týsdagur 15. januar 2019síða 23

23 Sosialurin Hugskot og viðmerkingar – send sms til 225000 Mikudagur 16. januar 2019 · Nr. 6 Hugskot og viðmerkingar – send sms til 225000 h v ø r j a løtu, sigur Jóhan á Plógv Han­ sen í samrøðu við Horsens Folke­blad. Undan fyrsta dystinum verð­ ur kunngjørt, at tað ikki er brúk fyri føroyska vonginum, tí Hans Lindberg er tøkur. Hann spælir dystin móti Kili, men verður aftur skaddur. Tað er í einum samanstoyti, at Hans Lindeberg fær ein minni skaða, sum merkir, at vong­spælarin ikki kann vera við komandi dystirnar. Roknað verður við, at Hans Lindberg seinni í kapp­ingini kann koma aftur á liðið, upp­ lýsir danska hond­bólts­sam­ bandið leygardagin. – Tí hevur Nikolaj Jacobsen, landsliðsvenjari, í samráð við læknarnar hjá landsliðnum gjørt av, at taka út Johan P. Hansen í HM bólkin at loysa Lindberg av, sum harvið kann fáa neyðuga friðin at gerast dystarklárur aftur. Føroyingur fyri hálvan føroying Tað er ein heilur føroyingur, Jóhan á Plógv Hansen, sum loysir av hálva føroyingin, Hans Lindberg. 37 ára gamli Hans Lindberg er uppkallaður eftir abba sínum, Hans Lindberg, sum var úr Trongisvági. Hans Lindberg var giftur Alu Lind­ berg, ið eisini er úr Trongis­vági. Tey bæði fluttu til Íslands, Hans undir krígnum og Ala nakað seinni. Tey bæði fingu sjey børn, teirra millum Erling Lind­berg, ið fekk íslendska konu. Erling Lindberg fekk tveir synir, Dávid og Hans – og tað er Hans Lindberg, sum vit millum annað hava upplivað í fleiri HM-endaspælinum í hond­bólti – eisini í setanar­ dysti­num hesaferð millum Dan­mark og Kili. Erling Lindberg, pápi Hans, hevur mangan verið í Føroyum, og hevur tá búð í Trongisvági hjá familjuni har, eitt nú fastr­ ini Elly Magnussen, ið so er abba­systur hondbóltsspælaran Hans Lindberg. Hans Lindberg var íslendsk­ ur ríkisborgari til hann var 18 ára gamal. Tá skifti hann fyri at fáa danska SU, og tí at hann var landsliðsaktuellur til danska ungdómslandsliðið. Hans Ottar Lindberg dugir framvegis íslendska móðirmálið, men hann hevur ongantíð verið í Før­oyum. Tvey mál í fyrsta dystinum Fyrsti dysturin hjá føroyska vonginum á danska lands­lið­ num er móti Tunesia. Danmark vinnur 36-22 og Jóhan á Plógv Han­sen skorar tvey mál. Havnar­maðurin spældi í eitt gott korter í seinna hálvleiki. Tað bleiv til tvey mál og eitt upp­legg í skjótalopi, tá bólturin fór út til innkast. Hartil rakti hann eisini stongina, tá hann royndi seg við hegnisligum skoti úr høgru. Danmark hevði fult tamar­ hald á dystinum, hóast Tunesia kunnu verða torførir at spæla ímóti. Teir eru stórir og sterkir, men danska liðið hevði lisið uppá. Stóran stjørnan á danska lands­liðnum, Mikkel Hansen, verður toppskjútti saman við Rasmus Lauge. Teir fáa hvør­ síni sjey mál. – Tað var ótrúligt. Eg fekk gásar­hold, tá tjóðsangurin varð sungin, og tá navn mítt varð rópt upp. Tað er størsta upp­ livin, eg havi havt í hond­bólts­tíð míni higartil. At sleppa at spæla eitt HM og so á heima­vølli, tað verður ikki størri. Eg haldi, at eg fái trupult við at sovna í kvøld. Tað hevur verið ein stórur dagur, sigur Jóhan á Plógv Hansen eftir dystin við Ritzau. Fýra mál móti