sunnudagur 28. november 2004síða 15

8 Nr. 228 - 27. november 2004 Nr. 228 - 27. november 2004 9 Bókadagur Fyri fyrstu ferð í langsamiliga tíð er bygdaráðið í Hvalba samt um, hvør skal verða borgarstjóra BYGDARÁÐSVAL Áki Bertholdsen aki@sosialurin.fo Levi Niclasen heldur fram sum borgarstjóri í Hvalba í fýra ár afturat. Tað varð greitt eftir fund í nývalda bygdaráðnum í Hvalba mánakvøldið. Á fundinum varð skotið upp at Levi Niclasen skuldi halda fram sum borgarstjóri og tað var einmælt samtykt. Sostatt er tað fyrstu ferð í langsamiliga tíð, at bygda- ráðið í Hvalba er samt um at velja borgarstjóra. Men tað var ikki heilt av tilvild, at alt bygdaráðið samdust um borgarstjóra. Frammanundan bygda- ráðsfundinum, høvdu allir teir nývaldu bygdaráðslim- irnir fund, har tey samdust um at skipa bygdaráðið í sátt og semju. Annars fekk listi A, sum er listin hjá borgarstjóran- um fýra, av teimum sjey bygdaráðslimunum og kundi sostatt skipa bygda- ráðið einsamallur. Men tað varð gjørt av at royna eina semju og tað eydnaðist. Sostatt fær eisini listi B sína ávirkan á kommunupolitikkin í Hvalba tey næstu fýra árini. Eitt nú verður Magni Bertholdsen á lista B vara- borgarstjóri tey næstu fýra árini. Annars hevur bygdaráðið í Hvalba gjørt av at skipa eina nevnd afturat og tað er ein vega- og havnanevnd. Soleiðis eru mál, sum viðvíkja vegum og Havnum tikin úr teknisku nevnd og løgd í eina serstaka vega- og havnanevnd. Í fíggjarnevndini er Levi Niclasen formaður, í tekn- isku nevnd verður Trygvi Midjord á lista B, formað- ur, í trivnaðarnevndini er Otto West á lista A, for- maður og í nýstovnaðu havnanevndini er Niels Jacob Thomsen á lista A, formaður. Asfalt og bátahylur Tað, sum bygdaráðið í Hvalba fer at leggja dent á tey komandu árini, er at asfaltera vegirnir í komm- ununi lidnar, tí teir eru rættiliga illa farnir, serliga summastaðni í Hvalba. Somuleiðis er ætlanin at gera ein nýggjan bátahyl innanfyri flakavirkið. Hann er mettur at kosta ímillum 3 og 4 milliónir. Annars eru tveir bátahyl- ar í Hvalba frammanundan, men Levi Niclasen sigur, at veruleikin er, at teir eru ikki nóg góðir og har fáa bátar ikki ligið um veturin. Jólakonsert í Glyvra kirkju KONSERT tíðindaskriv Sunnudagin 28. no- vember hava Havnar Ungdomshornorkestur og Nes Sóknar Mu- sikkfelag felags kon- sert í Glyvra kirkju. Leiðari hjá báðum or- kestrunum er musikk- lærarin Ken Jones. Hetta er triðju ferð, at hesi bæði orkestur hava felags jólakon- sert. Havnar Ungdóms- hornorkestur er sett saman av sera ungum spælarum, sum tó ikki eru óroyndir. Tey hava m. a. verið bæði í Noregi, Aberdeen og París og spælt. Somu- leiðis fyrireika tey eina ferð til í New York í summar, so sigast má, at hesir ungu blásarar fáa altjóða royndir. Nes Sóknar Musikk- felag er sett saman av spælarum úr bygdun- um kring Skálafjørðin og úr Oyndarfirði. Or- kestrið hevur í ár fing- ið nýggj instrument og er mannað við umleið 30 spælarum, bæði ungum og eldri. Tey spæla regluliga til mong ymisk tiltøk: stevnur, hátíðarhald, konsertir og tendring av jólatrøum. NSM var í 1999 á konsertferð í Skotlandi og síðsta summar í Hetlandi. Á konsertini verður byrjað við felagsor- kestri, sum tá telur yvir 40 spælarar. Eftir fe- lags byrjanina hevur NSM hesa skrá: Nú ringja klokkur, It’s the Most Wonderful Time of the Year, Once in Royal Davids City, White Christmas, Jóla- klokkan