havn, men ferðafólkini koma sjáldan hendan vegin, tí tað er ov langt at ferðast. Tað broytist við tunli­num. Aftrat tí verður eisini styttri hjá havnarfólki at koma hendan vegin, so vit vænta meira virksemi, sigur hann. Íbúðarblokkar At bjartskygni valdar í Nes kom­mu­nu í hesum døgum sæst millum annað aftur í stóra byggivirkseminum, ið er í kom­ mu­nuni. Ikki bara eru tveir vinnu­lívs­bygningar í gerð, men verða tíggju hús eisini bygd í løtuni. - Nýbyggjarí steðgaði upp eftir kreppuni, men vend er kom­ið í aftur. Í løtuni verða 10 hús bygd og fleiri grundstykkir eru seld, so byggivirksemið ferð at halda á næstu árini. Tey grund­stykkir vit høvdu tøk eru seld og farið er undir at gera nýggjar útstykkingar fyri at nøkta eftirspurninginum, sigur borgar­stjórin. Í vikuni verður eisini farið í holt við eina nýggja verkætlan, har Bústaðir skal byggja tveir íbúðar­blokkar á Toftum. Talan verður um fyrstu íbúðarblokkar í kommununi, men longu nú hevur ein privat fyritøku ætlan­ ir um at byggja tveir líknandi blokk­ar í sama øki. Sostatt økist talið av íbúðum í bygdini við um­ leið 40 íbúðum næstu árini. Men við fólkavøkstrinum fylgja eisini fleiri krøv, vísir borgar­stjórin á. Tí jú fleiri borgar­ar eru í einari kommunu, jú størri er tørvurin á teimum ymisk­um tænastunum, ið ein kommu­na bjóðar. - Tað eru stórt sæð bara fyri­ munir við at tunnilin kemur, men tað skapar eisini nakrar av­ bjóðingar. Tað at fólk vilja seta búgv her setir krøv. Tað krevur fleiri útstykkingar, fleiri til­boð til barnaansing o.s.fr. Men við at gerast fleiri borgarar í kom­mun­ uni, verða tað eisini fleiri herðar til at bera tað, ið skal lyftast, vís­ ir borgarstjórin á. HALLUR@SOSIALURIN.FO - Síðstu fimm árini er fólkatalið í kommununi vaksið við umleið 10 prosentum, ið er umleið 120 fólk. Tað er ein stórur vøkstur og fólkatalið setur met hvønn dag. 1. mai í fjør fór tað upp um 1.300 fólk og nú eru vit 1.325 fólk. Tað vísir heilt ítøkiligt hvat tunnilin hevur at siga fyri okkum, sigur Jóhannus Danielsen, borgarstjóri í Nes kommunu KOMMUNAN VAKSIN VIÐ 10 PRO­ SENTUM UPP Á 5 ÁR Jóhannus Danielsen, borgarstjóri, fegnast um stóra fólkavøksturin í kommununi