hósdagur 17. januar 2019síða 5

FRÍGGJADAGUR 18. JANUAR 2019 SOSIALURIN 7 5 – Hetta er eitt maktspæl, men eg ætli ikki at lata meg hótta ÁKI BERTHOLDSEN T að sigur Ruth Vang, forkvinna í Fíggjarnevndini hjá Løgting­ inum. Og tað sigur hon eftir at meirilutin í Fíggjar­nevndini nú hevur heitt á hana um at kalla saman til nevnd í Fíggjarnevndini alt fyri eitt. Tað eru sjey limir í Fíggjarnevndini, og nú Kristin Michelsen er koyrdur úr Javn­aðarflokkinum, misti samgongan sam­stundis meirilutan í nevndini. Og tað er nettupp Kristin Michelsen, sum nú er farin í part við hini trý umboðini fyri andstøðuna um at krevja fund í Fíggjar­ nevnd­ini beinanvegin. Á Fundinum vilja tey fýra umboðini fyri andstøðuna í Fíggjarnevndini sleppa at velja nýggjan formann, og tey vilja eisini hava nøkur mál á skrá, sum hava liggja í Fíggjarnevndini, men sum nevnd­ in langt síðani átti at havt avgreitt eftir ting­skipanini. Ruth Vang sigur, at sjálvandi fer hon at kalla Fíggjarnevndina saman – men hon leggur afturat, at tað verður hvørki í dag ella í morgin. Hon leggur dent á, at sam­ gongan kann ikki góðtaka at missa for­ mannin í Fíggjarnevndini, sum er tann týdn­ingarmesta nevndin av øllum hjá Løg­tinginum.  Og hon sigur, at fyrr enn samgongan hevur viðgjørt støðuna, og hevur fingið greiði á, hvussu hon kann varðveita for­ mann­in í nevndini, verður ongin fund­ur. Og, hvussu tað málið verður avgreitt, veit hon ikki, tí tað verður leiðslan í sam­gong­ uni, sum skal fáa greiði á tí. Hvussu tað kann gerast, veit hon ikki. Ein máti er at gera eina avtalu við onkran flokk í andstøðuni um at velja allar nevndirnar av nýggjum. Her kann leggjast afturat, at tá ið nevndirnar vórðu valdar upprunaliga beint eftir seinasta val, gjørdu samgongan og Sjálvstýri avtalu um valbólk, soleiðis at samgongan fekk formansskapin í nevndunum. Bill Justinussen, sum er eitt umboð fyri andstøðuna í Fíggjarnevndini, heldur, at Ruth Vang er dumpað sum forkvinna, tí tað, hon ger, er í stríð við tingskipanina. Men Ruth Vang er ikki samd. – Hetta er eitt maktspæl um for­ mansskapin í Fíggjarnevndini. Og hetta er eitt maktspæl, har andstøðan brúkar tey vápn, hon hevur. Men afturfyri brúki eg eisini tey vápn, eg havi, og eitt av teimum er, at tað eri eg, sum geri av, nær fundur verður. Hevði eg givið eftir fyri eini hóttan, sum hesari, kundu vit tosað um, at eg var dumpað, leggur hon afturat. Hon heldur eisini, at tey mál, sum Fíggjarnevndin ikki hevur avgreidd, eru mál, sum saktans tola at bíða. Talan er ikki um mál, har stór, samfelagslig virði, ella trygd landsins, eru í vanda, so tey tola at bíða í nakrar dagar afturat, leggur hon afturat. Eg lati meg ikki hótta – Hetta er eitt maktspæl um formansskapin í Fíggjarnevndini, sigur Ruth Vang, løgtingskvinna fyri Framsókn og forkvinna í Løgtingsins fíggjarnevnd Umhugsin Nærverandi Ítøkiligur MIÐFLOKKURIN SJÁLVANDI LANDS- FUNDUR www.midflokkurin.fo MIÐFLOKKURIN Navn floksins er Miðflokkurin .... og endamál floksins er at savna kvinnur og menn til arbeiðis fyri demokratiskum politikki, bygdan á kristnu lívsáskoðanina. Soleiðis ljóða fyrstu orðini í "lóg fyri Miðflokkin" og víðari lesa vit: Øll, sum taka undir við endamáli og stevnuskrá floksins, kunnu gerast limir í flokkinum, við at tekna seg hjá floksstjórnini. Einaferð árliga møtast vit til landsfund. Vit viðgerða samfelagsstøðuna, nágreina kósina og leggja ætlanir. Ein rættiligur hugna- og arbeiðs- dag ur. Í ár møtast vit í skótahúsinum við Løkin, í Runavík. Vit byrja kl. 09.00 við morgunmati, síðani verður andakt og lovsangur, áðrenn farið verð- ur yvir til fundarskránna. Har hoyra vit framløgur frá floks stjórn ar for- mann inum, formanni floksins og gestarøðarum. Dagsaktuell mál verða við gjørd, i ár eru m.a. á skránni: • bústaðarneyðin/ bústaðarpolitikkur • eitt trygt vinnulív • burðardygd og umhvørvi • samferðsla, tunnlar • løgtingsvalið/ virðisvalið 2019 • hvussu verja vit Føroyar • ábygdin fyri tí veika Kl. 13.00 bjóðar flokkurin ein góðan døgurða, og í ár hava vit sett nógva tíð av til orðaskifti. Løgtingsvalið 2019 er eitt virðisval! Vit í Miðflokkinum meta ársins Løgtingsval at vera tað týdningarmesta nakrantíð, hetta tí at ráðandi flokkarnir tykjast hava slept øllum trygg- um, góðum, mennandi og verjandi kristnum virðum fyri borð! Alt av- ger andi, fyri at bjarga tjóð okkara, er tí at forða teimum at sleppa til borðs aftur! Tín partur av hesum stríði kundi byrjað á landsfundinum og hildið fram í valstríðinum og valhølinum! Verðið vælkomin, kvinnur og menn, á ársins landsfund, landsfund Miðfloksins 2019! CITAT spor Miðfloksins í samfelagnum bera boð um lív