hósdagur 10. januar 2019síða 16

FRÍGGJADAGUR 11. JANUAR 2019 SOSIALURIN 4 16 HALLUR AV RANA 21. februar 2017 kundi Henrik Old, táverandi landsstýrismaður í samferðslumálum, lata fyrsta skotið av fyri Eystur­oyar­tunlin­ um á hátíðarhaldi við tunnils­ munnan á Strondum. Nú gott tvey ár seinni nærkast dagurin av álvara, tá bilar fara koyra inn og úr tunlinum á sama stað. Strendur er partur av Sjóv­ar kommunu, ið er ein av trimum kommunum, har tunnils­munn­ arnir til undir­sjóvar­tunlinum eru staðsettir. Og í hesum døgum eru tey spent upp á teir møgu­ leikar, ið nýggja farleiðin gevur teimum, ið hava sítt dagliga virki í kommununi. - Sjóvar kommuna liggur í dag rímiliga væl fyri í mið­ staðar­økinum, men sjálvandi fer tann nýggja farleiðin at geva uppaftur fleiri møguleikar, bæði viðvíkjandi vinnulívi og búseting. Møguleikarnir at dríva vinnuligt virksemi verða munandi betri, og vit vænta størri áhuga hjá fyri­ tøk­um at staðseta seg her í Sjóvar kommunu. Eisini verður munandi lættari, bæði at luttaka í og at skipa fyri mentan­ar­ til­tøkum, eins og ítróttalív og felagslív annars verður lættari, sigur Artur Johansen, borgarstjóri í Sjóvar kommunu. Eitt tøkt grundstykki Hóast tað enn eru góð tvey ár áðrenn Eysturoyartunnilin letur upp fyri ferðslu, so merkja tey í Sjóvar kommunu longu ágóð­an av tunlinum. Seinnu árini eru tað nevniliga alsamt fleiri fólk, ið hava valt at seta búgv í kommununi og sambært borgar­stjóranum, so hevur Eystur­oyartunnilin ein part av æruni fyri tí. - Vit síggja og gleðast um, at Eysturoyartunnilin longu hevur økt um hugin hjá fólki at búseta seg í okkara kommu­nu. Tá ið arbeiðið við at bora tunnil­ in byrjaði, blivu øll okkara tøku grundstykkir seld eftir stuttari tíð, og vit gjørdu tí eina nýggja útstykking, við 53 grund­stykkj­ um, og av hesum eru 52 grund­ stykkir longu umbiðin, vísir borgarstjórin á. Umframt at borgarar ynskja at seta búgv í kommununi, so eru tað eisini vinnufyritøkur, ið vísa kommununi størri ans, nú hon verður so gott sum miðskeiðis í nýggja miðstaðarøkinum í Før­ oy­um. - Tað er longu nú ein veruleiki, at nýggjar fyritøkur er byrjaðar at virka í Sjóvar kommunu eftir at tunnilsarbeiðið fór í gongd, og har­umframt hava fleiri vent sær til okkara fyri at spyrja seg fyri og planleggja ein part av sínari framtíð her á staðnum, sigur borgar­stjórin. Fylgja gongdini Eins og í hinum kommunum á Skálafjørðinum ger vaksandi fólka­talið, ið lutvíst kemur av góðum tíðunum og lutvíst sum úrs­lit av komandi undir­sjóvar­ tunli­num, at Sjóvar kommuna má gera ymiskar íløgur fyri at lofta øllum teimum, ið ynskja at búgva og virka í kommununi. - Vit royna alla tíðina at fylgja væl við í gongdini og áhuganum fyri okkara kommunu, og á tann hátt kunnu vit møta av­bjóð­ing­ u­n­um og loysa tær, tá ið tær koma. Størstu avbjóðingarnar í løtuni eru útstykkingar og tørv­ur­in á dagstovnaplássum, men vit royna eisini at skapa karm­ar fyri øðrum virksemi eisini, og serliga er tað tørvurin á vinnu­økjum, ið hevur fingið pláss á fíggjarætlanini fyri 2019, sigur Artur Johansen og leggur afturat. - Eisini arbeiða vit við at endur­skoða alla byggi­sam­tykti­ na fyri alla kommununa, tí eitt livandi samfelag má alla tíðina tillaga seg í mun til nú­tíðar og framtíðar tørv og ynskir frá okkara borgarum og sam­ felagnum sum heild. Harumframt kann økta ferðsla føra til nakrar nýggjar av­bjóðingar, men sum heild er borgar­stjórin við gott mót nú tað nærkast at koyrandi er undir Tanga­fjørð. - Sjálvandi verður meira trýst á umsitingina og helst øk­ist ferðslan í økinum og vit mugu gera átøk ið tryggja at vandastøður ikki koma fyri.  Trýst verður helst eisini á bú­set­ing, men tíbetur er rúmsátt hjá okkum, tí økið er stórt, líka frá Selatrað til Innan Glyvur, so vit klára at rúma teimum, sum ætla sær eina framtíð her, sigur borgar­stjórin. HALLUR@SOSIALURIN.FO NÝGGJA FARLEIÐIN GEVUR UPPAFTUR FLEIRI MØGULEIKAR - Vit síggja og gleðast um, at Eysturoyartunnilin longu hevur økt um hugin hjá fólki at búseta seg í okkara kommunu. Tá ið arbeiðið við at bora tunnilin byrjaði, blivu øll okkara tøku grundstykkir seld eftir stuttari tíð, og vit gjørdu tí eina nýggja útstykking, við 53 grundstykkjum, og av hesum eru 52 grundstykkir longu umbiðin, sigur Artur Johansen, borgarstjóri í Sjóvar kommunu Eysturoyar tunnil TEMA: Eysturoyar tunnil Síðan 2009 hevur Artur Johansen staðið á odda fyri Sjóvar kommunu