aftur ringir. HUH spælir hesi løg: Angels We Have Heard, 2. satsur úr Trompetkonsert hjá Haydn (Tróndur Hera- son er solistur), Here Comes Santa Claus, Nu tändas tusen juleljus, Sleigh Ride. Ein messingkvintet úr HUH (Ken Jones, Pauli Petersen, Trónd- ur Herason, Glenn Samuelsen og Dávur J. Magnussen) fer har- afturat at spæla Halle- luja-kórið úr Messias hjá Händel. Endað verður við, at felagsorkestrið spælir undir til felagssálmin Gleðilig jól. Tað verður Delmar Tausen, sum skal leiða hovbingar ígjøgnum tey næstu fýra árini BYGDARRÁÐ Áki Bertholdsen aki@sosialurin.fo Hovbingar hava fingið nýggjan Borgarstjóra. Á bygdaráðsfundi herfyri hevur nýggja bygdaráðið í Hovi skipað seg Delmari Tausen sum borgarstjóra. Varaborgarstjóri er enn sum áður, Jákup Petur Joensen. Hinir bygdaráðslimirnir í Hovi eru Emma Petersen, Dagfríð Hovgaard og Jón- svein Hovgaard, sum er nývaldur. Annars skal Delmar Tausen umboða kommun- una í Føroya Kommunu- felag, Jákup Petur Joensen skal umboða kommununa í SEV, Jónsvein Hovgaard skal umboða kommuna í IRF og Dagrfríð Hovgaard skal umboða kommununa í nevndini fyri Suðuroyar Ellis- og røktarheimi. Tað var longu undan valinum greitt, at nýggjur borgarstjóri skuldi finnast í Hovi, tí borgarstjórin, Emma Petersen staðfesti rættiliga tíðliga, at hon fór ikki at taka av einum afturvali. Delmar Tausen sigur, at høvuðsmálini hjá nýggja bygdarráðnum verður at gera kloakkkipanina í bygdini lidna og at fara í holt við vatnveitingina, eitt nú er sjálvur vatnbrunnurin farin at eldast. Sunnudagin 28. november, sum eisini er fyrsti sunnu- dagur í atvent, verður ein sonevndur Bókadagur hild- in í Norðurlandahúsinum. Møguleiki verður at hoyra brot úr ymsum nýggjum bókaútgávum upplisin, eins og kunning verður um ný- útkomnar bøkur Tiltakið byrjar kl 15.00 og verður ymsa staðni í Norðurlandahúsinum. – Fyrst fara Jóanis Niel- sen, Heðin M. Klein og Oddfríður M. Rasmussen at lesa upp yrkingar eftir Christian Matras í Klingr- uni. – Síðani verða Tolkien og Tórgarð at hoyra. Hanus Kamban fer nevniliga at lesa upp úr bókini um Ringanna Harra. So er sangur og tónleikur á skránni. Zacharis Søren- sen fer at framføra løg úr lagasavninum til Føroya fólks Sangbók. Hetta verð- ur eisini í Klingruni. Eftir sangin fer Oddvør Johansen at lesa úr virðis- løntu bók síni um Sebast- ians hús. Allar hesar framførsl- urnar varða ímillum 10 og 15 min. Í Forhøllini fer Arthur Krasilnikoff, sum er gestur úr Danmark, síðani at lesa upp úr bók síni, nevnd »Hvalens Øje«. Hann fer síðani eisini at tosa um bókina. Í Dansistovuni verður høvi at hoyra Heðin M. Klein lesa upp yrkingar úr nýútkomna yrkingaavni sínum. So verður aftur farið inn í Klingruna, har Marjun Kjelnæs lesur úr stuttsøgu- savni sínum, »Ein farri av kolvetni«. Bókadeild Føroya Lær- arafelags fer síðani at kunna um nýútkomnar bøkur. Eisini her verður upplestur á skránni. Carl Johan Jensen fer so at lesa úr nýggjasta yrk- ingasavninum hjá Tóroddi Poulsen. Seinasta tiltakið á skránni verður orðaskifti við pallborði, sum fer at tosa um »ummæli og um- støður at ummæla í Før- oyum«. Við pallborðið sita Bergur D. Hansen, Hanus Kamban, Kinna Poulsen og Carl Johan Jensen. Orð- stýrari verður Ivan Niclas- sen. Í Førhøllini fer bókasølan í SMS at selja nýútkomnar bøkur og Bókadeild Føroya Lærarafelags fer at sýna fram upprunamyndirnar í nøkrum av