hósdagur 10. januar 2019síða 17

FRÍGGJADAGUR 11. JANUAR 2019 SOSIALURIN 4 17 EINGIN KOMMUNU­SAMAN­ LEGGING Á HESUM SINNI - Tað nyttar lítið at leggja ástir saman við ein, sum ongar leggur aftur ímóti. Í Eysturoy vóru 63,7% ímóti kommunusamanlegging og 36,3% fyri í 2012. Valluttøkan var 43%. Minnist meg rætt vóru ímillum 80 og 90% ímóti samanlegging í Nes kommunu. Tí dugi eg ikki rættiliga at síggja prosessina í hesum høpinum í løtuni, sigur Tórbjørn Jacobsen, borgarstjóri í Runavíkar kommunu um møguleikan at leggja kommunurnar á Skálafjørðinum saman í eina stóra kommunu HALLUR AV RANA T að hevur ikki verið stór­vegis tos um nakra kommunu­ saman­legging á Skála­ fjørði­num, aftaná at fólka­at­ kvøðan í 2012 vísti, at nærum eingin hugur var fyri eina saman­legging í Eysturoynni. Eitt spurnarumfar hjá Sosiali­num, ið bleiv gjørt aftaná seinasta kommunuval, vísti eisini, at hugurin hjá borgarstjórunum á Skála­ fjørði­num fyri saman­legg­ing ikki rættiliga var til staðar. Teir tríggir borgarstjórarnir Tór­ bjørn Jacobsen, borgarstjóri í Runavíkar kommu, Artur Johan­sen, borgarstjóri í Sjóvar kommunu, og Jóhannus Daniel­ sen, borgarstjóri í Nes kommu­ nu, svaraðu allir nei, tá teir blivu spurdir, um nøkur saman­legg­ ing lá í kortunum hetta val­ skeið­ið. Tí er tað kanska ikki heilt óvænt­að, at einki serliga kjak spurd­ist burturúr, tá Kári Eg­ holm Jacobsen, býráðslimur í Runavíkar kommunu, í lesara­ brævi millum jól og nýggjár, spurdi um tíðin ikki var kom­in hjá teimum trimum kommunum á Skálafjørðin at leggja saman í eina stóra kommu­nu, so at tað ber betri til at gagnnýta og menna økið um fjørðin á best møguligan hátt. Slett ikki eitt tema Jóhannus Danielsen, borgar­ stjóri í Nes kommunu, greið­ ir frá, at hjá teimum er kom­ munu­samanlegging slett ikki eitt evni, ið tosað verður um. - Vit eru ein av teimum yngstu kommunum í landinum. Vit eru seinasta kommunan, ið loysti frá eini størri kommunu og er tað eini 50 ár síðan nú. Á fólka­atkvøðuna var ein greiður meiri­luti ímóti samanlegging og síðan tað hevur tað slett ikki verið eitt tema her í kom­mun­ u­ni, sigur Jóhannus Danielsen og leggur afturat. - Vit kenna tað ikki sum okkara ábyrgd sum valdir bygda­ráðs­limir, at reisa tað aft­ur sum mál, tí fólkaatkvøðan var greið. Sjálvur metir borgarstjórin, at borgararnir í Nes kommunu eru glaðir fyri, at tað er stutt millum vanliga borgaran og har av­gerðirnar verða tiknar. - Fólk her eru øgiliga glað fyri nærdemokratiið. Tey ynskja møguleikan at taka skjót­ar av­ gerðir og fáa ávirkan í nær­um­ hvørvinum, sigur borgar­stjórin í Nes kommunu. Hugsa ikki tankan Heldur ikki hinumegin Skála­ fjørðin tykist man at halda, at Eysturoyartunnilin skundar undir nakra kommunu­saman­ legging. Sambært Artur Johan­ sen, borgarstjóra í Sjóvar kommu­nu, er tað nevniliga ikki nak­að, ið man tosar ella hugsað um har á leiðum. - Í løtuni verður hvørki hugs­að ella tosað um kommunu­saman­ legging í Sjóvar kommunu. Vit gleðast hvønn dag um, at vit hava ábyrgdarfull og dugnalig starvsfólk og politikarar og at hesi við góðum felags stevi í góðum samljóði megna at fjálga um, skipa og útbyggja Sjóvar kom­munu á øllum økjum og at vit í góðum samstarvi við okkara grannakommunur væl kunnu lyfta allar felags upp­ gávur, til gagns fyri okkara borgar­ar, sigur Artur Johansen. Nyttar einki Í stóru kommununi í økinum er man væl vitandi um vantandi viljan fyri nøkrum, ið bara líkist einari samanlegging av kommununum á Skála­fjørði­ num. - Tað nyttar lítið at leggja ást­ir saman við ein, sum ongar leggur aftur ímóti. Í Eystur­oy vóru 63,7% ímóti kommunu­ samanlegging og 36,3% fyri í 2012. Valluttøkan var 43%. Minn­ ist meg rætt vóru ímillum 80 og 90% ímóti samanlegging í Nes kommunu. Tí dugi eg ikki rætti­liga at síggja prosessina í hes­um høpinum í løtuni, sigur Tór­bjørn Jacobsen, borgarstjóri í Runav­íkar kommunu. Borgarstjórin í Runavíkar kommunu er tó sjálvur ikki heilt avvísandi at kanna møgu­leikan, um høvi býðst fyri tí seinni. Men í verandi løtu verður orkan løgd í at menna Runa­víkar kommunu. - Tað kann gott vera at vit fara at hyggja uppá hetta við kommunusamanlegging, men útgangsstøðið hjá mær er í hvussu er í løtuni, at fáa Runa­ víkar kommunu at virka so væl sum til ber hiðani og frameftir. Eisini fyri at hon kann gerast ein áhugaverdur partur hjá Tórs­havnar kommunu at sam­ starva við á onkrum økjum, sigur Tórbjørn Jacobsen. Hóast tað ikki er langt millum bygdirnar, so húsast tríggjar kommunur kring fjørðin