Saudiarabia Mánakvøldið er Jóhan á Plógv Hansen aftur á vøllinum, tá Danmark vann 34-21 á Saudi­ arabia. Nikolaj Jacobsen velur til dystin at seta fleiri av eyka­ spælar­unum á vøllin, tí mett verður at mótstøðan er veik. Hetta gongur tó illa eina løtu, men Jóhan á Plogv Han­sen spæl­ir seg heitan og skorar fýra mál. Eisini eigur hann onkra flotta avlevering til mál. Sýnisgluggin til útheimin Í 2016 skiftir Jóhan á Plógv Han­sen til Bjerringbro-Silke­ borg, stytt BSV. Liðið vinnur mill­um annað DM í 2016, og spæl­ir síðani í Champions League, har liðið kemur í bólk saman við nøkrum av størstu feløg­un­um í heiminum. Millum annað Barcelona, Kiel og Paris Saint-Germain. -Bólkurin, sum vit koma í er ótrú­liga sterkur. Tað eru tveir bólkar á átta lið. Av teimum sum vit kundu fáa fingu vit tað sterkasta liðið hvørja ferð. Tað er fantastiskt at hava spælt móti elituni, sigur føroyski vong­urin. Í hesum kappingarárinum hevur føroyingurin verið fram­ úr í Champions League høpi. Longu í 2017 hevur hann sett eyguni eftir útheiminum, men hevur virðing fyri BSV. -Eg hugsi fyrst og fremst um BSV, men tað hevði sjálvandi verið áhugavert at sloppið at spælt í Bundesliguni einaferð. Kanska eg kundi spælt við einum miðalliðið fyrst, og so sæð hvat tað røkkur til, sigur vong­urin. Tað er ikki ókeypis at spæla hond­bólt á høgum stigi, tí tað er nógv, sum tú mást siga nei til. Eitt nú at koma heim til jóla­aftan, tí tú skal spæla 23. des­em­bur. Ungi havn­ar­mað­ urin váttar, at tað er hart, men leggur dent á fyri­mun­ir­nar. -Eg havi ferðast í næstan øllum Evropa, og spælt móti fleiri stórum profilum. Tað er heilt fantastiskt, sigur Jóhan á Plógv Hansen. Stutt undan HM-enda­spæli­ num segði hann við Horsens Folke­blad, at hann nú er til reiðar fara víðari. - Eg havi tað fantastiskt í Bjerr­ingbro-Silkeborg, men upp á eitt ella annað tíðspunkt vil eg gjarna víðari til eitt út­ lendskt felag, og eg føli meg til­ reiðar til tað. Hetta gevur mær hug til fleiri landsdystir. Um eg komi til týskan ella fransk­ an hondbólt, so betrar tað um mínar møguleikar fyri at fáa eitt pláss á landsliðnum fram­ yvir, sigur Jóhan í samrøðu við Horsens Folkeblad og leggur afturat: - Daman hevur játtað seg til at koma við uttanlands. Hon er í holt við lesnað, sum hon kann halda fram við umvegis netið, sigur hann víðari. Tekur av møguleikanum Søgan um Jóhan á Plógv Han­ sen er ein søga um at taka av. Hann fór til Skanderborg í eitt ár, men tók av tá hann fekk møguleikan. Hann fór til BSV og bleiv skaddur, men arbeiddi seg aftur í hitan. Nú er hevur hann aftur tikið av, tá danska lands­liðið hevur brúk fyri honum. Hóast hann ikki var eitt ”lýs­andi talent”, so hevur hart arbeiði og raðfesting í lívinum gjørt, at vit í dag síggja Jóhan á Plógv Hansen skjóta mál millum heimselituna til eitt HM-endaspæl. trondur@sosialurin.fo HONDBÓLTUR “Hann er eitt heilt ser­ligt krops­ligt talent og hev­ur eitt avsett, sum eg ikki havi sæð fyrr. Hann fær meg at hugsa um franska lands­liðs­ spælaran, Luc Abalo, tá tað kemur til av­ sett og teknikk. Tað síggja vit ikki so oftani her um leiðir” Jesper Koch, ítróttarstjóri í Skanderborg, 2013