teimum mynda- bókum, sum forlagið gevur út í vetur. eys Nýggjur borgar- stjóri í Hovi Delmar Tausen verður borgarstjóri í Hovi tey næstu fýra árini Hvalbingar samdust um Levi Hetta er listi A í bygdaráðnum í Hvalba. Fremst á myndini er Levi Niclasen, formaður, síðani Otto West, Bjarta Berg, sum er nývald og aftast, Niels Jacob Thomsen Og Hetta eru so tey trý, ið manna lista B í bygdaráðnum í Hvalba. Frá vinstru eru teir Martin í Nesi og Magni Bertholdsen, sum báðir eru nývaldir, og Trygvi Midjord Kirkjan í Hoyvík: Skal standa í fleiri hundrað ár Leingi hevur verið tos- að um at byggja eina kirkju í Hoyvíkshag- anum. Fyri 20 árum síðani varð ein arkit- ektakapping útskriv- að, men ikki fyrr enn nú verður av álvara farið undir arbeiðið. Hoyvíkingar gleða seg HOYVÍKAR KIRKJA Eydna Skaale Eydna@sosialurin.fo Katrin Dahl er ein av teimum, sum hevur verið við í arbeiðnum við Hoyvík- ar kirkju síðani byrjanina. Hon sigur, at hon veruliga gleðir seg til farið verður í gongd við arbeiðnum. – Tað er heilt víst, at okk- um tørvar eina kirkju her uppi. Um stutta tíð verða vit næststørsti býur í Før- oyum, næst eftir Havnina, og tað ber ikki til, ikki at hava eina kirkju fyri okkum sjálvi, heldur Katrin. Drúgt arbeiði – Fyri 20 árum síðani sóu vit, at býurin fór at vaksa. Tí fóru vit tá undir fyri- reikandi arbeiði, til at fáa eina kirkju í Hoyvíkshagan, greiðir Katrin Dahl frá. Tey útskrivaðu tá eina arkitektakapping um nýggju kirkjuna. Eini 14 uppskot komu inn, og uppskotið hjá Albert Isfeldt og hansara fólki vann tá 1. virðisløn. – Vit ætlaðu tá at fara undir at byggja alt fyri eitt, men vit høvdu ikki serliga nógvan pening. Vit vænt- aðu tó, at feløg, fyritøkur og onnur fóru at vilja stuðl- að kirkjuni, men tað vísti seg ikki at ganga. Tey vildu, at arbeiðið skuldi byrja, og so vildu tey hugsa um tað, tá tey sóu hvussu tað fór at verða, minnist Katrin. Tey hildu tað tó verða nakað váðamikið at fara undir at byggja, uttan at vita, um peningaligur stuð- ul fór at koma. Tí varð ætl- anin løgd á hyllina, og har lá hon í 20 ár. Hesi 20 árini er tó ein ávís upphædd av gjaldin- um, sum kirkjurnar í Havn fáa, blivin sett av til kirkj- una í Hoyvík, og nú verður mett, at tað er forsvarligt at fara í gongd við arbeiðið. Eginognin er nú tveir triðjingar av kostnaðinum og lán verður tikið uppá tað, sum restar í. Sakna egna kirkju Katrin greiðir frá, at hóast tey á sinnu roknaðu við, at Hoyvíkin fór at vaksa mun- andi, so høvdu tey aldrin droymt um, at hon fór at vaksa so nógv, sum hon hevur seinastu árini. – Vit hava verið noydd at broyta upprunaliga upp- skotið nakað, tí uppruna- liga kirkjan hevði verið ov lítil til alt fólkið, sum nú býr í Hoyvík. Tí verður kirkjan eisini nakað dýrari enn upprunaliga ætlað, greiðir Katrin frá. Hon heldur, at fólk í Hoy- vík veruliga sakna ein kirkju sum er teirrra. Og tað verður tí eingin trupul- leiki at fylla hana, hóast rákið í hinum norðurlond- unum hevur verið, at kirkj- urnar gerast alsamt tómari. – Hatta ivamálið er ikki nakað, sum vit skulu taka við, frammanundan at kirkjan er bygd. Tí hyggur tú í kirkjurnar í Føroyum, so eru tað nógv fólk hvønn sunnudag. Eg ivist tí onga løtu í, at hoyvíksfólk eisini fara at taka sína kirkju til sín. Vit fara í øllum førum at gera alt, sum stendur í okkara magt, at fáa fólk at verða góð við hana. Og at halda negativa rákinum úr útlondunum burtur, stað- festir Katrin Dahl. Hon leggur afturat, at undirtøkan og áhugin mill- um manna, bendir á alt annað enn eina kirkju, sum fer at standa tóm. – Fólk gleða seg og tey eru óalmindiliga positiv, so eg beri ongan ótta fyri has- um, staðfestir hon. Katrin sigur seg eisini vóna, at sambandið og sam- starvið ímillum skúlan og kirkjuna fer at verða gott, eftirsum tey fara at verða síð um síð. – Tey í skúlanum eru ógvuliga spent uppá kirkj- una. Og um vit fáa vant hoyvíksbørn við kirkjuna beinanvegin, heilt frá tí, at tey eru smá, so er møgu- leikin fyri, at tey veruliga taka hana til sín, ógvuliga stórur, sigur Katrin. Hon heldur, at øll fólk mugu hava okkurt at hella sítt høvur á, og um tað ikki verður kirkjan, so verður tað okkurt annað. Allarhelst okkurt rák úr eysturheimin- um, sum vísir seg vera so vælumtókt i grannalond- unum. Funktionel og flott kirkja Kirkjan fer at verða mið- punktið í Hoyvíkini, og hon fer at liggja við síðuna av skúlanum. – Vit ætla at útbjóða longu í januar 2005. Vón- andi verður spakin settur í um februar/mars, og ætlan- in er, at kirkjan skal verða liðug á hvítusunnu í 07, sigur Katrin. Í skipinum á nýggju kirkjuni fara 400 fólk at rúmast. Afturat tí, verður ein tilbygningur við dragi- hurðum, sum at kalla kann skoytast upp í skipið. Har rúmst 200 fólk. Hesin til- bygningurin kann so eisini nýtast til onnur ting, sum konfirmantfyrireiking ella sunnudagsskúla. Eisini verður eitt kjallararúm til at taka, og nýggja kirkjan fer eisini at hava eitt kapel. – Hetta verður ein ótrúliga flott kirkja. Ljós verður í torninum, so tað fer at síggjast langvegis frá. Upprunaliga ætlanin er eisini at hava kopartak og laðað grót allanvegin fram- við. Enn vita vit ikki um vit hava ráð at gera hetta bein- anvegin, men ætlanin er so, at tað skal koma so líðandi, greiðir Katrin frá. Tað eru tó nøkur ting, ið ikki eru tikin við í kostnað- in av kirkjuni. Tað eru urg- an, kirkjuklokkan og kirkjusilvurið. – Vit vóna, at vit fáa eina innsavnan í lag, soleiðis, at hoyvíksfólk sjálvi fáa møguleikan at lata kirkjuni hesi tingini. Ella í øllum førum at hjálpa til at fíggja tey, sigur Katrin. Endalig avgerð er ikki tikin um altartalvuna enn, men Katrin veit at siga, at valið stendur ímillum tveir møguleikar. – Tá vit á sinni fóru undir arbeiðið við kirkjuni, var Eivind Vilhelm, sáli og fyrrverandi bispur, ein av eldsálunum í arbeiðnum. Hann keypti einaferð ein kross, sum skuldi nýtast til altartalvu í Hoyvík. Kross- urin stendur í dag úti á bispagarðinum, men spurn- ingurin er, um ikki hann verður ov lítil, nú kirkjan verður størri enn ætlað. Hin altartalvan er ein málning- ur, sum Halstein Mikkelsen hevur málað og ognað Føroyum við tí treyt, at hann skuldi heingjast í eina kirkju. Higartil hevur hann hingið í Meinigheitshúsin- um, men vit fara nokk at leggja eitt boð inn, so máln- ingurin kann gerast okkara altartalva. Og vit finna nokk eisini pláss til krossin, um enn tað ikki verður sum altartalvu, sigur Katrin. – Kirkjan skal vera ein virðiligur bygningur, sum allarhelst skal standa í fleiri hundrað ár. Og hon eigur at mynda byggilistina í tí tíðini, tá hon er bygd. Tað haldi eg, at Hoyvíkar kirkja fer at gera, staðfestir Katrin Dahl at enda og leggur afturat, – Nú mugu vit bara biðja til, at alt gongur sum tað skal, so vit sleppa í okkara egnu kirkju í 2007. C M Y K 9 8